MÜLANGPÜ 18:21 - DAÜLANGPÜ LAIHING (BSI)

²¹ Shejao nanglakthü khong kübü dou aokhen shennyak hanei Kahvang nyempü, monglemaokpü, shahshem nanglei kü jiühitpü shennyak jetuh, hatü hapa shennyakthüi haja shak kü, kho shak kü, pinyipüan shak kü, hatü an shak kü lakchongbü vaiyei tuhtuh.

MÜLANGPÜ 18:21 Referans Kwoze

PHONGSHANTHÜ DOU 6:3

Hanangkü jeihinaüthü, amphong khong kübü menmei kohpü, Laangha hatü kihikoni maei nyupü jetuh, hatü hami jomphong kü hapa dousho kotü tuhhen,

EZEKIEL 18:8

Büpai bhüei danghen kü lop nelushuohnyu, nevaijü lop bhüei neyahnyu. Büpai nemeipü dükhen kübü büpalei lak shümlangnyüke, hatü shahhing shahphenpü shuohnyüke.

2 SAMUEL 23:3

Israel Kahvangi eteke; Israel amei Yaongnyüi ngei kü eteke: Kahvang nyemshi üpai ngelei nanglak kü shahhing kü vanglem lemnya,

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

ZEKHARIAH 8:16

Hathü dou ammi dükhen vongbong: Hüki hük mü shahhing eteituh, hatü shahphen shingei chingmei shingvaishi shahhing hatü jiüpü shahphen shuohtuh,

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

JEREMIAH 5:1

Jerusalem nanglakthü, ammei chingyangshong kü longteihümao; Shinei veituh, hatü deihhümao, shoukhinuk peü kü yemhümao. Hingshangi nyupü hatü shahhing yempü shennyak hük dangkao dangjema, ngei hapa chingnyü kü mang tükhen.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

KANDOK 28:2

Mechem kahmük hük kü podongpolong vamhenshang, vanglem lempü longi vamnyeih; shejao danaokpü hatü nyingpü shennyaki chingmeivangmei kü tuhnyüpeih.

MENVIH KESHO 15:5

Üpai lop kü lop bhüei lop nelushuohnya, hatü nenyingpü am khüei yawhdou neyahnya, üpai hathü dou düknya, büpa nejenleni yangei nyuhen.

JOB SHAHSHA APPÜ 31:13

Ngei ngelei nyüha hatü baha aathüi ngei kü jomei tok eshingkü ngei jiüpü nedükshuoh-i nyujema,

JOB SHAHSHA APPÜ 29:16

Neshiünebaongpü am kü ngei pa vaihampeih, hatü yenpa oupa hanghipü kü sheühhampeih.

NEHEMIAH 7:2

hatü ngei ngelei naüpeü Hanani mü chingnyü kü veshan mübü Hananiah nyi kü Jerusalem yomhen shuoh. Hananiahyü shennyak peü mü monglemaokpü hatü Kahvang nyempü shennyak nyuteke,

NEHEMIAH 5:9

Hanangkü shao ngei jom kü, “Ammi mehe düknya hayü nejiüang. Jenei vepa jatthüi ne-ienelempü neponghen shangmü ammi jenei Kahvang nyempü kü nekamhen je?

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

MÜLANGPÜ 18:25

Mosai Israel am khong kübü dou aokhen shennyakthü jeyei nanglak haja shak kü, kho shak kü, pinyipüan shak kü, hatü an shak kü mübü vaiyei tuh.

KAHBHAO 22:12

Büpai, “Nüngi naü kü lak teshih nevaijü büpa kü meheyao tedük; mehenangkü nüngi Kahvang kü nyemnyüke, hatü laophülei halom hük mon nyupü dangkao ngei kü moilahen kaungei nenyu shei ngei nyingteke” shei e.

PHONGSHANTHÜ DOU 20:33

Ngei üpalei hon hi ngin nevaijü ashakviha kao mük nehühnyih.

ISAIAH 59:4

Üpaiyao shahhing koei nepeinyu; Üpaiyao shahhing kü shahphenhen neyemnyu. Jomi shahshem shah dakteipü kü monglemnyüke; nemeipü deihnyüke, hatü ten bühhünyüke.

ISAIAH 33:15

Üami kangshangi kamnya, hatü jiüpü enya, aetpüshepü homei nanglei dangpü üami yaktüknya, hatü yawhdou neyah-i laophülei lak yeplangnya, jüteishangteihen tempü küpjan kü dhaong neshaangnya, hatü nemeipü kü nevei-i laophülei mük ngühdainya,

KAHBHAO 42:18

Nyih jempabü kü Joseph-i jomphong kü, “Ha düktuh, hatü am yemmü nyuhen; mehenangkü ngei Kahvang kü nyemnyeih:

LUK SHAHSHA APPÜ 18:4

Kanja shing büpai nemong; shejao pheishi büpa nyingi, ‘Ngei Kahvang kü nenyem hatü nanglak kü dhüm neshuohjao,

LUK SHAHSHA APPÜ 18:2

“Ching hükei Kahvang nenyempü hatü nanglak kü dhüm nehupü shahphenbü hük nyu.

ISAIAH 16:5

Bampai ong uoshing linghen, hinglempai shennyaki hapa kü uohen; David phang kübü hük shahphen shingkü shahhing yempü, hatü jiüshangpü shülangi dükpü hük uohen.

1 ONGPATHÜ 18:12

Ngei nüng toueipü leidaihinüng Shembüpalei laanghai ngei nenyingpü shingei nüng müei lüdaihen; ngei leiyei Ahab kü ha eshuohhen, hatü büpa peijü nüng nenyujema, büpai ngei jütükshasha khih. Nüngei chongphobü ngeiyü hashih mebü Shembüpa kü dhüm shuoh-ei khümei longpeih.

1 ONGPATHÜ 18:3

Ahabi ongshem kü veibü Obadiah kü nyük. (Obadiah-ü Shembüpa kü longi dhüm shuohshi vaipü shennyak hük nyuteke.

1 SAMUEL 8:12

Büpai jom hanei haja shak kü mübü, pinyipüan shak kü mübü, hatü lebüthüyü büpalei kah lingei, hatü hah vethen, hatü nedoh-i haneiyü büpalei vehok phunglang vaihühen hatü büpalei koyei khari kü hadir vaihen.

JOSHUA 22:14

Büpa mü jomi Israel jatthü mükhiphang hanpü ieyei kübü mübü hükbaong jeyei jom an shomteke.

BHEI-IE 10:4

shejao mechem amit hük mon vünghen, Israel phangthü kü mübüthü mon nüng touei thaihen.

KAHBHAO 47:6

Ijip kahdokü nüngei lakei nyüke; ampa hatü nüngei cheihinaüthü-ü meipü kahdok kü Goshenei nyemnyu; hatü nüngi jomphong khongkü dou aokhen hanei nyingjema ngelei yemhimak kü veihenao haneishuoh” shei e.

BHEI-IE 1:4

Jat ieyei kübü mübü hük baongi nüng kü sheühphahen.

BHEI-IE 1:16

Hathüyü bülem aimü mükhiphang ieyei kübü jepü mübüthü nyüke. Jomü Israel phangthü kü shangjingthü nyüke.

SHAHKÜP 22:18

hatü chingnyü kübü mübüthüi chepaha müei daiyei üphen.

EZRA 7:25

Ezra, nüng kü nüngei Kahvangi shuohpü kihikon nüng kü nyupü shangshi Euphrates heshüphi kü nyupü Kahvangei shahkung nyingpü nanglakthü peü kü shahhingi vanglem lemhen shingvaishi vanglem lembüthü hatü shahphenbüthü jetuh, hatü nüngi shahkung nenyingpüthü kao nyuhtuh.

JOB SHAHSHA APPÜ 1:1

Chem hepak kü Uz kahdokei shennyak hük Job shei mentü nyu. Hapa shennyakü eela neshiü hatü kangshangi nyu, hatü büpai Kahvang nyem hatü mang nedükhen kenhingpü shennyak nyuteke.

MENVIH KESHO 15:1

Oh Shembüpa, nüngei daülangpü shemei üpa nyuhen? Nüngei daülangpü shangjingei üpa nyuhen?

MÜLANGPÜ 17:9

Mosai Joshua kü, “Jen shing shennyak hanei jetuh, hatü Amalek am mü hokhen daituh. Ngenyih ngei ngelei lakei Kahvangei lenshuoh notü yaongkahen” shei e.

2 SAMUEL 18:1

Hapheikü Davidi büpa mü nyupü shennyakthü kemei thaihütü haja shak kü kho shak kü mübüthü je.