MÜLANGPÜ 18:20 - DAÜLANGPÜ LAIHING (BSI)

²⁰ Nüngi jom kü Kahvangei shahkungnyüthü nyuh-eishuoh, hatü jom mekei nyuhen, mehe dükhen nih-ei veneishuoh.

MÜLANGPÜ 18:20 Referans Kwoze

SHAHKÜP 5:1

Mosai Israel am peü chemi nyükei thaihütü jomphong kü eteke: “Oh Israel am, shinnyih ngei ammi danshi epü shahkungnyüthü bangtuh. Hathü nyingei yahtuh hatü dou leiyei düktuh.

MENVIH KESHO 143:8

Dhom mü nüngi bampü jung ngei bangshah; mehenangkü ngei nüng kü hinglemnyeih. Ngei daihen lem nyuhshih; mehenangkü nüng kü ngei ngelei laangha phoppü shomnyeih.

SHAHKÜP 1:18

Ammi dükhen lemphüli ngei hahepak kü-üng ekemphei” shei eteke.

MENVIH KESHO 32:8

Ngei nüng kü daihen lem huhen hatü nyuhphahen; ngei nüng kü veishi shahnying meipü ephahen.

SHAHKÜP 4:5

Ammi yahhen nyupü kahdokei dükhen shingvaishi Shembüpa, ngelei Kahvangi ephopükei ngei am kü shahkungnyüthü peü nyuhtepih.

SHAHKÜP 4:1

Mosai nanglakthü kü eteke, “Oh Israel am, ngei am kü nyuhpü shahkungnyüthü bangtuh. Am yemmü nyuhen hatü daiyei Shembüpa, ammei ambü ampa Kahvangi am kü shuohpü kahdok yah-aokhen shingvaishi hathü bangtuh.

MIKA 4:2

Halei jat longi peiyei hapakei ehen, “Huoi, jeni Shembüpalei kahshangei, Jakob Kahvangei shemei aongshah; Mehenangkü büpai jen kü büpalei lemthü nyuhphahen, hatü jeni büpalei lemthü kü kamhen.” Mehenangkü Zion kübü shahkungnyü, hatü Jerusalem kübü Shembüpalei shah vamkahen.

MÜLANGPÜ 18:16

“Mechem jom jom nedanteipü vamhenshang ngei touei peikünyüke, hatü üpa jiü, üpa nejiü ngei shahphen shuohnyeih, hatü ngei jom kü Kahvangei shahkungnyü eshuohnyeih” shei eteke.

1 THESALONIKA 4:1

Dohpülei jeihinaü hatü nyahinaüthü, mekei Kahvang mong hahhühen mü nyuhen, ha hami am kü nyuhphei, hakei-üng am nyunyüke. Shaang hami Shembüpa Jisu kü hapakei nyeinya nyeinya nyuhen hami am kü phenyeih hatü kangnyeih.

EZEKIEL 3:17

“Shennyak ha, ngei nüngü Israel jat kü yombü leihüteke; hanangkü ngei epü shah bangtuh hatü jomphong kü ngelei shahvüng shuohtuh.

JEREMIAH 42:3

Shembüpa, nüngei Kahvangi ham melei daihen, mehe dükhen nyemhupha” shei e.

JEREMIAH 6:16

Shembüpai hapakei enyüke: Lembaongei yaongtuh, hatü veituh, hatü meyangpü lemchang yemtuh, melemei lem meipü nyüpa, ha kü kamtuh, hatü nüngei laangha shing nyiushemmei danghahtuh. Shejao jomi, “Hami ha kü nekampih!” shei enyüke.

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

1 SAMUEL 12:23

Nyeinya vaishi, ngei nangkeyü am shingvaishi nephoppü nangkü shei Shembüpa touei ngei mang nethahpih, hatü ngei am kü meipü, hatü jiüpü lem huphahen.

SHAHKÜP 7:11

Hanangkü am kü nyuhpü peü bangtuh hatü shinnyih ngei am kü shuohpü shahkungnyüthü peü bangtuh.

MARK 13:34

Hapayü shennyak hük laophülei shem aathü kü veihen dousho hanei, hatü shaden yombü kao mükpaonathaei nyuhen etü yen kü daipü leshi nyüke.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

SHAHKÜP 5:27

Yopailei heihtuh hatü Shembüpa, jenei Kahvangi epü lemphü bangkütuh, hatü Shembüpa, jenei Kahvangi nüng kü mehe ephahenshang hamphong kü eshih. Hamphongi ha bangei dükhen hih.