MÜLANGPÜ 17:9 - DAÜLANGPÜ LAIHING (BSI)

⁹ Mosai Joshua kü, “Jen shing shennyak hanei jetuh, hatü Amalek am mü hokhen daituh. Ngenyih ngei ngelei lakei Kahvangei lenshuoh notü yaongkahen” shei e.

MÜLANGPÜ 17:9 Referans Kwoze

SHAHKÜP 32:44

Mosa hatü Nunei cheha Joshua nyi peiyei nanglakthüi danshi hapa kesho shahjükthü ieteke.

MÜLANGPÜ 24:13

Hanangkü Mosai büpalei sheühbü Joshua mü layaong, hatü Kahvangei kahshangei Mosa aongteke.

MÜLANGPÜ 4:20

Hanangkü Mosai nyühihathü gadu dok shangkü uohütü Ijip kahdokei lei, hatü Mosai Kahvangei lenshuohao yah-ei leiteke.

MÜLANGPÜ 4:2

Shembüpai büpa kü, “Nüngei lakei noshi nyupü meheang?” shei phe. Büpai, “Lenshuoh hük” shei e.

HEBREW 4:8

Mehenangkü Joshua-i jom kü nyiushemmei shuohphei vailangmeyü Kahvangi pheilei lebü nyih jung ne-ehah shepeih.

PHONGSHANTHÜ DOU 7:45

Kahvangi jenei bühipathü toueipü jatthü changtüktü kahdok yahshingkü jenei bühipathüi Joshua mü hapa ashakshem koei daipeih. Hapayü David hepak thahshi halei nyuhampeih.

BHEI-IE 11:28

Hahepak kü Nunei cheha Joshua, üpa hashih mebü Mosalei küphü nyuhampa, mokei heih-ei, “Mosa, longbüpa, jijinyi dohtükhütuh” shei e.

MÜLANGPÜ 17:13

Hanangkü Joshua-i Amalek am neüteke.

BHEI-IE 13:16

Hathüyü Mosai kahmük kü gühshuk shompü shennyakthülei men nyüke. Mosai Nunei cheha Hoshea kü Joshua shei men jeiteke.

MÜLANGPÜ 4:17

Hapa lenshuoh nüngei lakei notuh; mehenangkü hapa yah-ei nüngi yashanpü douthü dükhen” shei eteke.

JOSHUA 8:18

Hahepak kü Shembüpai Joshua kü, “Nüngi noshi nyupü phung Ai philei haongtuh; mehenangkü ngei hapa ching nüngei lak kü shuohhen” shei e. Hanangkü Joshua-i Ai philei phung haongteke.

1 SHÜPPÜKENGPÜ 7:27

Nun hatü Joshua.

MÜLANGPÜ 18:21

Shejao nanglakthü khong kübü dou aokhen shennyak hanei Kahvang nyempü, monglemaokpü, shahshem nanglei kü jiühitpü shennyak jetuh, hatü hapa shennyakthüi haja shak kü, kho shak kü, pinyipüan shak kü, hatü an shak kü lakchongbü vaiyei tuhtuh.

MÜLANGPÜ 33:11

Küphü hüki hük mü eteipükei Shembüpai Mosa mü dhe dhe gongei etei. Hapheikü büpa baümtapei leihamteke; shejao büpa mü sheühteipü nethepa, Nunei cheha Joshua ashakshem leipü mechemao nelüdai.

BHEI-IE 13:8

Ephraim kü Nunei cheha Hoshea;

BHEI-IE 27:18

Hanangkü Shembüpai Mosa kü, “Nunei cheha Joshua, üpa kü laangha nyu, büpa deiyei büpa kü nüngei laki shüngtuh.

JOSHUA 8:3

Hanangkü Joshua hatü veshanthü kemei Ai ching hahhen layaongei dai. Büpai hampathü haja hapüan je, hatü jomphong nyak kü,