MÜLANGPÜ 17:14 - DAÜLANGPÜ LAIHING (BSI)

¹⁴ Hahepak kü Shembüpai Mosa kü, “Deih-ei danghen shingvaishi hapa vehok neüpü laitap hük kü nyangtuh hatü Joshua-i danshi ietuh. Ngei vangsho phangkü Amalek am chemjalak kü deiheilehen kübü thitei yaktükhen” shei eteke.

MÜLANGPÜ 17:14 Referans Kwoze

MÜLANGPÜ 34:27

Shembüpai Mosa kü, “Ha shahthü nyangtuh; mehenangkü ha shahthü aimü ngei nüng hatü Israel nanglakthü mü vangpüshuwpü lingpeih” shei eteke.

1 SAMUEL 30:17

Davidi nepnüng dhom mebü nyihphei om dhüshi jom mü hok. Nethe jom kho ali ut kü uotü nyaidaipü mü lenei üpayao neyangaok.

1 SAMUEL 30:1

Mechem nyih jempabü kü David hatü büpalei shennyakthüi Ziklag ngoipa, Amalek ami Negeb hatü Ziklag nyi hahtü awi haptük,

2 SAMUEL 8:12

hathü leipü vehok neütü leipü hon hi ngin mü hathüao omei Shembüpalei men kü daühüteke.

BHEI-IE 24:20

Hapheikü Balaami manghkhang kü Amalek am kü veiteke, hatü hapa tetpüvanpü shah eteke: “Jatthü khongkü peü mü shongpeyü Amalek am, shejao hapalei dohpeyü denden kü mahhen ha nyüke.”

JOB SHAHSHA APPÜ 18:17

Kahdoknyüi sheyü büpa deih-ei nedangnyu, hatü büpalei men thitei yaktükteke.

MÜLANGPÜ 24:4

Mosai Shembüpai epü nyangteke. Büpa nepnüng dhomi lomi paoei kahshanglalei moidü hük ling hatü Israel am phang anpünyi shing yaong anpünyi haongteke.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

MÜLANGPÜ 12:14

Hapa nyih-ü am shingvaishi deih-ei dangpü nyih vaihen. Ammi hapayü Shembüpalei Mo shei hüdenhalenshi moteituh.

KANDOK 10:7

Daülangpüthüyü moihiman kei deih-ei danghen, shejao nemeipü amei menü betükhen.

MENVIH KESHO 9:6

Vepathü den shing lavüngtoiyei mahtük; jomei chingnyüthü bhiyei yeemtük; jom deih-eiyao nedanghen mü mahdai.

JOB SHAHSHA APPÜ 19:23

Oh ngelei shahthü nyangei tuhlangmeyo! Hathü kemei lai kü nyangei tuhlangmeyo!

EZRA 9:14

Hami shao nüngei shahkung manghen je hatü henüngkei jiühitnalai dou dükpü shennyakthü mü yiük yahteihen je? Ham hükao yangei aoei netuhhen mü nüngi ham kü mongneshihhen je?

1 SHÜPPÜKENGPÜ 4:43

Jomi nemah-i nyushuohpü Amalek am kemei jütüktü jom halei nyuei daipeih.

2 SAMUEL 1:1

Saul dipheikü Davidi Amalek am neüphongtü leiyei Ziklagei nyih nyi them.

1 SAMUEL 15:18

Hatü büpai nüng kangpü dousho hük kü, ‘Daituh, hatü Amalek am jütüktuh, jom hep shei mangmahkem thahshi hoktuh’ shei etü shompeih.

JOSHUA 4:7

ammi jom kü, ‘Shembüpalei Vangpüshuwpü Pela yungdang homshingkü Jordan yung nesha-i yaongdaipeih’ shei eyeishuoh. Ha yaongthüyü Israel am kü denden deih-ei danghen shingvaishi nyukahen” shei eteke.

SHAHKÜP 31:9

Hanangkü Mosai hapa shahkungnyü nyangteke hatü Shembüpalei Vangpüshuwpü Pela kopü Levi am ngongpathü kü hatü Israel am mübüthü peü kü shuohteke.

BHEI-IE 33:2

Shembüpai eshuohpü nangkü jom yendaipü yangkü nyupü shingthü Mosai nyangei tuh:

MÜLANGPÜ 17:13

Hanangkü Joshua-i Amalek am neüteke.

MÜLANGPÜ 32:33

Shembüpai Mosa kü, “Üami ngei khüei mang thahpa, ngei jomei men thittükhen.

JEREMIAH 36:2

“Laidü hük yahtuh hatü ngei Israel, Judah hatü lebü jatthü nangkü Josiah-i vanglem lempü hepak kübü eyei heihdaipü shinnyih thahshi etükpü shahthü peü ha kü nyangtuh.

1 SHÜPPÜKENGPÜ 4:42

Hatü Simeon am phang jom kho nga thahshi Pelatiah, Neariah, Rephaiah, hatü Ishilei cheha Uzziel hathüi mütü phaüshang kahmük Seir hahteke.

JEREMIAH 30:2

“Shembüpa, Israel Kahvangi hapakei enyüke: ‘Ngei nüng kü epü shahthü peü lai hük kü nyangtuh.