MÜLANGPÜ 16:8 - DAÜLANGPÜ LAIHING (BSI)

⁸ Mosai, “Mechem Shembüpai om mü am kü phai hahhen yahphahen hatü dhom mü ammi hahhüpüshük hahhen hahying yahphahen; hapayü Shembüpa khih shei ammi nyinghen; mehenangkü büpa khüei ammi langmaanpü büpai danteke. Henjiyü üpaang? Ammi henji khüei nevai, shejao Shembüpa khüei langmaannyüke” shei eteke.

MÜLANGPÜ 16:8 Referans Kwoze

ROM SHAHSHA APPÜ 13:2

Hanangkü üami vanglem lembüthü yaktüknya, Kahvangi jetükpü yaktüknyeih, hatü ha yaktükpüthü shahphenpü danghen.

1 SAMUEL 8:7

hatü Shembüpai büpa kü, “Nanglakthüi nüng kü epü peü bangtuh; jomi nüng yaktüknyu nevai, shejao jomei ong vaipü ngei yaktüknyu khihma.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

LUK SHAHSHA APPÜ 10:16

Üami ammi epü bangnya, ngei epü bangnyüke, üami am yaktüknya, ngei hatü ngei shompüba yaktüknyüke.

BHEI-IE 14:27

“Meshükpa ha nemeipü nanglakthüi ngei khüei eelahen? Israel ami ngei khüei eelaei langmaanpü ngei dantepih.

BHEI-IE 21:7

Nanglakthüi Mosa touei peiyei, “Hami Shembüpa hatü nüng khüei eela shingkü mang thahteke. Shembüpai ham toueipü biü yahlanghen phopeishuoh” shei e. Hanangkü Mosai nanglakthü shingvaishi phop.

1 KORINT 10:10

Jom hanei ami langmaanpükei telangmaan; hanangkü jomü jüpü ami jütükpeih.

JOHAN 13:20

Hingmei ngei enyeih, üami ngei shompü hük yahnya ngei yahnyüke, hatü üami ngei yahnya, ngei shompübaao yahnyüke” shei e.

MATHI 10:40

Üami am mongongshi yah, jomi ngei mongongshi yahnyüke, hatü üami ngei mongongshi yah, jomi ngei shompüba mongongshi yahnyüke.

MATHI 9:4

Shejao jomi deihpü Jisui nyingei, “Ammei mongkü mehekei ten deihnya?

ISAIAH 37:29

Nüngi ngei khüei yaongpü, hatü nüng changmeipü ngelei dhaong thahshi aongpü nangkü ngei nüngei shong kü nyiamphaak shihhen, hatü nüngei ju kü ngelei nyiamphak ühhen; nüng peipü lem kü ngei nüng nyokei leishihhen.”

ISAIAH 32:6

Mehenangkü ngapa hüki ngashah enyeih, büpalei mongü ten mü nekongi nyunyeih. Büpai Kahvangi nelümpü dou düknyeih, hatü Shembüpa khüei ten enyeih; aeipüthü kü hahhen neshuohnyih, hatü yung lepüthü kü yung neshuohnyih.

MÜLANGPÜ 16:12

“Ngei Israel am langmaanpü danteke. Om kü jomi phai hahhen, hatü dhom mü jom hahhüpüshük hahhen hahying danghen shei e; shejüang jomi ngeiyü Shembüpa, jomei Kahvang shei nyinghen” shei eteke.

MÜLANGPÜ 16:9

Hahepak kü Mosai Aaron kü, “Israel am khong kempü kü, ‘Shembüpa touei peiyei yaonghen eyeishuoh; mehenangkü jomi langmaanpü danteke’ ” shei e.

MÜLANGPÜ 17:2

Hanangkü jomi Mosa mü deteke hatü, “Ham kü yinghen yung yahkei” shei e. Mosai jomphong kü, “Mehekei ammi ngei mü denya? Mehekei ammi Shembüpa kü doknya?” shei eteke.

BHEI-IE 11:18

Shaang nanglakthü kü eyeishuoh: ‘Ngenyih shingvaishi am daüeilangei temtuh; ammi phai hahhen danghen’ ” shei eteke. “Hamphongi phai dangkao hahhen danglangmeyü meihen khih! Ijiplei nyupü-üng meipü khih” shei ammi langmaanshapshüpü Shembüpai danteke. Shaang Shembüpai am kü phai yahphahen, hatü ammi ha hahhen.