MÜLANGPÜ 16:21 - DAÜLANGPÜ LAIHING (BSI)

²¹ Nepjeih peüi laophüi napüshük homteke, shejao mechem vanghe nyah-ei vampa, kahdokei aophongpü peü nyaüei yendai.

MÜLANGPÜ 16:21 Referans Kwoze

2 KORINT 6:2

Büpai hei enyüke: “Yahhüpü hepak kü ngei am kü bangtepih, hatü yemleipü nyih kü ngei am kü sheühtepih.” Veituh, shaangü yahhahhüpü hepak; veituh, shaangü yemleihen nyih.

JOHAN 12:35

Jisui jomphong kü, “Amphong mü vangngai kansho hük nyuhen. Am mü vangngai nyushingkü vangngai kü kamtuh, shejüang vangnyaki am she neyeihen. Amphong shangmang kü kamjema, am melei dainya nenyinghen.

MATHI 6:33

Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

CHONGVENBÜ 12:1

Nüngei thehila nyihthü kü nüngi nüng Lingbü deih-ei dangtuh; shanghah nyihthü ngoikü shekü, hatü vangbongthü peihdai shingkü nüngi, “Ngei hathü kü mongonghen neshiü” shei ehen.

CHONGVENBÜ 9:10

Nüngei laki dükaokhen mü mehe mehe heühenshang wong kohshi kemei düktuh; mehenangkü nüng vühen mahngchongei dou dükhen nevaijü deihhen, nevaijü nyingpühingpü nevaijü kihikon meheyao neshiü.

MÜLANGPÜ 16:20

Shejao Mosai epü kü jomi nebang; hanei-i nepnüng thahshi hapa aoei tuh, hatü hapa kü laong hetei nepnüng ngü büteke. Mosai jom kü mongshihteke.

MÜLANGPÜ 16:22

Nyih vokpabü kü jomi nyingnyoipü mü shingnyi nyeishi shennyak pabüm kü dok ali baong homteke. Mechem khong mübüthü peiyei Mosa kü ha nang eshuohpa,