MÜLANGPÜ 15:7 - DAÜLANGPÜ LAIHING (BSI)

⁷ Nüngei ngan hi wong longpai nüngi vepathü baoh-ei haitükteke; Nüngei mongshih awlom kei vamei jom hahtang keiha hahtükteke.

MÜLANGPÜ 15:7 Referans Kwoze

ISAIAH 5:24

Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.

MALAKI 4:1

Veituh, hingmei changmeipüthü hatü douten dükpüthü peü aw kü hahtang kei jaktükhen nyih ngoikünyüke; hapa nyih jom peü tünglang hatü kaohilakao ne-ao-i jaktükhen shei Shembüpa Kahvangi enyüke.

ISAIAH 47:14

Veituh, jomphongü hahtang keiha, hatü awi jom laiyei hahtükhen. Hapa awlom wong kübü jomi jom nying neyangaokpih. Awsham kü uohen mü awtao neshiü, shaamluki uohen mü aw neshiü.

ISAIAH 37:29

Nüngi ngei khüei yaongpü, hatü nüng changmeipü ngelei dhaong thahshi aongpü nangkü ngei nüngei shong kü nyiamphaak shihhen, hatü nüngei ju kü ngelei nyiamphak ühhen; nüng peipü lem kü ngei nüng nyokei leishihhen.”

ISAIAH 5:16

Shejao Jeiyong Shembüpai büpalei shahhing homei longei anshihhen, hatü daülangpü Kahvangi büpalei daülangshemshepai laophü nyingi daülangi huhen.

MENVIH KESHO 148:13

Jomi Shembüpalei men longhütuh; mehenangkü büpalei men monha longei anshihhen; büpalei müknyinshekhang kahdok hatü vangsho shak kü nyüke.

MENVIH KESHO 83:13

Oh ngelei Kahvang, nüngi jom alüngleple kü bhihla kei, hatü vanglükshaw kü hahbhang kei leihütuh.

SHAHKÜP 33:26

Ammei Kahvang kei üpayao neshiü, Oh Jeshurun. Am kü sheühhen büpai vangshothü kü hatü büpalei wongi phumthü shingkü longteinyüke.

PHONGSHANTHÜ DOU 9:4

Büpa kahdokei doei shük hatü, “Saul, Saul, mehekei nüngi ngei kü shüveinya?” shei büpa kü epü ngeü hük dan.

MATHI 3:12

Büpalei lakei om noshi nyüke, hatü büpai laophülei hah yüptükhen, hatü büpai laophülei hah puongmongei thailanghen, shejao hahbhang peü mechemao nemetpü aw kü jaktükhen.

ZEKHARIAH 14:8

Hapa nyih, Jerusalem kübü vanyangyem yunglok bhaoei yenkahen; hükkei shing heongphi yungching kü hatü hükkei shing heshüphi yungching kü cheihen; ünyü hepak kü kei shaonyü hepak kao chongkahen.

ZEKHARIAH 14:3

Hahepak kü peihdaipü nyihthü kü kei Shembüpa daiyei hapa jatthü khüei hokhen.

ZEKHARIAH 2:8

Üpai am kü hongtepa, büpai ngelei mük kü hongteke. Hanangkü Jeiyong Kahvangi büpalei nanglak kü aetpüshepü jatthü touei hapa shahjang koei ngei shomteke.

MIKA 4:11

Shejao shaang jat longi nüng khüei nyüke. Jomi, ‘Jerusalemü nyemmahdai, hatü jenei müki hapa chingnyü lomohpü kü veihen’ shei enyüke.

JEREMIAH 10:6

Nüng kei üpayao neshiü, Oh Shembüpa, nüngü longpüba, hatü nüngei menü ngan kü wong kohpüba.

ISAIAH 37:38

Büpa laophülei Nisrokh kahvang khümshemei khümei nyushingkü büpalei cheha Adrammelekh hatü Sharezer nyi-i büpa baptü jü, hatü jiji Ararat kahdokei nyaidai. Büpalei cheha Essar-Haddoni büpa jeiyei ong vaiteke.

ISAIAH 37:36

Hapheikü Shembüpalei vangsho phongshan vamei Assyria amei baümtap leipü veshan 1, 85, 000 jüteke; mechem vangngai meipa, peü didaitü nyuteke.

ISAIAH 37:23

Üpa kü nüngi yaüeilungei thaüvaünya? Üpa khüei nüngi langmaannya, hatü changmeiyei veinya? Hapayü daülangpü Israel Kahvang khüei enyu khih!

ISAIAH 37:17

Nüngei dhaong shaangshih, Oh Shembüpa, hatü bangtuh; Vanyangyem Kahvang kü eelayei shompü shahthü kü banghümao.

MENVIH KESHO 68:33

Oh aivang den mebü vangshothü kü longteipü, büpai laophülei wong kohpü ngeü annyüke, bangtuh.

MENVIH KESHO 59:13

Mongshihpai jom mahtüktuh; jom neshiüi manglei thahshi jom mahtüktuh. Shejüang Kahvangi Jakob am shak kü vanglem lemnyüke shei kahdoknyüdohpü thahshi nyinghen.

MÜLANGPÜ 9:16

Shejao nüng kü ngelei nganhilong huhen, hatü kahdoknyü peü touei ngelei men baonghühen nangkü mon ngei am nemahtüki tuhpeih.

HEBREW 12:29

mehenangkü jenei Kahvangü laiyeilungei hahpü aw.

MÜLANGPÜ 14:27

Mosai büpalei lak yung shak kü haong, hatü nepnüng dhom mü yung hapalei shingkü nyokei lei. Ijip ami yung leipü yangdainüng nyaishingkü Shembüpai jom yungei hungei shüktükkem.

SHAHKÜP 4:24

Mehenangkü Shembüpa, ammei Kahvangü laiyeilungei hahpü aw, hatü mükhühpü Kahvang.

MÜLANGPÜ 5:12

Hanangkü Ijip kahdok peü kü nanglakthüi itayaong oukhen hahtang yemei yanteke.

JOB SHAHSHA APPÜ 9:4

Büpayü longi nahshi hatü wong kohshi, üpai büpa khüei yaongaokhen hatü neüaokhen?