MÜLANGPÜ 15:26 - DAÜLANGPÜ LAIHING (BSI)

²⁶ Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

MÜLANGPÜ 15:26 Referans Kwoze

MENVIH KESHO 103:3

Büpai nüngei mang kemei tüknyeih, nüngei din kemei meitüknyeih.

SHAHKÜP 7:15

Shembüpai amphong dinlem nemeipü peü kübü yanghen. Amphong Ijiplei ponghahpükei chamhilem nemeipai nehanghihüpih, shejao büpai ammei vepathü kü hathüi hanghihühen.

MÜLANGPÜ 23:25

Ammi Shembüpa, ammei Kahvang kü khümhen, hatü ngei am kü hahying yungying moihimanphahen, hatü ngei am toueipü dinlem peü yahlangphahen.

MENVIH KESHO 147:3

Büpai mongdang mangdaipü meihünyeih; hatü jomei makaw phüngtüknyeih.

JEREMIAH 33:6

Shejoongpa, ngei hapa chingnyü kü meihüpü hatü yangnyu meipü shuohhen; ngei ngelei nanglakthü meihühen, hatü chingmeivangmei nyiushemmei changshi shuohhen.

HOSEA 6:1

Nanglakthüi enyüke, “Huoi, jeni Shembüpa touei mong lepei leishah, Büpai jen khih mü shaaktükteke, shejao hingmei büpai ha meiphahen; Büpai jen ma yahhüteke, shejao büpai makaw thüngphahen.

LEVI 26:13

Am hajük kü Ijip amei aa nevaihen shingvaishi am Ijip leipü müei leipü ngei Shembüpa, ammei Kahvang; ngei am kü chetpü pang mangtüktü am she ngangshi kamhüpeih.

JOB SHAHSHA APPÜ 5:18

Mehenangkü büpai kaw shahünyeih, hatü büpai ma yahhünyeih, shejao büpalei laki-üng hameitüknyeih,

SHAHKÜP 28:60

Büpai am kü Ijiplei ammi nyempü dinlemthü shomphahen, hatü ha kübü am nemeiaokhen.

SHAHKÜP 12:28

Am hatü ammei hapeüthü meishi nyuhen shingvaishi ngei am kü shuohpü shahkungthü dükhen kentuh; mehenangkü Shembüpa, ammei Kahvang touei mehe mei hatü jiüpa, ha amphongi dükhen.

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.

ISAIAH 57:18

Ngei jomei lemthü eetepih, shejao jom meihühen; Ngei jom mühen hatü mahng theppüthü kü nyiumei shuohhen.

SHAHKÜP 13:18

mehenangkü hayü Shembüpa, ammei Kahvangei ven danei ngei shinnyih am kü shuohpü shahkungnyüthü ven bangei büpa touei jiüpü dükjü mon danghen.

2 ONGPATHÜ 20:5

“Nüng nyokei leituh, hatü ngelei nanglakthü mübü Hezekiah kü hei etuh, ‘Shembüpa, ambü Davidei Kahvangi hapakei enyüke: Nüngi phoppü ngei dantepih, hatü nüngei mükphi ngei eetepih; ngei nüng meihühen hih. Nyih jempabü kü nüngi Shembüpalei shemei aonghen.

SHAHKÜP 28:27

Shembüpai amphong Ijip am kü kei hihüma vamhühen. Büpai ammei büm thuh-ei ma, jüklük hatü ngühma vamhühen hatü ha nemeidaiphahen.

EZEKIEL 18:5

Nyingshah-i daülangpü shennyak hük mehe jiüpa hatü shahhing ha mon düknyüke.

JEREMIAH 8:22

Gileadei meli neshiüpü je? halei meli nobü neshiüpü je? Mehekei ngelei nanglakthüi büm yangei neleinya?

2 ONGPATHÜ 22:2

Büpai Shembüpa touei mehe jiü, ha dük, hatü büpai chebü Davidei lemthü kü laknyong lakdah melemeiyao neleplüki kamteke.

LEVI 26:3

Ammi ngelei shahkungnyü aimü nyujema, hatü ngei epü ven bangjema,

1 ONGPATHÜ 11:38

Ngelei chongphobü Davidi dükpü keipü nüngi ngei epü peü dükjema, hatü ngelei lemthü kü kamjema, hatü ngelei shahkung hatü vanglemthü dükei ngei touei mehe jiü, ha dükjema, ngei düngei nüng mü nyuhen. Ngei David kü dükpükei ngei nüng kao den kü longsha ongshem leihühen, hatü ngei nüng kü Israel am shuohhen.

SHAHKÜP 28:58

Amphongi hapa laitap kü nyangei nyupü shahkungthü kenhingei nemüjema, hatü müknyinshekhangpü hatü nyempühanpü Shembüpa, ammei Kahvangei men kü dhüm neshuohjema,

MÜLANGPÜ 12:29

Nyak jiam kü Shembüpai Ijip am hashongpathü peü; Pharaohlei hashongpa, üpa ong hean yahhen nyutepa ha kübü khoklatei küppüthülei hashongpathü hatü shongei shaanpü yemhimakthü peü jütük.

MÜLANGPÜ 19:5

Hanangkü shaang, ammi ngelei ven bangei ngei mü vangteishuwteipü dükjema hangkuli peü shak kü amphongü ngelei thushong douvang vaihen. Kahdoknyü kemei ngelei,

MÜLANGPÜ 19:6

Shejao amphongü ngelei ngongpa chingling hatü daülangpü jathili vaihen. Hathü shah nüngi Israel am kü eyeishuoh’ ” shei eteke.

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

SHAHKÜP 12:25

Am hatü ammei hapeüthü meishi nyuhen shingvaishi iy tehah; mehenangkü amphongi Shembüpa touei mehe jiüpa, ha dükhen.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

2 ONGPATHÜ 2:21

Hapheikü büpai yunglok touei ha notü heih-ei hapa hüm halei langtü, “Shembüpai hapakei enyüke: ‘Ngei ha yung daühütüktih. Hajük kü mechemao dipü mahpü nevamhüpih nevaijü kahdok kü betjükvungjük nejüki nenyupih’ ” shei e.

JEREMIAH 7:23

Shejao jom kü, “Ngelei shah bangtuh, hatü ngei ammei Kahvang vaihen, hatü amü ngelei nanglak vaihen; am meishi nyuhen shingvaishi ngei epü lem kü kamtuh” shei hapa ngeükhüam shuohpeih.

JEREMIAH 11:7

Ngei ambü ampa Ijip leipü müei daipü nyih mebü shinnyih thahshi, ‘Ngelei shah bangtuh’ shei leiyei leiyei shahvüng shuohpeih.

JEREMIAH 17:24

Shejao ammi ngei epü banghen kenhingjema, hatü Sabbath nyih hapa chingnyü penyüsha homei hanggo koei neshüjema, shejao meheyao dou nedüki hapa Sabbath nyih daülangi tuhjema,

JEREMIAH 30:17

Shejao ngei am kü yangnyu meipü yahphahen, hatü ammei makaw ngei meitükhen shei Shembüpai enyüke; mehenangkü jomi am kü aanyak shei nyükteke, Üpaiyao Zion kü ne-ienelem!”

BHEI-IE 12:13

Hanangkü Mosai Shembüpa kü lenei, “Oh Shembüpa, pinnyü meitükeishuoh” shei phop.

SHAHKÜP 5:1

Mosai Israel am peü chemi nyükei thaihütü jomphong kü eteke: “Oh Israel am, shinnyih ngei ammi danshi epü shahkungnyüthü bangtuh. Hathü nyingei yahtuh hatü dou leiyei düktuh.

MENVIH KESHO 81:9

Am touei lebü kahvang ne-anghen vongbong; ammi mih-ei kahvang kü tekhüm.

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

HOSEA 11:3

Ephraim am kü lak kü düktü kamhen nyuhpeyü ngei hih; Shejao jomi ngei meihüpeih shei leyei nepeinyu.