MÜLANGPÜ 15:22 - DAÜLANGPÜ LAIHING (BSI)

²² Hahepak kü Mosai Israel am Hakla Yungching kübü müei Shur yingnyülei dai. Jom nyih jem thahshi halei dai shejao yung nedang.

MÜLANGPÜ 15:22 Referans Kwoze

KAHBHAO 16:7

Shembüpalei phongshan hük jahpanei yunglok hük yopailei Hagar heüteke; hapayü Shurlei heihpü lemhaoei shiüteke.

1 SAMUEL 15:7

Hapheikü Sauli Amalek am Havilah kübü Shur thahshi Ijip heongphi kemei neüteke.

KAHBHAO 25:18

Ishmaelei hühihathü Havilah hatü Shur nyi aa kü Ijip kü heongphi Assyrialei heihpü lemei nyu. Jomü Abrahamei lebü hühihathü mü veshangei nyu.

MÜLANGPÜ 3:18

Nüngi mehe enya ngelei nanglakthüi ha bangkahen; nüng hatü Israel behethü Ijip ongpa touei peiyei büpa kü, “Shembüpa, Hebrew amei Kahvang ham touei shakei vamküteke. Shembüpa, hamei Kahvang kü jahpanei nyih jem lem kü daiyei jakpü moila shuohhen ham kü mongshih” shei eyeishuoh.

KAHBHAO 20:1

Shaang Abrahami Mamre kübü daiyei Negeb kahdokei Kadesh hatü Shur nyi aa kü nyu. Gerarlei kanja nyutü,

BHEI-IE 33:8

Pi-Hahiroth kübü daiyei Hakla Yungching homei Shur jahpanei shü, hatü Etham jahpanei nyih jem daipheikü Marahlei nyu.

1 SAMUEL 27:8

David hatü büpalei shennyakthüi Geshur, Girzi hatü Amalek am hahteke. Mehenangkü Telam kübü Shur hatü Ijiplei aongpü lemei jom chingchingei nyuteke.

MENVIH KESHO 77:20

Mosa hi Aaron nyi homei nüngi nanglakthü mi keiha mülangpeih.

MENVIH KESHO 78:52

Hapheikü büpai laophülei nanglakthü mi keiha müei lüdai, hatü jahpan homei mi khong keiha müei dai.

MENVIH KESHO 78:53

Jom nenyemhen mü büpai jom yangei mülang; shejao yungchingi jomei vepathü lümlang.

MENVIH KESHO 136:16

büpai jahpan homei laophülei nanglak mülangpeih, büpa bampü den kü nyunyeih;

MÜLANGPÜ 17:1

Israel am khong kemei Sin yingnyü kübü layaongei shing hük kübü hük shei Shembüpai epükei dai. Jomi Rephidimei baümtap veteke shejao halei yinghen yung nechongja.