20 Hahepak kü Aaronei chenya Mariami tambourin yah-ei no, hatü nyühathü peü pinnyü phei kü tambourin notü vüngei phaukteiyei dai.
tambourin hatü phaukteipai büpa vihtuh, nyiamvü hatü liping vüngei büpa vihtuh.
Davidi Goliath jüpheikü mechem shennyakthü shemei leijapa, Israel kü nyupü jilathü peü kübü nyühathü Saul ongpa mü pongteihen mongongpai kesho lokei, phaukteiyei tambourin hatü liping kongkoih vüngei daiteke.
She philei kesho lokbüthü, ha pheilei kesho venbüthü, ha khong nyi aa kü nelathü nyüke.
Mechem Jephthah-i shem yemei Mizpahlei leijapa, büpalei yiükha phaam kaongei phaukteiyaki chepa ombomei vamjateke. Pinnyü-ü büpalei halomnyü; pinnyü mü lenei yeshang nevaijü yiükha üpa-ao nenyu.
Amramei chenyühayü Levilei yiükha, Ijiplei nyushi bühpü Jokhebed nyuteke. Pinnyüi Amram kü Aaron, Mosa hatü chenaü Miriam bühjateke.
Ngei amphong Ijip leipü müei leipeih, hatü ngei am aa laphen kübü angei leipeih. Ngei am mülanghen Mosa, Aaron hatü Mariam shompeih.
Jomi phaukteiyei büpalei men longtuh, tambourin hatü lyre vüngei, ünghinyah meipai büpa kü lohtuh.
Hahepak kü Lappidothlei chenyüha Deborahyü thibü nyuteke, hatü pinnyüi Israel amei shahphenteke.
Halei Asher am phang Phanuelei yiükha Anna shei mentü thibülanyü hük nyu. Pinnyü longi behe leidai; pinnyü shem yempheikü chepaha mü bong nyet nyu,
Kesho pangtuh, tambourin vüngtuh, harp hatü lyre vüngei ünghinyah meipai kesho loktuh.
Hanangkü Hilkiah ngongpa, Ahikam, Akhbor, Shaphan hatü Asaiah hathüi phopshem leipü ashakviha kü veiteipü Harkaslei cheha Tikvah, Tikvahlei cheha Shallumei chenyüha Huldah thibüla touei pei. Pinnyü-ü Jerusalem shingja philei nyu.
Naü mehe leihen shei chenyai tailuei veishi nyu.
Shem mangyempü büpalei yiükha jom ali nyu; jom peü kü teteivanei ehen thintho nyuteke.
Kahvangi shahkung shuohnyüke, hatü nyühathüi hapa shahjang baongnyüke.
Nüngi ngei mahng theppü mongong leihüpeih; nüngi ngelei dhoila ashak yahlangtü mongongpü ow owhüpeih,
Davidi nyemin ashak hük mon yah-ei shüng kü loktü Shembüpa kü dhüm shuoh-ei wong kempai phaukteiteke.
Hapheikü nüng Philistia amei shangdü nyupü Gibeath-Elohimei aonghen hatü halei nüng jila lemei yiüjajü moidü leipü thibüthü khong hük harp, tambourin, liping, hatü kongkoih vüngei hatü teteivanei yiüküpü nüngi ponghen.
hatü veishi nyutü mechem Shiloh nelathü oei longteihen vamkahenshang hahepak kü nyalingngupai kah leipü vamei laophülei nyüha vaihen Shiloh nelathü hükbaong yepei ammei Benjamin kahdokei leihahtuh” shei eshuohteke.
Shongpü len kü Israel am khong peü Zin yingnyü ngoi, hatü Kadeshlei nyu. Halei Mariam diyei mahng vütük.
shejao üpa nyühai laophülei shangjing kü nejümi phopnya, nevaijü chongvennya, pinnyüi laophülei baha dhüm neshiüi leitüknyeih– hapayü sho chaei kuptükpü mü aihük.
Shembüpalei Vangpüshuwpü Pela David chingnyülei shüyaki Saulei yiükha Mikhali ümha shaden leipü veishuohshingkü David ongpa Shembüpa touei phauktei tungteipü eeshingkü pinnyüi mongei ne-ienelemi deih.
David hatü Israel phang kemei Shembüpa touei jomei wong kempai kesho lokei, lyre, harp, tambourin, castanet hatü cymbal vüngei phaukteiteke.
Vaipü attoi am thaihiyu peü kü phopshemei nyühathüi nenmü nyinghahtuh. Mehenangkü jomphong kü shah ehen nemongnyih, shejao phangkü shühen vongbong; shahkungiyao hapakei enyüke.
Mosai Kush am nyüha hük mü shem yempü nangkü Aaron hi Mariam nyi-i Mosa kü khüei yaong.
Mehekei nüngi ngei luphongtü ngei kü ne-e-i joei daipa? Ngei nüngü mongongmongleshi tambourin hatü harp vüngei kesho lokei shomhah shepeih.
Gathlei ha jung te-e, Ashkelon chingyangshong kü ha baongei yaüei te-e; Hei nevaijema Philistia nelathüi mongonghen, hatü nejaptükpüthülei yiükhathüi mongmeihen.
Amramei hapeüthü: Aaron, Mosa, hatü Mariam. Aaronei hapeüthü: Nadab, Abihu, Eleazar hatü Ithamar.
Davidi Levi am mübüthü kü kesho lokhen nangkü jomei jeihinaüthü jehen hatü lyre, harp hatü cymbal vüngei mongong kesho lokhen e.
thephen hepak hük, hatü nyihen hepak hük; mahng thephen hepak hük, hatü phaukteihen hepak hük;
Shao ngei nüng lingei leihen, hatü am ja lingei leihen. Oh pai mü ngühpü nela Israel, Shao ammi tambourin vüngei mongongpai phaukteihen.
Jijinyi-i, “Shembüpai Mosa homei mon enyu je? Büpai henji homei shah ne-enyu je?” shei e, hatü Shembüpai ha dan.
Oh ngelei Kahvang, Tobiah hatü Sanballat nyi-i dükpü dou shangshi, hatü thibülanyü Noadiah hatü ngei kü nyem shaopü thibüthü deih-ei dangtuh.
Khongnyü thaihiyu kü Kahvang men longtuh; Israel lihilathüi Shembüpa kü menvih shuohtuh.