MÜLANGPÜ 15:2 - DAÜLANGPÜ LAIHING (BSI)

² Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

MÜLANGPÜ 15:2 Referans Kwoze

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

MENVIH KESHO 118:14

Shembüpayü ngelei wong, hatü ngelei kesho; büpayü ngei yemleipüba.

MENVIH KESHO 18:46

Shembüpa yemmü nyüpeih, Ngelei yaongnyü kü vihtuh! Ngelei Yemleipüba Kahvangei men longhütuh.

MENVIH KESHO 59:17

Oh ngelei wong, ngei nüng menvihpü lokhen; nüng mon ngelei penyüsha, Oh Kahvang, ngei kü bampü hupü Kahvang.

ISAIAH 25:1

Oh Shembüpa, nüngü ngelei Kahvang; Ngei nüng shangei anshihhen, hatü nüngei men longhen; mehenangkü shongei temtükpü küpjanthü nüngi yashanshi dükteke.

MENVIH KESHO 140:7

Oh Shembüpa, ngelei Shembüpa; ngei yangbü wong kohpüba, vehok nyih kü nüngi ngelei shangjing kü jümnyüke.

MENVIH KESHO 99:9

Shembüpa, jenei Kahvang vihtuh, hatü büpalei daülangpü kahshangei khümtuh; mehenangkü Shembüpa, jenei Kahvangü daülangpü.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!

PHILIPPI 2:11

hatü Pa Kahvang kü müknyinshekhang shuoh-ei jubenyeijaang peüi Jisu Khristayü Shembüpa shei lahhen.

MENVIH KESHO 118:28

Nüngü ngelei Kahvang, ngei nüng kü menvih shuohhen; nüngü ngelei Kahvang, ngei nüng vihhen.

MENVIH KESHO 99:5

Shembüpa, jenei Kahvang vihtuh; büpalei la tüngei khümtuh. Büpayü daülangpüba!

MENVIH KESHO 34:3

Oh ngei mü Shembüpa longhüshah; hatü jen chemi büpalei men longhüshah.

SHAHKÜP 10:21

Büpayü ammei Kahvang, hatü büpai am shingvaishi longpü hatü nyembenüng yashanyale dükpü ammei müki eeteke.

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

2 KORINT 5:19

hapa lappai, Khrista kü Kahvangi laophü touei kahdoknyü mongjemei leihüteke. Kahvangi hangkulei mangthü itei netuh, hatü büpai ham kü mongjemei leihühen shahjangmei nangei tuh.

PHONGSHANTHÜ DOU 4:12

Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”

MENVIH KESHO 145:1

Ngei nüng vihhen, ngelei Kahvang, ngelei ongpa, hatü düngei ngei nüngei men longhen.

2 SAMUEL 22:47

Shembüpa yemmü nyüpeih! Ngelei Yaongnyü moihimantuh! Ngelei Kahvang, ngei yemleipü Yaongnyü longei anshihtuh!

MÜLANGPÜ 14:13

Mosai nanglakthü kü, “Am tenyemkei, wong kohshi yaongtuh, hatü shinnyih Shembüpai am yanghen mehe dükkahen veishi nyutuh; mehenangkü ammi shinnyih eepü Ijip am sheyü ne-eepih.

MÜLANGPÜ 4:22

Hahepak kü nüngi Pharaoh kü, “Israel amü ngelei hashongpa shei Shembüpai enyüke” shei etuh.

EPHESIA 2:22

büpa kü amphongao Kahvang shingvaishi nyushing hük leiyei laangha kü chemi lingteke.

ISAIAH 49:6

Ngelei Jakob jatthü thaihühen, hatü Israel am müei leihen nangkü nüng ngelei chongphobü vaihenü ahshimaanpü douha hih. Nüng homei ngelei yemleipü kahdoknyü dohpü ngoishi deishihhen shingvaishi ngei nüngü kung am shingvaishi vangngai hük leihühen shei büpai enyüke.

MENVIH KESHO 109:1

Nüng nenmü tenyudai, Oh ngei menvihpü Kahvang.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

MÜLANGPÜ 40:34

Hahepak kü ashakshem kü phumi jüm, hatü halei Shembüpalei müknyinshekhangi ma.

SHAKEI VAMPÜ 19:1

Hapa pheikü khongnyü longpülei ngeü keiha ngei vangsholei hapakei eyei dan: “Halleluyah! Yemleipü, müknyinshekhang hatü ngan jenei Kahvangei,

PHILIPPI 4:13

Ngei wong kohhüpüba homei ngei dou peü dükaokhen.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

JOHAN 4:22

Am Samaria ami üpa kü khümnya nenyingi khümnyüke; hami üpa kü khümnya ha nyingnyeih; mehenangkü yemleipeyü Jehoda kübü nyüke.

LUK SHAHSHA APPÜ 2:30

Mehenangkü ngelei müki nüngei yemleipü eetepih,

LUK SHAHSHA APPÜ 1:77

Jomei mang tükpü homei büpalei nanglakthü kü yemleipü nyinghühen,

ZEKHARIAH 13:9

Hatü ngei ha shing hük aopai aw kü shukhen, hatü hon hi ngin daüpükei daütükhen. Jomi ngelei men kü nyükhen, hatü ngei jom kü janghen. “Jomü ngelei nanglakthü” shei ngei ehen, “Shembüpayü hamei Kahvang” shei jomi ehen.

JEREMIAH 32:38

Jomü ngelei nanglak, ngei jomei Kahvang vaihen.

JEREMIAH 31:33

“Hapa hepak pheikü ngei jom mü linghen vangpüshuwpeyü hapa hih” shei Shembüpai enyüke. “Ngei ngelei shahkung jomei sholi kü hatü jomei mongdang kü nyangei tuhhen. Ngei jomei Kahvang vaihen, hatü jomü ngelei nanglak vaihen.

JEREMIAH 3:23

Hingmei, shangtaolei aongei lebü kahvang khümpeyao sheühpü nedang; kahshangthülei aongpaiyao lueilempü mon. Hingmei, Shembüpa, hamei Kahvang monha Israel amyemleipüba khih.”

ISAIAH 66:1

Shembüpai hapakei enyüke: “Vangsho-ü ngelei ong uoshing, kahdoknyü-ü ngelei la shoupshing. Menüng keipü shem amphongi ngei kü melei vephahenang? Ngei nyiumeihen shing melei nyüpa?

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

MENVIH KESHO 132:5

ngei Shembüpa shing shing hük, wong kohpü Jakob Kahvang kü nyushing hük mangdang thahshi.”

MENVIH KESHO 68:20

Jenei Kahvangü jen yemleipü Kahvang. Dipü kübü yanghenü Shembüpa, jenei Kahvang leipü peinyeih.

MENVIH KESHO 30:1

Ngei nüng vihhen, Oh Shembüpa, mehenangkü nüngi ngei tukei an, hatü ngelei vepathü ngei shak kü mongneonghü.

MENVIH KESHO 28:8

Shembüpayü büpalei nanglakthülei wong; büpayü laophüi jelangpüba yanghen loishing.

MENVIH KESHO 22:10

Ngei bühpü nyih kübü ngei nüng kü mongnyangshi nyu; ngei onyülei vom mongei nyushi mebü nüngü ngelei Kahvang nyuhampeih.

MENVIH KESHO 22:3

Shejao nüngü Daülangpü Hük keiha ong uoshing kü uonyüke; nüngü Israel ami vihpüba.

1 ONGPATHÜ 8:27

Shejao hingmei, Kahvangü kahdoknyülei nyuhen je? Vangsho dangkao hapa keiha peü mü shaopü vangsho kü dangkao nüng necha-ükhih; shejema mekei etü hajük maanpü ngei vepü Phopshem kü nüng chahenang!

1 ONGPATHÜ 8:13

Ngei nüng shing müknyinshekhangpü shem hük, nüng düngei nyuhen shing shem hük vetepih” shei e.

2 SAMUEL 22:51

Büpai ongpa kü aokpü longpü shuohpeih; Büpai laophüi jepü kü; David hatü büpalei hühihathü peü kü düngei bampü hunyeih.

2 SAMUEL 7:5

aongtuh hatü ngei chongphobü David kü etuh: Shembüpai hapakei enyüke: “Ngei nyuhen shem hük vephahenü nüng je?

KAHBHAO 17:7

Ji aa kü hatü nüngei hühihathü ngoikahen denshem peü kü ngei nüngei Kahvang hatü nüng pheilei nüngei hühihathü kü jomei Kahvang vaihen ngei nüng mü vangteipeyü nedohnetenpü vangpüshuwpü leihühen.

KOLOSI 2:9

Mehenangkü büpa kü Kahvang nyingnyoi peü lomei nyüke,

KAHBHAO 49:18

Ngei nüng yemleipü omdannyeih, Oh Shembüpa.

SHAHPHENBÜTHÜ 5:21

Kishon yung bhümei jom maoei shanlang, Mokpü Kishon yungnyü büngi jom wong mü maoeishanlang.

MENVIH KESHO 48:14

Mehenangkü hapa Kahvangü den kü jenei Kahvang; dohpü thahshi büpayü jenei lem mübü vaikahen.

HABAKKUK 3:13

Nüngi laophülei nanglakthü yanghen, nüngi thiteiphuei yanghen pei. Nüngi nemeipü amei mübü ngümtük, hatü büpa phei müpüthü peü jütük.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

2 SAMUEL 7:24

Hatü nüngi Israel nanglakthü düngei nüng lompü nanglak vaihen shingvaishi lingei tuh, hatü Oh Shembüpa, nüngi jomei Kahvang vaiteke.

2 SAMUEL 22:3

Ngelei Kahvangü ngelei yaongnyü, ngei büpa kü loinyeih, ngelei inyüshung hatü ngei yemleipü vaung. Büpa ngelei penyüsha, ngei loishing, ngei yemleipü, nüngi ngei nemeipü shennyakthü kübü yangpeih.

1 SHÜPPÜKENGPÜ 16:14

Büpayü Shembüpa jenei Kahvang; Büpai shahphenpü kahdoknyü peü lemei nyüke.

MENVIH KESHO 118:21

Nüngi ngei kü jangpü nangkü hatü ngelei yemleipüba vaipü nangkü ngei nüngeimen vihnyeih.