MÜLANGPÜ 15:15 - DAÜLANGPÜ LAIHING (BSI)

¹⁵ Edom am mübüthü nyemnyüke; nyempai Moab am mübüthü temdaiteke; Kanan am nyaüei yendaiteke.

MÜLANGPÜ 15:15 Referans Kwoze

JOSHUA 5:1

Mechem Jordan heshüphi kü nyupü Amor ongthüi hatü Mediterranean Yungching yungkung kü nyupü Kanan ongthüi Israel am manghomkem thahshi Shembüpai Jordan yung ütükpü ha jung danei jom nyempai mong mahdai hatü jom hokhen mongnelong.

JOSHUA 2:11

Hami ha jung danhinüng am kü nyempai hamei mong mahdai; mehenangkü Shembüpa, ammei Kahvangü vangsho shangpa kü hatü kahdoknyü kü Kahvang khih.

JOSHUA 2:9

henyi kü eteke: “Shembüpai hapa kahdokü am kü shuohtükteke shei ngei nyingteke, hatü hapa kahdok kü nyupüthüi am kü nyempai mong maandaiteke.

SHAHKÜP 2:4

Ha nanglakthü kü hapa ngeükhüam shuohtuh shei ephüteke: ‘Seirlei nyupü ammei jeihinaü Esaulei hühihathü nyupü kahmük homei daihen yodaiteke. Jomi am kü nyemei shiühen shejao am lituh.

KAHBHAO 36:40

Hathüyü Esaulei hühiha Edom phangthü jom laophü laophü nyushing aimü nyangpü nyüke; Timna, Alvah, Jetheth,

HABAKKUK 3:7

Kushan am nyempü hanpü; Midian am kheüpü ngei eeteke.

NAHUM 2:10

Nineveh-ü mahtükteke, yaktükteke, hatü lavüngtoiyei tuhphongteke! Nyempai jomei mong laaidaiteke; nenei wong neshiü, dhe haidaiteke.

EZEKIEL 21:7

Hatü mechem jomphongi nüng kü, “Nüng mehekei thepnya?” shei ephüjü, nüngi jom kü, “Shahjang peiküpü nangkü” shei ehen. Peüha mong maandaihen hatü lak shaokdaihen, peüei laangha kuidaihen hatü peüei lashüh wong nekoh-i yung kei leidaihen. Hapa ngoikünyüke! Hapa hingmei vamküshasha shei Shembüpa Kahvangi enyüke.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

ISAIAH 13:7

Hanangkü peüei lak ngadaihen, hangku peüei mong mahdaihen, hatü jom peü mong laaidaihen.

MENVIH KESHO 68:2

Vanglüki awshit deilangpükei, jomphongao hapakei deilangtuh; aw touei püjiü nyaüpü keiha, Kahvang touei nemeipüthü mahtükhütuh.

2 SAMUEL 17:10

Hahepak kü mailang kei monglongpü veshanthü nyempai mong maandaihen; mehenangkü Israel am peüi ampa, hatü büpa mü nyupüthüyü monglongpü veshanthü shei nyingei nyüke.

1 SAMUEL 14:16

Benjamin amei kahdok Gibeathlei Saulei veyombüthüi Philistia am nyemei aphipe kü nyaiteipü ee.

JOSHUA 14:8

Shejao ngei mü daipü küphüthüi nanglakthülei mong maanhüpeih; shejao ngei payü mong kempai Shembüpa ngelei Kahvang phei müpeih.

JOSHUA 2:24

Jijinyi-i Joshua kü, “Hingmei Shembüpai jenei lak kü hapa kahdok shuoh-ei nyüke hatü halei nyupü shennyakthü-ü jen kü nyempai mong mahdaitü nyüke” shei ejateke.

SHAHKÜP 20:8

Hatü veshan lakchongbüthüi hayao ehen, ‘Amphong hanei-i nyemei nevaijü mong hanei nyüpü je? Büpalei jeihinaüthü mong netükhen shingvaishi büpa mü shemei nyokei leidaituh’ ” shei ehen.

KAHBHAO 36:15

Hathüyü Esaulei hühihathülei phangthü nyüke: Esaulei hashongpa Eliphazlei hapeüthü: Teman, Omar, Zepho, Kenaz,

MENVIH KESHO 48:5

jomi ha eehinüng thamaei jom mongshangei nyaidainyüke;

JEREMIAH 49:23

Damaska nangkü: “Hamath hatü Arpad nyi mongshangnyüke; mehenangkü jomi shahjang ten danei nyüke. Jom mong mahdaitü nyüke, shing nelingpü yung keiha mongshangnyüke.

KAHBHAO 36:16

Korah, Gatam hatü Amalek. Hathüyü Edom kahdokei Eliphaz kübü vampü phangthü; jomü Adahlei hüpeüthü nyuteke.

HABAKKUK 3:6

Mechem büpa yaongnya, kahdoknyü jennyüke; büpai veishuohjü jatthü kheünyüke. Aivang den mebü nyupü kahshangthü bhaokdainyüke, hatü nedohnetenpü shangchingthü demdainyüke. Büpalei lemnyü-ü nedohneteni nyüke.