MÜLANGPÜ 14:8 - DAÜLANGPÜ LAIHING (BSI)

⁸ Shembüpai Ijip ongpa Pharaohlei mong vaanhü, hatü büpai mong longshi lüdaipü Israel am phei changteke.

MÜLANGPÜ 14:8 Referans Kwoze

PHONGSHANTHÜ DOU 13:17

Israel nanglakthülei Kahvangi jenei bühipa je, hatü Ijiplei nyushingkü nanglak dahüpeih. Wong longpai büpai hapa kahmük leipü müei lüdaipeih.

BHEI-IE 33:3

Israel nanglakthü Ijip tuhtü shongpü len, nyih anpüngapabü kü Hompü Mo nyihphei layaongei dai. Shembüpai jütükpü hashongpathü mahng vününg thaipü Ijip am eeshi Rameses leipü monglongshi layaongei daiteke.

SHAHKÜP 26:8

Hanangkü Shembüpalei laklu wong longpai, hatü nyemshi hanshi yashanyalepü ngani ham Ijip leipü müei leipeih.

MÜLANGPÜ 14:4

Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 13:16

Shembüpai büpalei wonghingani ham Ijip leipü mülangpeih shei ammei lak kü nyangeihepü hatü ammei shangba kü deihhenlehen nyangeihepü shapü chongkahen.”

MÜLANGPÜ 6:1

Hahepak kü Shembüpai Mosa kü, “Shaang ngei Pharaoh kü mehe dükshuohhen ha nüngi eehen. Ngei ngelei laklu wong longpai jom leishihtükhen; hingmei-üng ngei ngelei laklu wong longpai jom büpalei kahmük kübü deishihtükhen” shei e.

MENVIH KESHO 86:13

Mehenangkü nüngi ngeikü bampü longi nyüke, nüngi ngelei laangha mahngsha chüpü leipü yangpeih.

SHAHKÜP 32:27

Shejao jomei vepathüi pungei, “Hamei laki jom neütükpeih, Shembüpai hathü nedükangpih” shei changmeihen khih shei ngei yingei deihküpeih.

MÜLANGPÜ 13:18

Hanangkü Kahvangi nanglakthü Hakla Yungching philei jahpan lemei shonei müteke. Israel ami Ijip kahdok leipü hokhen shingvaishi lahhilaong temei daiteke.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

MÜLANGPÜ 4:21

Shao Shembüpai Mosa kü, “Nüng mechem Ijiplei nyokei leihenshang, ngei nüng kü Pharaoh touei dükhen shuohpü yashanpü dou peü düktuh; shejao büpai nanglakthü neleishihhen shingvaishi ngei büpalei mong vaanhühen” shei e.

MÜLANGPÜ 9:12

Shejao Shembüpai Pharaohlei mong vaanhü, hatü Shembüpai epü keiha büpai jiji-i epü kü nebang.

MÜLANGPÜ 10:27

Shejao Shembüpai Pharaohlei mong vaanhü, hatü büpai jom neleishihhü.

MÜLANGPÜ 14:7

büpai Ijip kü nyupü koyei kharithü peü kü lakchongbüthü uohütü peü mü meipü koyei khari kho vok müei dai.

MÜLANGPÜ 14:17

Hahepak kü ngei Ijip am jom pheikü müei yung homhen monglonghühen, hatü ngei Pharaoh, büpalei veshan, büpalei koyei khari, hatü ha kü mübüthü shak kü ngei müknyinshekhang danghen.

MÜLANGPÜ 15:9

‘Ngei changei daihen, ngei jom yephen; Ngei jomei mop hahtükhen, hatü ngei lümpü peü yahlanghen. Ngei ngelei yanlu haonghen, hatü ngelei laki jom mahtükhen’ shei vepai eteke.

YOUNG LAI 3:65

Jom mongshangi mahütuh, hatü nüngei thaüvaü jom kü hethütuh.

LEVI 26:13

Am hajük kü Ijip amei aa nevaihen shingvaishi am Ijip leipü müei leipü ngei Shembüpa, ammei Kahvang; ngei am kü chetpü pang mangtüktü am she ngangshi kamhüpeih.

JOSHUA 11:20

Shembüpai Mosa kü epükei phahji neshiüi bhanghili mahtükhen, chemjalak kü jütükhen shingvaishi Israel am mü khüei hokhen Shembüpai jom mahmong longhüteke.

SHAHPHENBÜTHÜ 4:7

Jabinei veshan mübü Sisera, am khüei hokhen shingvaishi Kishon yungyenei büpalei koyei khari hatü veshanthü müei deiphahen, hatü ngei ammei lak kü büpa shuohhen.

MENVIH KESHO 105:43

Hanangkü büpai mongongpai büpalei nanglak müei lei, büpai jelangpüthü lokyaki leiteke.