MÜLANGPÜ 14:25 - DAÜLANGPÜ LAIHING (BSI)

²⁵ Büpai jomei koyei kharila longi wongshi shinhen mü nyaühut kü taangtük. “Shembüpai Israel am khüambakei jen khüei hoknyu khih. Israel amü nyemleidai” shei Ijip ami etei.

MÜLANGPÜ 14:25 Referans Kwoze

MÜLANGPÜ 14:14

Shembüpai am khüambakei hokkahen, am nenmü mon nyutuh” shei eteke.

JEREMIAH 51:21

nüng mü ngei koyei hatü halei uopüthü jütükpeih, nüng mü ngei koyei kharithü, hatü ha kü yüppüthü mahtükkempeih,

JOB SHAHSHA APPÜ 20:24

Büpai nyiam lahhan kü nyemei daijü melangnyiam lahhani peipeilei-i hümhen.

SHAHKÜP 3:22

Ammi jom kü tenyem; mehenangkü Shembüpa, ammei Kahvangi am khüambakei hokkahen” shei eteke.

AMOS 9:1

Ngei moidü touei Shembüpa yaongshi ee, hatü büpai eteke: Chongnyiam shing jenhen mü phopshem shemnyü ajung kü hateishuoh, hatü hathü benei nanglakthülei shangjing kü shükeishuoh, hatü ha kübü yangpüthü ngei ngelei yani mahtükhen. Jom hükao nyaiyei nedaiaokhen, jom hükao neyanghen.

AMOS 5:19

Hapa nyih-ü shennyak hük mailang kübü mokei daiyei sheptao pongpükei, nevaijü shemei leiyei bham kü laki shongshingkü biüikaokpükei nyukahen.

MENVIH KESHO 76:6

Nüngi lohshuohpü koyei, hatü halei uopü nyiphen doei didainyeih.

MENVIH KESHO 68:12

Ongpathü hatü veshanthü lomi nyaidainyüke; jomei baümtapei douhinangthü hanteinyüke.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

JOB SHAHSHA APPÜ 27:22

Jom ha kübü yangdainüng khejao, phahji neshiüi jomnoei shüktükhen.

JOB SHAHSHA APPÜ 11:20

Shejao nemeipü amei müki hapa ne-eehen; jom kü yanglem kemei mahdaipükei nyuhen; hatü monglemshing kempeyü dihen mon nyukahen.

AMOS 1:14

Hanangkü ngei Rabbah khüei aw bahhühen, hatü hapai penyüsha hahtükhen. Hapa thepju nyih kü vaüpü eepü nyuhen, hatü yinglükleisho kei hokpü heipü nyuhen.

SHAHPHENBÜTHÜ 4:15

Mechem Baraki büpalei veshanthü mütü thepju kü heihpa, Shembüpai Sisera hatü büpalei nyiam khari hatü büpalei veshanthü peü Barak kü nyemhü, hatü Sisera-i khari leipü shüh-ei la mü mok.

MÜLANGPÜ 14:4

Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 14:18

Mechem ngei jom neühenshang, Ijip ami ngeiyü Shembüpa shei nyinghen” shei eteke.

SHAHKÜP 32:31

Jomei yaongü jenei Yaong kei nevai; jenei vepathü-ü ngapathü khih.

NEHEMIAH 6:16

Mechem hamei vepathü peüi ha danpa, hatü ham shonpü jatthü longi nyem hatü mong maandai; mehenangkü hapa dou-ü hamei Kahvangi sheüh-ei temaokpü khih shei nying.

MÜLANGPÜ 15:3

Shembüpayü hampa nyüke; Shembüpayü büpalei men nyüke.”

SHAHKÜP 1:30

Shembüpa, ammei Kahvangi am mühen, büpai ammei müki eeshi Ijiplei hatü jahpanei lingpükei am shingvaishi büpai hokkahen.

JOSHUA 10:14

Shembüpai hangkulei shah bangpü hapa nyih kei mechemao shelei nenyu, hatü ha nyih mü leitü nenyu. Hingmei Shembüpai Israel am khüambakei hokteke.

2 SHÜPPÜKENGPÜ 20:29

Shembüpai Israel amei vepathü khüei hokpü danei kahdoknyü ongchingthü peü kü Kahvang kü nyempü pei,

NEHEMIAH 4:14

Ngei hathü dou veikem pheikü ngei yaongei mübüthü, lakchongbüthü hatü aopü nanglakthü kü, “Jom kü tenyem. Ammei jeihinaü, hapeüthü, nyühathü hatü am shem nangjei hokpü longpü hatü nyempühanpü Shembüpa deih-ei dangtuh” shei eteke.

NEHEMIAH 9:11

Nüngi jom shekü yungchingao hantük, hatü jom kahvan kü kamei peihhütük, shejao jom kü changpüthü yungching ilangmong kü yaong hüngpükei jom hüngtük.

MENVIH KESHO 35:1

Ngei mü mongongpüthü mü mongongtuh, Oh Shembüpa; ngei khüei hokpüthü mü jom khüei hoktuh!

ISAIAH 31:4

Shembüpai ngei kü hapakei enyüke: “Mailangi het yemei vaüshingkü, mi yombüthüi chemi vaülangmao, jom vaüpai shei mailang nenyempükei, nevaijü nenyülüppükei, Jeiyong Shembüpai Zion Kahshang, hatü haleipü shangtaothü nangkü hokhen yiükahen.