MÜLANGPÜ 14:24 - DAÜLANGPÜ LAIHING (BSI)

²⁴ Vangngai shekü Shembüpai aw shemnyü hatü phum shangeipü Ijip veshanthü kü veiyei shanshih, hatü Ijip veshanthü hanghi ponghü.

MÜLANGPÜ 14:24 Referans Kwoze

MÜLANGPÜ 13:21

Jom nyakhingai thüngei kamhen shingvaishi Shembüpai nyihnüngü jom mühen phum shemnyü, hatü yanüng jom kü vangngai shuohhen shingvaishi aw shemnyü jom shekü daiteke.

MÜLANGPÜ 14:25

Büpai jomei koyei kharila longi wongshi shinhen mü nyaühut kü taangtük. “Shembüpai Israel am khüambakei jen khüei hoknyu khih. Israel amü nyemleidai” shei Ijip ami etei.

MENVIH KESHO 48:5

jomi ha eehinüng thamaei jom mongshangei nyaidainyüke;

JOB SHAHSHA APPÜ 40:12

Changmeipüthü peü kü veituh, hatü maanei leihütuh; nemeipüthü jom yaongpü shingei la-i shouptüktuh.

JOB SHAHSHA APPÜ 34:29

Büpa nenmü nyudaijoong üpai büpa nyonghüaokhen? Büpalei dhe jodaijoong üpai büpa eeaokhen? Jat hük vaijao, lomja vaijao aihük mon.

JOB SHAHSHA APPÜ 34:20

Ngangahük kü nyak jiam kü jom didainyeih; büpai hongjü shennyakthüao mahdaikemnyeih, hatü wong kohpüthüao hangkulei laki nevaipü küyahlangnyüke.

MENVIH KESHO 104:32

Üpai kahdoknyü kü veijü kheünya, üpai kahshangthü kü hongjü awshit vamnya?

JOB SHAHSHA APPÜ 22:13

Hanangkü ammi, “Büpai mehe nyingnya? Chülohpü shangmang kü büpai shahphen aokhen je?” shei enyüke.

1 SAMUEL 11:11

Nyihphei Sauli büpalei nanglakthü khong jem vaishi hanteke. Nepnüng dhom mü jomi baümtap mongei shüei vanghe nyahpü thahshi Ammon am jü, hatü nejüi aopüthüao kemei yantük, hatü ba nyi chemi üamao netuh.

MENVIH KESHO 78:14

Nyihnüng büpai jom phumi mühü, hatü yanüng vangngai awi mühüteke.

MENVIH KESHO 90:4

Nüng touei vangbong haja hükü nyih hük kei, hayü menyih peihdaipü kei nyüke, nevaijü yanüng peihdaipü kei nyüke.

AMOS 9:4

Vepathüi jom wüpküpei yah-ei daijao, haleipao ngei jom jühen ngeükhüam shuohhen. Ngei mei shingvaishi nevai, shejao ten shingvaishi ngei jom kü mük neshai-i veihen.