MÜLANGPÜ 14:2 - DAÜLANGPÜ LAIHING (BSI)

² “Israel am kü nyokei leiyei Migdol hi yungching nyi aa kü Pi-Hahiroth yopailei baümtap vehen eyeishuoh. Jomi yung touei Baal-Zephon kü dangteishi baümtap vehen etuh.

MÜLANGPÜ 14:2 Referans Kwoze

JEREMIAH 44:1

Ijip kahdok Migdol, Tahpanhes, Memphis hatü Pathroslei nyupü Israel am nangkü Jeremiah touei peipü shah.

JEREMIAH 46:14

Hapayü Ijip am kü etuh, hapayü Migdolei baongeishuoh. Hapayü Memphis hatü Tahpanhes leiyao baongeishuoh. Show lingei temtuh, mehenangkü am shinei nyupüthü peü yanlui lühtükkemhen.

MÜLANGPÜ 14:9

Ijip am, Pharaohlei koyeithü, koyei kharithü, koyei khari mübüthü hatü büpalei veshanthüi jom kü changteke, hatü Yungching touei Pi-Hahiroth yopailei Baal-Zephon kü dangshi baümtap vetü nyushi jomi jom phei thahteke.

EZEKIEL 29:10

hanangkü ngei nüng hatü nüngei yungyen khüei nyüpeih, hatü ngei Ijip kahdokü chemjalak kü Migdol kübü Syene, hatü Ethiopia thahshi lavüngtoiyei leitükhen.

MÜLANGPÜ 14:1

Hahepak kü Shembüpai Mosa kü,

MÜLANGPÜ 14:3

Pharaoh-i Israel amü ai mah-ei longteinyüke, hatü jahpanei nyüke shei deihhen.

JOSHUA 24:6

Mechem ngei ammei bühipa Ijip leipü müei daipa, Ijip ami koyei khari hatü veshanthü Hakla Yungching thahshi ambü ampa kü changei shapeih.