MÜLANGPÜ 14:19 - DAÜLANGPÜ LAIHING (BSI)

¹⁹ Kahvangei vangsho phongshan üpa Israel veshanthü shekü kampa, jomei ngaümphei lemei leiteke, hatü jom shekü kamei nyupü phum shemnyü jom ngaümpheilei leiyei,

MÜLANGPÜ 14:19 Referans Kwoze

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

MÜLANGPÜ 32:34

Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

BHEI-IE 20:16

shejao mechem hami Shembüpa kü leneiwongei phoppa, büpai hami lenpü danei vangsho phongshan hük shomei ham Ijip leipü müei daipeih. Shaang hamphong ammei kahmük vaungjung kübü Kadesh chingnyülei nyüpeih.

MÜLANGPÜ 14:24

Vangngai shekü Shembüpai aw shemnyü hatü phum shangeipü Ijip veshanthü kü veiyei shanshih, hatü Ijip veshanthü hanghi ponghü.

MÜLANGPÜ 14:20

Ijip hatü Israel am veshanthü aa kü itteke. Vangngaishi phumi Ijip am phikü vangnyak peihü, shejao Israel am phikü vangngai shuoh, hatü veshanthü hüki hük yopailei nepeiteiaok.

MENVIH KESHO 77:20

Mosa hi Aaron nyi homei nüngi nanglakthü mi keiha mülangpeih.

MENVIH KESHO 78:53

Jom nenyemhen mü büpai jom yangei mülang; shejao yungchingi jomei vepathü lümlang.

ISAIAH 52:12

Shejao ammi shüshülangi nevaijü nyaipükei tedai; Mehenangkü Shembüpai am kü she shongshi müphahen, hatü Israel Kahvangi ngaümphei leiyao yomphahen.

ISAIAH 58:8

Shejüang ammei vangngai vanghela aongpükei nyahen, hatü am meihen lomi vamkahen; Ammei Yemleibü am she shongkahen, hatü Shembüpalei müknyinshekhang ammei ngaümpheilei mükahen.

HOSEA 12:13

Shembüpai thibü hük shomei Israel am Ijip leipü mülang, hatü jom jungei yomteke.

ZEKHARIAH 12:8

Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.

MIKA 2:13

Kahvangi jom shing lem aphen, hatü wüpküp leipü müei jom shekü daihen. Jomi chingnyü penyü shaden apei daiyei bhashahshi longteihen, jomei ongpa, Shembüpai jom müei ngailanghen.