MÜLANGPÜ 14:13 - DAÜLANGPÜ LAIHING (BSI)

¹³ Mosai nanglakthü kü, “Am tenyemkei, wong kohshi yaongtuh, hatü shinnyih Shembüpai am yanghen mehe dükkahen veishi nyutuh; mehenangkü ammi shinnyih eepü Ijip am sheyü ne-eepih.

MÜLANGPÜ 14:13 Referans Kwoze

2 SHÜPPÜKENGPÜ 20:17

Ammi hapa vehok hokhen nevai. Ami show lingtuh, hatü Shembüpai am kü aokpü shuohpü kü yaongshi veituh, Oh Judah hatü Jerusalem. Am tenyem nevaijü mongtemaan. Ngenyih am thepjulei heihtuh, hatü Shembüpa am mü nyukahen.’ ”

2 SHÜPPÜKENGPÜ 20:15

Jahazieli e, “Bangtuh, Jehoshaphat ongpa, hatü Judah hatü Jerusalemei nyupüthü! Shembüpai am kü hapakei enyüke: ‘Hapa veshan khongnyü eeyei am tenyem nevaijü mongtemaan. Mehenangkü vehokü ammei nevai, hapayü Kahvangei.

MÜLANGPÜ 14:30

Hapa keiha Shembüpai Israel am yang, hatü Israel ami Ijip am dipü yungphaangei eeteke.

2 ONGPATHÜ 6:16

Elisha-i, “Nüng tenyem” shei e. “Jomphong mü nyupü meyü ji mü nyupüthü-üng nyeishi nyüpeih” shei e.

ISAIAH 35:4

Nyempüvüngpai mapü mongdangthü kü, “Wong kohtuh, tenyem, ammei Kahvang peikahen, nyemshi bhüh yemhen büpa yiükahen, büpai am yanghen yiükahen” shei etuh.

YOUNG LAI 3:26

Munenei Shembüpai yangphahen shei omdanei nyupü-üng meipüba.

HOSEA 13:4

Shejao ngeiyü Ijip kahdok leipü am mülangpü Shembüpa, ammei Kahvang. Ngei nevaipheikü lebü Kahvang ammi tetuh, hatü ngei mü lenei lebü yemleipüba neshiü.

HABAKKUK 3:13

Nüngi laophülei nanglakthü yanghen, nüngi thiteiphuei yanghen pei. Nüngi nemeipü amei mübü ngümtük, hatü büpa phei müpüthü peü jütük.

ISAIAH 43:11

Ngei, ngeiyü Shembüpa, hatü ngei mü lenei lebü yemleibü neshiü.

SHAHKÜP 20:3

“Oh Israel am, bangtuh, shinnyih amphongi ammei vepathü mü hokhen layaongnyüke. Amphong mong temaan nevaijü tenyem, tehan nevaijü mong tesho.

BHEI-IE 14:9

Shembüpa khüei mon teyaongkei, hatü hapa kahdok leipü shennyakthü kü tenyemkei; mehenangkü jeni jom neüaokshasha hih. Shembüpa jen mü nyüpeih, hatü jom yangpü jomei kahvangthü neütükteke; hanangkü tenyemkei” shei eteke.

KAHBHAO 49:18

Ngei nüng yemleipü omdannyeih, Oh Shembüpa.

JEREMIAH 3:23

Hingmei, shangtaolei aongei lebü kahvang khümpeyao sheühpü nedang; kahshangthülei aongpaiyao lueilempü mon. Hingmei, Shembüpa, hamei Kahvang monha Israel amyemleipüba khih.”

NEHEMIAH 9:9

Hamei bühipa Ijiplei shangpongpü nüngi ee, hatü jomi Hakla Yungchingei theppüyoungpü nüngi dan.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

MENVIH KESHO 3:8

Aokpü dangpeyü SHEMBÜPAleipü peinyeih. Nüngei moihiman nüngei nanglakthü shak kü nyutuh.

ISAIAH 26:3

Üami mongdangi nüng kü hinglemnya, nüngi jom den ngoipü chingmei kü tuhnyeih; mehenangkü jomi nüng kü hinglemnyüke.

MATHI 28:5

Shejao vangsho phongshani nyüha nyi kü, “Anji tenyem; mehenangkü anjiyü shophang kü apei jütükpü Jisu yemnyu khih shei ngei nyingnyüke.

ISAIAH 30:15

Jeiyong Shembüpa, Israel Kahvangi, “Ngei touei mong lepei leikei; nenmü ngei kü hinglemtuh, shejüang ammi wong danghen” shei enyüke. Shejao hapa nedükhüi;

1 SHÜPPÜKENGPÜ 11:14

Shejao büpa hatü David nyi hapa kah jiamei show lingtü Philistia am jü, hatü Shembüpai aokpü longpü danghüei yangteke.

HABAKKUK 3:8

Mechem nüngi koyeithü müei daipa, hatü nüngei koyei khari aokpü lemei müpa, nüngi yungnyüthü kü mongshihpü hiang? Oh Shembüpa. Nevaijü shohathü khüei nevaijü yungching khüei monglep vampü je?

HOSEA 13:9

Ngei am mahtükhen, Oh Israel; Üpai am kü sheüh-aokhen?

KAHBHAO 46:3

Hahepak kü büpai, “Ngeiyü Kahvang, ampa amei Kahvang. Nüng Ijiplei yiühen tenyem; mehenangkü ngei nüng jat longpü hük leihühen.

MÜLANGPÜ 20:20

Mosai nanglakthü kü, “Am tenyem, Kahvangi am dokhen shingvaishi mon yüpü khih, hajü mon ammi büpalei ven bangei nyuhen hatü mang nethahhen” shei eteke.

1 SAMUEL 11:13

Shejao Sauli, “Shinnyih üpayao nejühen; mehenangkü shinnyih Shembüpai Israel am yanghen” shei e.

1 SAMUEL 12:16

Hanangkü, shaang, wong kohshi yaongtuh hatü ammei müki eeshi Shembüpai mehe dou longpü dükkahen veituh.

ISAIAH 7:4

Büpa kü, ‘Lishi nyutuh, nenmü nenyemi nyutuh. Rezin ongpa hi Aram am hatü Remaliahlei cheha Pekah nyi mongshihpeyü awjung shodaipü kübü awshit keipü mon hih– meheyao vongshüh neshiüpih, hapa nangkü shei nüng mongtemaan.

KAHBHAO 26:24

Ha ya Shembüpa büpa touei vamei, “Ngeiyü ampa Abrahamei Kahvang. Nüng tenyem, ngei nüng mü nyüpeih. Ngei nüng kü moihimanhen hatü ngelei chongphobü Abrahamei men kü ngei nüngei hühihathü dahühen” shei e.

MENVIH KESHO 68:21

Hingmei Kahvangi vepathülei shangjing ngümtükhen; laophülei mang lem kü kampüthülei athen mangtükhen.

MENVIH KESHO 78:53

Jom nenyemhen mü büpai jom yangei mülang; shejao yungchingi jomei vepathü lümlang.

MENVIH KESHO 91:8

Nüngi nüngei müki mon veihen, hatü nemeipüthü hanghipü eehen.

HOSEA 1:7

Shejao Judah nanglakthü kü ngei bampü huhen, hatü ngei jom yanghen, hatü hayü lah-i, yani, vehoki, koyeithüi nevaijü koyei veshanthüi nevai, shejao Shembüpa, jomei Kahvangi yanghen” shei e.