MÜLANGPÜ 13:14 - DAÜLANGPÜ LAIHING (BSI)

¹⁴ Mechem ngoikahen hepak kü ammei hapeüthüi, “Hapa mehe lappüang? shei phephahenshang, ammi, ‘Shembüpai büpalei wonghingani aa vaiyei nyupü Ijip kahdok leipü jen müei leilangpeih’ shei etuh.

MÜLANGPÜ 13:14 Referans Kwoze

JOSHUA 4:6

hatü hapai am shingvaishi nyangeihepü hük nyukahen. Ammei hühihathüi, ‘Hapa yaongthü lappü meheang?’ shei pheilei phephüshingkü,

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MENVIH KESHO 145:4

Denshem hük kübü hük kü jaaiyei nüngei doumei kü vihhen, hatü nüngei thamapü douthü baonghen.

JOSHUA 22:24

Hami hapa dükpeyü ammei hühihathüi hammei hühihathü kü, Shembüpa, Israel amei Kahvang mü am mehe linghen.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

MÜLANGPÜ 10:2

hatü mekei ngei Ijip am kü nemei-i nopa, hatü jom kü ngei mehe yashanyale douthü dükpa, ha ammi ammei hühihathü kü ejahen, shejüang ammi ngeiyü Shembüpa shei nyinghen shingvaishi ngei büpa hatü büpalei lakchongbüthülei mong vaanhüpeih” shei eteke.

KAHBHAO 30:33

Ngoikahen nyih kü ngei shahhing epü ne-epü nüngi yopai-i nyingdaihen. Nüngi shuohpü ngelei lat kü veinüng nüng peijü shahngpü hatü ampünyampü neshiüpü yum nevaijü nyakla nevaipü mi chongküjema, hayü gühpü khih shei deihtuh” shei e.

PHONGSHANTHÜ DOU 13:17

Israel nanglakthülei Kahvangi jenei bühipa je, hatü Ijiplei nyushingkü nanglak dahüpeih. Wong longpai büpai hapa kahmük leipü müei lüdaipeih.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

MÜLANGPÜ 13:8

‘Mechem ngei Ijip leipü vamei daipa, Shembüpai ngei shing ha dükpü nangkü ngei ha düknyüpeih’ shei ammei hapeüthü kü etuh.

MENVIH KESHO 78:4

Hami hathü jomei hapeüthü kübü nejolangpih; hami büpalei müknyinshekhang douthü, büpalei wong hatü büpai dükpü yashanpü douthü jung hüshom pheinaü kü ehen.

MÜLANGPÜ 6:1

Hahepak kü Shembüpai Mosa kü, “Shaang ngei Pharaoh kü mehe dükshuohhen ha nüngi eehen. Ngei ngelei laklu wong longpai jom leishihtükhen; hingmei-üng ngei ngelei laklu wong longpai jom büpalei kahmük kübü deishihtükhen” shei e.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

MÜLANGPÜ 12:41

Vangbong 430 dohpü nyih Shembüpalei nanglakthü peü Ijip tuhphongtü dai.

MÜLANGPÜ 20:2

Ngeiyü am Ijip kahdok aa laphen kübü müei leipü Shembüpa, ammei Kahvang;

SHAHKÜP 5:6

“Ngeiyü amphong aa vaishi nyupü Ijip kahdok leipü müei leipü Shembüpa, ammei Kahvang.”

SHAHKÜP 5:15

Amphongü Ijiplei aa vaihampeih, hatü Shembüpa, ammei Kahvangi büpalei laklu wong longpai am müei leipeih. Hanangkü Shembüpa, ammei Kahvangi hapa Sabbath nyih themhen enyüke.

SHAHKÜP 6:12

aa vaishi nyupü Ijip kahdok leipü am müei leipü Shembüpa nebetükhen kenhingtuh.

JOSHUA 24:17

mehenangkü hamei bühipa Ijip kahdokei aa laphen kübü hamei müki eeshi yashanyale longi düktü müei leipeyü Shembüpa, hamei Kahvang hih. Ham daipü lemyang kemei kü, hatü hami peih-ei daipü nanglakthü kübü büpai ham yangpeih;

SHAHPHENBÜTHÜ 2:12

Jomi Shembüpa, üpai jom Ijip leipü müei leipa, hapa Kahvang betük; jom ngeih-ei shonei nyupü shennyakthülei kahvangthü phei mü hatü khüm, hatü jomi Shembüpa mongshih vamhü.

SHAHPHENBÜTHÜ 6:8

Shembüpai Israel am kü thibü hük shomei jomphong kü, “Shembüpa, Israel amei Kahvangi hapakei enyüke: ‘Ngei amphong Ijip kahdokei aa laphen kü nyupü kübü müei leipeih;

1 SHÜPPÜKENGPÜ 16:12

Büpai dükpü thamapü douthü, büpalei yashanyale douthü, hatü büpai shahphenpü deih-ei dangtuh,

NEHEMIAH 1:10

Jomphongü nüngei laklu wong longpai angei leipü nüngei chongphobü hatü nanglakthü.

MENVIH KESHO 136:11

hatü Israel am jom toueipü mülang, büpa bampü den kü nyunyeih;

JEREMIAH 34:13

Shembüpa, Israel Kahvangi hapakei enyüke: Aa vaiyei nyupü Ijip kahdok leipü ngei ambü ampa müei leishing kü ngei jom mü vangpüshuwpü lingpeih. Ngei jom kü,

DANIEL 9:15

“Shaang, Oh Shembüpa, nüngei laklu wong longpai ham Ijip leipü mülangpü hatü shinnyih thahshi nüngei men nemahnechah-i tuhpü Kahvang, hami mang thahteke, hatü hami nejiüpü dükteke.