MÜLANGPÜ 12:31 - DAÜLANGPÜ LAIHING (BSI)

³¹ Nyak kü Pharaoh-i Mosa hi Aaron nyi kü nyükei, “Anjiphen hatü Israel am kemei ngelei nanglakthü toueipü layaongei leidaishih! Anjinyi-i epükei leiyei Shembüpa kü khümtuh.

MÜLANGPÜ 12:31 Referans Kwoze

MÜLANGPÜ 6:1

Hahepak kü Shembüpai Mosa kü, “Shaang ngei Pharaoh kü mehe dükshuohhen ha nüngi eehen. Ngei ngelei laklu wong longpai jom leishihtükhen; hingmei-üng ngei ngelei laklu wong longpai jom büpalei kahmük kübü deishihtükhen” shei e.

MENVIH KESHO 105:38

Jom lüdaijü Ijip am mongong, jom kü nyempü jom kü pei.

MÜLANGPÜ 10:9

Mosai, “Hami hamei hashih naühathü hatü viünyü viüpathü, hamei hapeüthü hatü hamei yemhimakthü müei leihen; mehenangkü hami Shembüpa kü dhüm shuoh-ei mohitap linghen nyüpeih” shei eteke.

MÜLANGPÜ 8:8

Hahepak kü Pharaoh-i Mosa hatü Aaron nyi kü nyükei, “Ngei hatü ngelei nanglakthü toueipü louk yahlangshih shei Shembüpa kü phopeishuoh hatü Shembüpa kü jakpü moila shuohhen ngei nüngei nanglakthü leishihhen” shei eteke.

MÜLANGPÜ 11:8

Hahepak kü nüngei lakchongbüthü peü ngei touei peiyei aümei shatü, ‘Nüng hatü nüng pheikü müpü nanglakthü leituh’ shei ehen. Hapheikü mon ngei leidaihen” shei eteke. Hapheikü Mosai mongshih wong kempai Pharaoh toueipü leidai.

MÜLANGPÜ 10:29

“Nüngi epü jiüphei! Nüngi epükei-üng hajük kü nüngi ngei ne-eepih” shei Mosai jangteke.

MÜLANGPÜ 8:25

Hahepak kü Pharaoh-i Mosa hatü Aaron nyi nyükei, “Daituh, hatü hapa kahdokei-üng ammei Kahvang kü jakpü moila shuohtuh” shei eteke.

MÜLANGPÜ 11:1

Shaang Shembüpai Mosa kü, “Ngei shao cham hük mon Pharaoh hatü Ijip am kü shomhen hih; mechem büpai am leishihhenshang, büpai am kü changphahen.

MÜLANGPÜ 12:39

Jomi Ijip leipü koei daipü aanthüngi daw neshihpü aan oukteke; mehenangkü jomü Ijip leipü ngangahük kü changei deitükpü nangkü bhaonghow yunglakhen nevaijü daw shihpü aan oukhen hepak nedang.

1 SAMUEL 6:6

Mehekei ammi Ijip am hatü Pharaoh-i kei mong vaannya? Büpai jom ngapa kei leihütükpheikü jomi Israel am yanei neleishih-angpü je?