MÜLANGPÜ 12:27 - DAÜLANGPÜ LAIHING (BSI)

²⁷ ammi, ‘Hapayü Hompü Mo Shembüpa kü dhüm shuoh-ei monyüpeih; mehenangkü jen Ijiplei nyushi büpai Israel amei shem peü peih-ei daiyei büpai Ijip am jütükpeih, shejao büpai jen yangpeih’ shei etuh” shei eteke. Hahepak kü nanglakthüi aümei shaei khüm.

MÜLANGPÜ 12:27 Referans Kwoze

MÜLANGPÜ 4:31

Nanglakthüi hinglem; hatü mechem jomi Shembüpai jom ponghahpü eeyei junghen peipeih shei danpa, jom aümei shaei khümteke.

MÜLANGPÜ 12:11

Hapakei ammi phai hahtuh: Shünglok loktuh, lathuh thuhtuh; lenshouh notuh; shülangi hahtuh; hapayü Shembüpa, ngelei Hompü Mo nyüke.

1 KORINT 5:7

Daw chang daütüktuh, shejüang amphongü daw neshihpü aan ja vaihen. Mehenangkü jenei Khrista, Hompü Mo mi cheha moila shuohteke.

MÜLANGPÜ 12:23

Mechem Shembüpai Ijip am jühen shingvaishi daihenshang, büpai shasho hatü shaden dangpong kü iy eejü büpa peih-ei lüdaihen, hatü büpai shennyak jüpü vangsho phongshan am shemei neshüshihhen hatü am nejütükhen.

NEHEMIAH 8:6

Hapheikü Ezra-i, “Shembüpa, longpü Kahvang men longtuh” shei e, hatü nanglak peüi, “Amen!, Amen!” shei jomei lak haongtü jangei e. Hapheikü jomei dhe kahdok philei aümei shatü Shembüpa kü khüm.

2 SHÜPPÜKENGPÜ 29:30

Hezekiah ongpa hatü büpalei lakchongbüthüi Levi am kü David hi Asaph thibü nyi-i nyangpükei Shembüpa kü menvih kesho lokhen e. Hanangkü jom men vihpai kesho lokei aümei shaei khüm.

2 SHÜPPÜKENGPÜ 20:18

Hahepak kü Jehoshaphati kahdokei dhe aümei sha, hatü Judah hatü Jerusalem am peü aümei shaei Shembüpa kü khüm.

1 SHÜPPÜKENGPÜ 29:20

Hapheikü Davidi thaipü nanglakthü kü, “Shembüpa, ammei Kahvangei men longtuh” shei e. Hanangkü jom peüi Shembüpa, jomei bühipa Kahvang kü menvih; jomi Shembüpa hatü ongpa touei kahdok kü aümei shateke.

SHAHKÜP 16:5

Shembüpa, ammei Kahvangi am kü shuohpü jila jiüjiü kü hapa Hompü Mo yem jühen neaok,

SHAHKÜP 16:2

Shembüpai büpa kü khümhen shingvaishi jepü shing hük touei ammei mohoh nevaijü mi jüei Shembüpa, ammei Kahvang kü dhüm shuoh-ei Hompü Mo motuh.

MÜLANGPÜ 34:25

Ammi ngei kü iy-i jakpü moila mü daw shihpü moila meheyao teshuoh, hatü Hompü Mo kü shuohpü moila meheyao nepnüng thahshi aoei tetuh.

MÜLANGPÜ 34:8

Mosai shülangi kahdokei aümei shatü khüm.

MÜLANGPÜ 10:2

hatü mekei ngei Ijip am kü nemei-i nopa, hatü jom kü ngei mehe yashanyale douthü dükpa, ha ammi ammei hühihathü kü ejahen, shejüang ammi ngeiyü Shembüpa shei nyinghen shingvaishi ngei büpa hatü büpalei lakchongbüthülei mong vaanhüpeih” shei eteke.

MÜLANGPÜ 12:28

Shembüpai Mosa hi Aaron nyi kü epükei Israel ami dük.

MÜLANGPÜ 13:14

Mechem ngoikahen hepak kü ammei hapeüthüi, “Hapa mehe lappüang? shei phephahenshang, ammi, ‘Shembüpai büpalei wonghingani aa vaiyei nyupü Ijip kahdok leipü jen müei leilangpeih’ shei etuh.

MENVIH KESHO 44:1

Oh Kahvang, nüngi aivang nyihthü kü obü opa amei hepak kü nüngi dükpü douthü jung jomi ham kü eküpü hamei dhaongi dantepih.

MÜLANGPÜ 13:8

‘Mechem ngei Ijip leipü vamei daipa, Shembüpai ngei shing ha dükpü nangkü ngei ha düknyüpeih’ shei ammei hapeüthü kü etuh.

MENVIH KESHO 78:5

Büpai Jakob kü shahkung hük lingei shuoh, hatü Israel am kü shahkungnyü temei shuoh. Büpai hamei bühipathükü jomei hühihathü kü nyuhhen,