MÜLANGPÜ 12:19 - DAÜLANGPÜ LAIHING (BSI)

¹⁹ Nyih nyet mongkü ammei shemei daw lanshei netuhhen vongbong; mehenangkü benha vaituh bühü vaituh üami daw shihpü aan hahhenshang, Israel khong kübü katitükhen.

MÜLANGPÜ 12:19 Referans Kwoze

MÜLANGPÜ 12:15

Shembüpai, “Nyih nyet ammi daw neshihpü aan hahtuh; shongpü nyih kü ammi laophülei shem leipü daw peü yaktüktuh; mehenangkü üpai hapa nyih mongkü daw shihpü aan hahhenshang büpayü Israel khong kübü katitükhen.

SHAHKÜP 16:3

Daw shihtü lingpü aan tehah shejao nyih nyet thahshi amphongi daw neshihpü aan mon hahhen; mehenangkü ammi Ijip leipü dainüng kü hapakei hahtü shüshülangi Ijip tuhtü daipeih, hatü hapa kü shangpongpü aan shei enyüke. Am yemmü nyupü thahshi Ijip leipü vamei daipü shangpongpü nyih deih-ei danghen.

MÜLANGPÜ 23:15

Ngei am kü epükei am Ijip tuhtü daipü Abib len kü daw neshihpü aan mo motuh; mehenangkü nyih nyet mongkü ammi daw neshihpü aan mo hahtuh. Ngei touei moila neshiüi üpaiyao lakkong tepeikei.

BHEI-IE 9:13

Shejao hanei-i nedaüpü kü nevai, nevaijü tailu yen kü lüdaipü nevaipheikü hapa Hompü Mo nemojema, hapa shennyakü laophülei nanglak khong kübü katitüktuh; mehenangkü büpai jiüpü hepak kü Shembüpa kü moila neshuoh. Hapa shennyaki laophülei mang lat hanghihen.”

MÜLANGPÜ 34:18

Ammi daw neshihpü aan mo motuh. Ngei am kü epükei Abib len kü nyih nyet daw neshihpü aan hahhen; mehenangkü Abib len kü am Ijip leipü vamei daipeih.

MÜLANGPÜ 12:48

Am mü lakeiloiyei nyupü benhayaha hanei Shembüpa kü dhüm shuoh-ei Hompü Mo mohüjema, jom shem bahathü kemei shuw japtüktuh; shejüang büpai mo kü hean yahhen aok, hatü Israel bühü hük kei nohen aok. Shejao shuw nejappü shennyaki hapa phai hahhen neaok.

MÜLANGPÜ 12:43

Shembüpai Mosa hi Aaron nyi kü, “Hathüyü Hompü Mo nangkü shahkungnyü: Lebü kung shennyaki hapa mo nehahhen,

MÜLANGPÜ 12:20

Daw shihpü hahying meheyao nehahhen; am nyushing peü kü daw neshihpü aan mon hahtuh” shei eteke.

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 13:7

Nyih nyet mongkü daw neshihpü aan hahtuh, ammi daw shihpü aan lanshei tenotei nevaijü ammei kahdokei daw tetuh.

LEVI 23:5

Shongpü len nyih anpüalipabü vanghe shüpü mü jemi Shembüpalei Hompü Mo chongpanghen.

MÜLANGPÜ 30:33

Üpai hapa keipü vong büpü meli linghen, hatü ngongpa nevaipü kü lebü mih kü nyiohenshang, hapa shennyakü laophülei nanglak khong kübü katitükhen” shei eteke.