MÜLANGPÜ 12:14 - DAÜLANGPÜ LAIHING (BSI)

¹⁴ Hapa nyih-ü am shingvaishi deih-ei dangpü nyih vaihen. Ammi hapayü Shembüpalei Mo shei hüdenhalenshi moteituh.

MÜLANGPÜ 12:14 Referans Kwoze

2 ONGPATHÜ 23:21

Josiah ongpai nanglakthü peü kü, “Vangpüshuwpü lai kü nyangei nyupükei Shembüpa, ammei Kahvang kü dhüm shuoh-ei Hompü Mo hahtuh” shei eteke.

MÜLANGPÜ 12:24

Am hatü ammei hühihathüi hapa mo düngei motuh.

MÜLANGPÜ 12:17

Ammi daw neshihpü aan mo düngei motuh; mehenangkü hapa nyih ngei Ijip kahdok leipü am müei leipeih. Hüdenhalenshi ammi hapa nyih kü düngei motuh.

MÜLANGPÜ 12:43

Shembüpai Mosa hi Aaron nyi kü, “Hathüyü Hompü Mo nangkü shahkungnyü: Lebü kung shennyaki hapa mo nehahhen,

MATHI 26:13

Hingmei ngei am kü enyeih, kahdoknyü kempülei melei hapa shahjang meipü jung baonghen, pinnyüi mehe dük, ha pinnyü deih-ei dangei ehen” shei e.

MENVIH KESHO 135:13

Oh Shembüpa, nüngei men den kü nyunyeih, denshem peü kü nüngü men-e, Oh Shembüpa.

MENVIH KESHO 111:4

Büpayü büpalei thamapü douthü homei men-e leiteke; Shembüpayü phahji yahyangpü nyüke.

SHAHKÜP 16:11

Shembüpa, ammei Kahvang touei ammei hapeüthü, ammei aathü, hatü am mü chemi nyupü Levi am, yenpa-oupathü, hashihhathü hatü vaümnyüthü mü mongongteituh. Hayü büpai jepü khümshingei motuh.

SHAHKÜP 16:1

Abib len kü amphongi Shembüpa, ammei Kahvang kü dhüm shuoh-ei Hompü Mo motuh; mehenangkü Abib len kü Shembüpai am Ijip leipü yanüng müei leipeih.

MÜLANGPÜ 5:1

Hapheikü Mosa hi Aaron nyi Pharaoh ongpa touei peiyei, “Jahpanei jomi ngei kü mohitap linghen shingvaishi ngelei nanglakthü leishihtuh shei Shembüpa, Israel amei Kahvangi hapakei enyüke” shei e.

LUK SHAHSHA APPÜ 22:19

Hapheikü büpai aan hük yah, hatü büpai menvih shuohpheikü büpai ha bhaok, hatü jomphong kü ha shuoh-ei e, “Hapayü am shingvaishi shuohpü ngelei büm. Ngei deih-ei dangei hahtuh.”

ZEKHARIAH 6:14

hatü hapa ong athenü Shembüpalei phopshemei deih-ei danghen shingvaishi Heldai, Tobijah, Jedaiah hatü Zephaniahlei cheha Josiah hathü kü junghen shuohhen.

EZEKIEL 46:14

Büpai düngei dhom mü hahying moila atta dok nyi mü hapa atta kü nyethen shingvaishi olive mainga dok hük shuohhen. Shembüpa kü shuohpü hapa moilayü den kü dükhen.

1 SAMUEL 30:25

Davidi hapayü shahkungnyü kei ling, hatü Israel kü shaang thahshi hapakei düknyüpeih.

JOSHUA 4:7

ammi jom kü, ‘Shembüpalei Vangpüshuwpü Pela yungdang homshingkü Jordan yung nesha-i yaongdaipeih’ shei eyeishuoh. Ha yaongthüyü Israel am kü denden deih-ei danghen shingvaishi nyukahen” shei eteke.

BHEI-IE 18:8

Shembüpai Aaron kü, “Jakpü moila nevaijü lebü nyeinya moila Israel ami ngei kü shuohpü kemei nüng hatü anhapeüthü kü den shingvaishi ammei phaihan vaishi shuohnyüpeih.

BHEI-IE 16:40

Aaron kü phaakpü hühihathü nevaipheikü üpaiyao moidü touei Shembüpa kü ayingshü jakhen nepeihen Israel kü shahvüng shuohpü hük nyuteke. Hei nevaijema Korah hatü büpalei shennyakthü kei dihen. Hathü kemei Shembüpai Mosa homei Eleazar kü epükei dükteke.

BHEI-IE 10:8

Hapa amit nyiyü Aaron ngongpalei chehathüi vünghen. Hapayü hüdenhalenshi noteihen shahkungnyü nyüke.

MÜLANGPÜ 12:6

Ammi hapa len nyih anpüali mangngoi thahshi hathü jungei tuhtuh, hatü Israel am nanglak peüi hapa omdhümbaong kü jütuh.

MÜLANGPÜ 23:15

Ngei am kü epükei am Ijip tuhtü daipü Abib len kü daw neshihpü aan mo motuh; mehenangkü nyih nyet mongkü ammi daw neshihpü aan mo hahtuh. Ngei touei moila neshiüi üpaiyao lakkong tepeikei.

LEVI 23:6

Hapa len nyih anpüngapabü kü Shembüpalei daw neshihpü aan hahhen.

SHAHKÜP 6:8

Ammei lak kü hathü shatuh hatü nyangeihepü hük leshi ammei shangba kü hathü khüamtuh.

MÜLANGPÜ 27:21

Ashakshemei Aaron hatü chehathüi Vangpüshuwpü Pela touei haenpü ashak haolei om kübü dhom thahshi aw jakei tuhhen. Hapayü Israel ami hüdenhalenshi noteihen ngeükhüam nyüke.

BHEI-IE 15:15

Hüdenhalenshi hapa aihük shahkungi am kao hatü am mü lakeiloiyei nyupü am kao shashi nyüke. Am hatü lakeiloipü am peü Shembüpa tou kü hükkeipü nyüke.