MÜLANGPÜ 10:26 - DAÜLANGPÜ LAIHING (BSI)

²⁶ Nevai, hükao netuhphongi hamei yemhimakthü peü yah-ei leihen. Shembüpa, hamei Kahvang kü mepa yem yah-ei khümhen ha hami jehen nyüke, hatü ngoishing mangngoi thahshi Shembüpa kü mehe yem yah-ei khümhen hami shaang nenyingaok” shei eteke.

MÜLANGPÜ 10:26 Referans Kwoze

HEBREW 11:8

Hinglempai Abrahami ven danei büpai mükjüp vaishi danghen shei epü shingei nyükshingkü layaongei dai; büpa melei dainya, nenyingi layaongei dai.

2 KORINT 8:5

hatü hapayü hami eema shei deihshi nyupü kü nevai, shongei jom nyingi Shembüpa kü shuoh, hatü Kahvangi mongpü homei ham kü yahphopeih.

ZEKHARIAH 14:20

Hapa nyih kü koyeithü kü yükpü lüngha kü, “Shembüpayü Daülangshemshepü” shei nyanghen. Shembüpalei shem kü nükhihao cheüpü dükhi-üm peü moidü toueipü nükshung pati kei daülangi nyuhen.

HOSEA 5:6

Mechem jomi mi hatü mohohthü müei Shembüpa kü moilahen dainya, jomi büpa nedangnyu; Mehenangkü büpa jom toueipü lüdaiteke.

ISAIAH 23:18

Pinnyülei dounyünangba hatü latpü lop kemei Shembüpa kü lanei shuohhen; jomi hapa jaoei netuhhen, shejao Shembüpa chongphopüthü shingvaishi hahying hatü ashakviha shakhen nangkü hapa mop noteihen.

KANDOK 3:9

Nüngi angpü mophimo-i, hatü nüngei lak kü vampü shongpü betjüki Shembüpa kü dhüm shuohtuh;

MÜLANGPÜ 12:32

Anjinyi-i epükei ammei mi, mohoh hatü yum yahtuh hatü leidaituh, hatü ngei shingao moihiman yüei phopshih” shei e.

MÜLANGPÜ 10:9

Mosai, “Hami hamei hashih naühathü hatü viünyü viüpathü, hamei hapeüthü hatü hamei yemhimakthü müei leihen; mehenangkü hami Shembüpa kü dhüm shuoh-ei mohitap linghen nyüpeih” shei eteke.

MÜLANGPÜ 10:25

Shejao Mosai, “Shembüpa, hamei Kahvang kü jakpü moila shuohhen ham kü yemhimak yahshih.

MÜLANGPÜ 8:27

Hami jahpanei nyih jem lem kü daiyei mon Shembüpa, hamei Kahvang kü büpai epükei jakpü moila shuohhen vongbong” shei e.