MÜLANGPÜ 10:23 - DAÜLANGPÜ LAIHING (BSI)

²³ Ijip am jom hüki hük ne-eetei, hatü üpaiyao nyih jem thahshi jom uopü toueipü meleiyao nedaiaok; shejao Israel am nyupü shing peülei vangngai nyuteke.

MÜLANGPÜ 10:23 Referans Kwoze

MÜLANGPÜ 8:22

Shejao hapa nyih kü nüngi ngeiyü Shembüpa khih shei nyinghen shangmü ngei ngelei nanglakthü nyupü Goshen kahmük hoithüng maanha nevamhü-i hayaoha banei tuhhen.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

ISAIAH 42:16

Ngei mükphüngpüthü jomi chemao nekampü lem kü mühen; Ngei jom touei vangnyakü vangngai leitükhen, hatü nemeipü lemthü lemnyeü meishi lingtükhen. Ngei dükhen dou-ü hathü, hatü ngei jom netuhphongpih.

MÜLANGPÜ 9:4

Shejao Shembüpai Israel amei haümyemthü hatü Ijip amei haümyemthü nyi aa kü baong hanhen, hatü Israel amei haümyemthü nedihühen” shei eteke.

KOLOSI 1:13

Mehenangkü büpai jen vangnyaki vanglem lempü kübü jen yangei büpai bampü Halei ongchingei jen müei leiteke.

MALAKI 3:18

Shao chem, ammi daülangpüthü hatü nedaünelangpüthü aa kü, hatü Kahvang chongphopüthü hatü büpa chongnephopüthü aa kü baong hanei eehen.

JOSHUA 24:7

Mechem jomi Shembüpa kü lenshuohpa, büpai am hatü Ijip am aa kü vangnyak longpü vamhüpeih, hatü yungi leamei leiyei jom lümlangpeih. Ngei Ijip am kü mehe dük, ha ammei müki eeteke. Hapheikü jahpanei am hepak luangi nyupeih.

MÜLANGPÜ 14:20

Ijip hatü Israel am veshanthü aa kü itteke. Vangngaishi phumi Ijip am phikü vangnyak peihü, shejao Israel am phikü vangngai shuoh, hatü veshanthü hüki hük yopailei nepeiteiaok.

MÜLANGPÜ 9:26

Israel am nyupü Goshenei mon shüyaong nevü.

AMOS 4:7

Hah vethen len jem nyushi ngei vang nekeihüi shonglang, ngei chingnyü hük kü vang keihü, shejao hükpa kü nekeihü; kah hük kü vang keihü, shejao hük kü nekeihüi vantükteke.

MÜLANGPÜ 7:25

Shembüpai Nile yungyen kü bheipheikü nyih nyet daiteke.

MÜLANGPÜ 8:18

Nganbüthüi jomei ngani tet vamhününg khe, shejao jomi neaok. Shennyak hatü yemhimakthü kü büm lüpei tet vam.

MÜLANGPÜ 8:19

Nganbüthüi Pharaoh kü, “Hapayü Kahvangi lakhüngnyu khih” shei eteke. Shejao Shembüpai epü keiha Pharaoh mong vaanteke, hatü büpai ha nebang.