MÜLANGPÜ 10:21 - DAÜLANGPÜ LAIHING (BSI)

²¹ Hahepak kü Shembüpai Mosa kü, “Shanghahshi Ijip kahdok kü shangmang peihen nüngi vangsho philei lak haongtuh” shei eteke.

MÜLANGPÜ 10:21 Referans Kwoze

JUD SHAHSHA APPÜ 1:6

Hatü vangsho phongshanthü üami laophülei wong laphen jiüshi netuh, shejao laophü nyushing tuhphong, büpai hathü nedohnetenpü nyiamvüi shatü vangnyakei longpü shahphenpü nyih shingvaishi tuhtükpeih.

2 PETER 2:17

Hathüyü yung neshiüpü yunglok, hatü vanglüki deipü phumthü; mehenangkü jom shingvaishi shangmang vangnyak jaoei nyüke.

2 PETER 2:4

Mehenangkü Kahvangi mang thahpü vangsho phongshan dangkao neyangi molo awlei shüktük hatü shahphenpü mangngoi thahshi chüpü shangmangei nyiamvüi shatü tuhjema;

LUK SHAHSHA APPÜ 23:44

Shaang hapayü anpünyi baji kübü jem baji thahshi kahdoknyü kempülei vangnyak pei;

MARK 15:33

Haümhahphei kübü om jem baji thahshi kahdoknyü kemei manghdai.

MATHI 27:45

Haümhahphei kü om jem baji thahshi kahdoknyü peü manghdai.

KANDOK 4:19

Nemeipüthülei lemü shangmang vangnyak monha, jom mepa kü huluh shuohnya, nenyingnyu.

MENVIH KESHO 105:28

Büpai shangmang shomei kahdokü vangnyak leihü, jomi büpalei shah khüei yaong.

SHAHKÜP 28:29

Mükphüngpa kei amphong heshotapa kao bomei longteihen. Amphongi dükpü lemphü kü aokpü nedanghen. Üpayao neshiüi nyihjeih amphong hanghihühen hatü gühlanghen.

MÜLANGPÜ 9:22

Hahepak kü Shembüpai Mosa kü, “Nüngi vangsho philei nüngei lak haongtuh hatü Ijip kahdok peülei shennyakthü, haümyemthü hatü Ijip kahdok kübü sheili peü kü shüyaong vühen” shei eteke.

JUD SHAHSHA APPÜ 1:13

Jomphongü mangpü yungching yungmok, jomei veüpong yung-oup kei puoei aongnyüke; shing nenüngpü lithathü, den kü jom shingvaishi peü mü nyakpü vangnyak jaoei nyüke.

CHONGVENBÜ 6:4

Mehenangkü hapayü angsha kü peinyüpeih, hatü shangmang kü mahdainyeih, hatü shangmangi hapalei menü küplangnyeih.

CHONGVENBÜ 2:14

Ngapa hüki vangnyak kü kamshing kü kon kohpü shennyak kü sholi kü mük kohshi nyüke, shejao jiji nyiphen kü aihük lashüh-i dhaümnyüke shei nyingpeih.

MENVIH KESHO 78:49

Büpai jom kü büpalei mongpuk, mongshih, mongmang mü jühen nangkü phongshanthü müei shom.

MENVIH KESHO 35:6

Shembüpalei vangsho phongshanthüi changshing kü jomei lem shangmang hatü nyüshi leihütuh;

SHAKEI VAMPÜ 8:12

Alipabü vangsho phongshani büpalei amit vüng, hatü vanghenyü phaihan jem kübü hük kü, lennyü phaihan jem kübü hük kü, hatü lithathü phaihan jem kübü hük kü sheüteke; hanangkü jomei vangngai phaihan jem kübü phaihan hük manghdai; nyihnüng phaihan jem kübü phaihan hük nenya-i leidai hatü yanüngao hapakei nyuteke.

MÜLANGPÜ 7:19

Shembüpai Mosa kü eteke, “Aaron kü nüngei lak leipü lenshuoh-i Ijip amei yungyenthü, yunglemthü hatü yungkukthü shangkü ha notü lak haonghen eyeishuoh, hatü hathü kemei iy leidaihen; Ijip kahdok kemeilei iy mon nyukahen, yungchei hatü yungdük kübü yung dangkao iy leidaihen.”

EZEKIEL 32:7

Mechem ngei am mahtükhen, Ngei vangshothü jümtükhen, hatü lithathü manghtükhen; Ngei phumnyaki vanghenyü jümtükhen, hatü lennyüi laophülei vangngai neshuohhen.

SHAHKÜP 1:30

Shembüpa, ammei Kahvangi am mühen, büpai ammei müki eeshi Ijiplei hatü jahpanei lingpükei am shingvaishi büpai hokkahen.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

JOB SHAHSHA APPÜ 5:14

Nyihnüng-üng jom touei vangnyak peinyüke; haümhahphei kü-üng jomi nyak kü kei bomei kamteinyüke.