MÜLANGPÜ 1:12 - DAÜLANGPÜ LAIHING (BSI)

¹² Shejao meshükpa jom bhih-eimaanei leitükhen shüvei, hajükpa jom nyeinya dateke; hanangkü Ijip ami Israel am kü nyemteke,

MÜLANGPÜ 1:12 Referans Kwoze

MENVIH KESHO 105:24

Shembüpai büpalei nanglakthü kü hapeüthü longi shuoh, hatü jomei vepathümao wong kohpüba leihü.

MÜLANGPÜ 1:9

Büpai büpalei nanglakthü kü, “Veituh, ha Israel hapeüthüyü longi danyüke hatü jen mao wong kohpüpa nyüke.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

JOHAN 12:19

Hahepak kü Pharisee am hüki hük mü, “Veihümao, jeni meheyao nedükaokhen khih. Veituh, kahdoknyü-ü büpa phei müdaiteke” shei etei.

JOB SHAHSHA APPÜ 5:2

Hingmei mongshihpai ngapa hük jünyüpeih; hatü mükhühmongyungpai ngashi nyupü am lomohnyeih.

KANDOK 27:4

Mongshihpeyü ahshi mangshi; lohpeyü longi nemei, shejao mükhüh mongyungpü touei üpa yaongaokhen?

KANDOK 21:30

Shembüpa khüei neüaokhen mü kihikon, yao-aokpü, hatü küpjan meleiyao neshiü.

MÜLANGPÜ 1:7

Shejao Israel hapeüthü nanglak longi da, hatü wong koh-ei lei, hatü Ijip kahdokü jomi mateke.

MÜLANGPÜ 1:20

Hanangkü Kahvangi naü bühjü sheühteipü nyüha nyi kü bam, hatü nanglak longi da, hatü longi wong koh-ei leiteke.

KAHBHAO 46:3

Hahepak kü büpai, “Ngeiyü Kahvang, ampa amei Kahvang. Nüng Ijiplei yiühen tenyem; mehenangkü ngei nüng jat longpü hük leihühen.

BHEI-IE 22:3

Moab ami Israel am kü longi nyem; mehenangkü jom shennyak longi shiüteke.

SHAHKÜP 26:5

Hapheikü Shembüpa, ammei Kahvang tou kü hapakei baonghen, “Hamei bühipayü Aramea am kei longteihampeih, hatü Ijiplei nanglak maani mon yiüei nyuteke, shejao halei nyuei longpü wong kohpü hatü nanglak ahpü jat hük leiteke.

NEHEMIAH 9:23

Nüngi jomei lihilathü vangsho lithathü kei dahü, hatü nüngi chebü chepa kü shuohhen epü kahdokei peiyei kaamei yahhü.

MENVIH KESHO 107:38

Büpalei moihimani jom longi daeishenyeih, hatü büpai jomei yemhimak nyokei neleitüknyih.