MIKA 7:8 - DAÜLANGPÜ LAIHING (BSI)

⁸ Oh ngelei vepa, nüngi ngei kü naamnyi tenyima; Ngei dolangmao shao ngei paokahen; Shaang ngei vangnyak kü nyulangmao, Shembüpayü ngelei vangngai vaihen.

MIKA 7:8 Referans Kwoze

JOHAN 8:12

Shao Jisui jomphong kü, “Ngeiyü kahdoknyü vangngai. Üpai ngei phei münya, vangnyak kü nekamhen, shejao yangnyu vangngai danghen” shei e.

ISAIAH 9:2

Vangnyak kü kampü shennyakthüi vangngai longpü eeteke; shangmang kahdok kü nyupüthü kü vangngai-i khangteke.

MENVIH KESHO 112:4

Kangshangpüthü shingvaishi vangnyak kao vangngai kei vamnyeih. Büpayü phahjipü, shinshangpü, hatü daülangpü nyüke.

MENVIH KESHO 27:1

Shembüpayü ngelei vangngai, hatü ngei yemleipü; ngei üpa kü nyemhen? Shembüpayü ngelei yangnyu loishing; ngei üam kü nyemnüng?

OBADIAH 1:12

Anaü lomohpü nyih kü ammi naamei neveihah shepeih, nevaijü Judah nanglakthü mah pongpü nyih hüha shei nedeihhen vaipeih, nevaijü jom ponghahküpü nyih kü am nechangmeihah shepeih.

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

MENVIH KESHO 38:16

Ngei doei nyushing kü, “Ngei shak kü hathüi mongte-onghü, hatü techangmeihü” shei ngei phopnyüpeih.

SHAKEI VAMPÜ 22:5

Halei vangnyak lanshei neshiü; jomi awdük vangngai nevaijü vanghe vangngai napü neshiü; mehenangkü Shembüpa Kahvangü jomei vangngai, hatü jom den den kü vanglem lemhen.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

JOB SHAHSHA APPÜ 31:29

Ngei kü jiühitpüthü lomohpü eetü ngei mongongei nyujema, nevaijü shanghah pongpü eetü ngei phaukteiyei mongongjema;

MENVIH KESHO 97:11

Daülangpüthü shing vanghe ja aongnyeih, hatü mongdang kangshangi nyupüthü kü mongong vamnyeih.

EZEKIEL 35:15

Mechem Israel jat amei mükjüp lavüngtoiyei nyupa, am mongongpeih; hanangkü ngei hapa dükhen. Nüng lavüngtoiyei tuhhen, Oh Seir Kahshang, nüng hatü Edom kemei. Shejüang ngeiyü Shembüpa khih shei jomi nyinghen.”

MENVIH KESHO 35:19

Ngei shak kü ngelei vepathüi mongteonghü, nevaijü ten neshiüpü kü ngei kü jiühitpüthüi ngei mongshangpü eeyei mük nyepei shah te-eteihü.

JOHAN 16:20

Hingmei ngei am kü enyeih, amphong thepeiyounghen, shejao kahdoknyüi mongonghen; am tüngpüyapü eehen shejao ha mongongpü leidaihen.

MALAKI 4:2

Shejao amphong üami ngelei men kü dhüm shuohnya, am shingvaishi daülangshemshepü vanghela kei meihüpü kohshi aongkahen. Mohoh cheha khaok leipü veshuohjü vamei phaukteipü keiha am vamei daiyei phaukteihen.

MIKA 7:10

Hahepak kü ngelei vepai ha eehen, hatü ngei kü, “Shembüpa, nüngei Kahvang melei nyüpa shei epüthü veüpai dhe kü jümlanghen. Ngelei müki lekei pinnyü lomohpü eehen, hatü shaangao pinnyü-ü lemnyüvang kübü nyaühut kü nyeüpükei nyeütükhen.

EZEKIEL 25:6

Shembüpa Kahvangi hapakei enyüke: “Mehenangkü ammi Israel kahdok khüei ammei lak apei, la shoupei, mong kü ten kohshi mongongpü nangkü,

PHONGSHANTHÜ DOU 26:18

jomei mük aphühen hatü vangnyak kübü vangngai lemei lephühen, hatü kahshihlei ngan kübü Kahvang touei lephühen, shejüang jomi mang tükpü danghen hatü ngei kü hinglempü homei daütükpü khongkü shing danghühen shingvaishi ngei nüng shomnyeih” shei ephopeih.

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

MATHI 4:16

Shangmang kü nyupü shennyakthüi vangngai longpü hük eeteke, hatü dipü yingdhüm kahdokei nyupüthü touei vangngai vamteke.”

JEREMIAH 50:11

Amphongi ngelei mükjüp aetei yahpü nangkü hah tenpü mohoh keiha mongongjao, hatü koyei kei ngeüwong anei vaüjao,

ISAIAH 49:9

Khoklatei nyupüthü kü, “Vamdaikei” hatü vangnyak kü nyupüthü kü, “Vangngailei vamdaikei” shei ehen. Jomü lemhaoei hahying yemhahhen, hatü phaükong kü phenhavunglak hahhen danghen.

ISAIAH 2:5

Peikei, Oh Jakob shem am, jeni Shembüpalei vangngai kü kamshah.

MENVIH KESHO 37:24

Jen huluh shuohjao nedohen, mehenangkü Shembüpai büpalei laki jen kü shoungnyeih.

MENVIH KESHO 37:21

Mangthüi luei yahtü neshemi tuhnyeih, shejao daülangpüthü nekaungnyih, hatü shuoh-ei nyunyeih.

SHAKEI VAMPÜ 21:23

hatü hapa chingnyülei vanghenyü nevaijü lennyü nyahen napü neshiü; mehenangkü Kahvang müknyinshekhangü hapalei vangngai, hatü hapalei awdükü Mi Cheha.

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

2 KORINT 4:9

shüveipü ponghah, shejao neyakphong; nemei-i üphah, shejao nejütük;

MENVIH KESHO 20:8

Jomü bendaihen hatü dodaihen, shejao jen payü wongshongi yaonghen.

JEREMIAH 8:4

Shembüpai hapakei enyüke shei nüngi hathü kü etuh: Mechem hanei am dohen, paoei neyaongaoknyu hiang? Jom lemnyong kü daijü nyokei neleinyu hiang?

JEREMIAH 48:27

Güh-ei, bhahlah-ei neyepjao Israel amü am shingvaishi mihnyiyangnyai kei nyupeih; shejao mechem ami jom nang ehenshang yaüeilungei ngaüm dhihampeih.

EZEKIEL 36:5

Shembüpa Kahvangi hapakei enyüke: Ngei mongshih wong kempai lebü jatthü hatü Edom am kempü kü khüei ha enyeih. Mehenangkü jomi naamnyi nyiyei mongongei hatü yaüeilungei ngelei kahdok hatü haleipü yinghilong kaamlangpeih.

MIKA 4:10

Oh Zion nela, nyü hüki moi paishingkü tüngpü kü kei lepeilükei theptuh; Mehenangkü shaang nüng chingnyü tuhtü koshoya kü tapshaü shaüei nyunüng daihen. Nüng Babylonei daihen, halei Shembüpai nüng yangei tuhhen. Halei Shembüpai vepalei lak kübü nüng anglanghen.

ZEKHARIAH 12:8

Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.

MENVIH KESHO 143:3

Vepathüi ngei kü changteke, jomi ngelei yangnyu kahdokei ngümei, shelei didaipü am kei ngei shangmang kü uohünyüke.