MIKA 7:7 - DAÜLANGPÜ LAIHING (BSI)

⁷ Shejao ngei payü, Shembüpa kü monglemei nyuhen, Ngei yemleipü ngelei Kahvang omdanei nyuhen. Ngelei Kahvangi ngei phoppü kü jangphahen.

MIKA 7:7 Referans Kwoze

MENVIH KESHO 37:7

Shembüpa touei nenmü nyutuh, hatü nenteipai büpa omdantuh; shennyakthüi laophülei lem kü aokpü dangpü eeyei, hatü nemeipü küpjanthü kü aokpü dangpü eeshingkü nüng mongteshang.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 25:9

Hapa nyih kü jomi, “Hingmei büpayü jenei Kahvang, jeni büpa kü hinglem, hanangkü büpai jen yangteke. Büpayü jeni hinglempü Shembüpa; jen mongongshah, hatü büpalei yemleipü kü jen mongmeishah” shei ehen.

MENVIH KESHO 25:5

Nüngei shahhing kü ngei mütuh hatü nyuhshih; mehenangkü nüngü ngei yemleipü Kahvang, helushoei ngei nüng omdannyeih.

MENVIH KESHO 130:5

Ngei Shembüpa omdannyeih; ngelei laanghai omdannyeih, hatü büpalei shah kü ngei monglemnyeih;

MENVIH KESHO 109:4

Ngei bampü nangjei jomi ngei kü thaüvaünyüke, ngei jom shing phopshing kao hapakei düknyüke.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

MENVIH KESHO 65:2

Oh phoppü kü jangpeyü nüng, nüng touei nanglak peü peikahen.

KAHBHAO 49:18

Ngei nüng yemleipü omdannyeih, Oh Shembüpa.

MENVIH KESHO 38:15

Ngei nüng omdanyeih, Oh Shembüpa, nüngi jangphahen, Oh Shembüpa, ngelei Kahvang.

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

ISAIAH 17:7

Hapa nyih nanglakthüi jom Lingbü yemhen, hatü Israel amei Daülangpü Hük kü veihen.

DANIEL 3:17

Nüngi hamphong awbhaong kü yepei shükphülangmao, hamphongi chongphopü Kahvangi haleipao ham yangphaaokhen, hatü büpai nüngei lak kübüao yangphaaokhen hih, Oh Ongpa.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

JOEL 1:19

Nüng kü lennyüpeih, Oh Shembüpa; mehenangkü awi phenha peü jangtükteke, hatü awlomi pühivungthü peü hahtükteke.

HABAKKUK 2:1

Ngei shangdülei aongei nyuhen, hatü ngei nyingi shingnüngei uohen; Büpai ngei kü mehe ephahen eehen shangmü chiyei hatü ngei eelapü kü mehe shahnyok leiphahen om danhen.

BHEI-IE 5:28

Shejao pinnyü pungpü neshiü, hatü nedaünelangpü kübü yangei nyupü vaijema, pinnyü kü thaüvaü nehethen hatü hapeü bühhen aokhen.

MENVIH KESHO 85:5

Nüngi ham mü den kü mongshihhen je? Nüng mongshihpü denshem peü kü nyuhen je?

YOUNG LAI 3:24

“Shembüpa ngelei lompü” shei ngelei laangha kü e. Hanangkü ngei büpa kü monglemei danhen.

HABAKKUK 2:3

Mehenangkü ittükpü hepak shingvaishi shao-üng manghkhang hük nyüke; Hapayü dohpütenpü nang enyüke; hatü ha shahshem nevai. Hapayü pheidaijoong dantuh, hapa hingmei jiüshasha, nepheidaipih.