MIKA 7:6 - DAÜLANGPÜ LAIHING (BSI)

⁶ Hapeüi laophülei pa kü ne-ienelemi nonyüke, yiükhai laophülei hümlungnyü khüei, peipü yiüki laophülei nyei khüei yaongnyüke, shennyak hükei vepayü laophülei shem am-üng nyüke.

MIKA 7:6 Referans Kwoze

LUK SHAHSHA APPÜ 12:53

Jom hanteihen, pa-i ha khüei, hatü hapeüi pa khüei, nyüi yiükha khüei, hatü yiükhai nyü khüei, chenyei-i cheli khüei, cheli-i chenyei khüei yaonghen.”

MATHI 10:21

Jeihinaüi jeihinaü jütükhen nangkü yutükhen, pa-i ha yuhen, hatü hapeüthüi nyühipa khüei yaonghen hatü jütükhen.

MENVIH KESHO 41:9

Ngei monghah-ei nyupü ngelei mongkhenthü, ngei mü nükshung hükkü küshi nyupüthüi dangkao ngei khüei yaongnyüke.

EZEKIEL 22:7

Hapa chingnyü kü nyupü peüi nyühipa kü dhüm neshuohnyu; hapa chingnyülei nyupü benhayahathü leipü aeteishenyüke; hashihha hatü vaümnyüthü nyongtüknyüke.

JOHAN 13:18

Ngei am peüei nang ne-enyih; ngei üamphong je, ngei hathü nying. Shejao laihingei, ‘üpai ngei mü hahying hanteiyei hah, büpai ngei khüei yaongteke’ shei epü jiühühen shingvaishi nyüke.

KANDOK 30:11

Shennyak hanei-i laophülei pa kü thaüvaüpü, hatü hümlungnyü kü moihiman neshuohpü nyüke.

LUK SHAHSHA APPÜ 21:16

Nyühipai hatü jeihinaüthüi, shem ami hatü küphüthüi dangkao amphong yuhahhen; hatü jomi amphong hanei jütükhen.

MATHI 26:23

Büpai, “Üpa ngei mü nükshung hük kü lak lünya, büpai ngei luhahhen.

OBADIAH 1:7

Am khüambakpü mongjemthüi-üng am luhahteke; jomi am kahmük kübü changtükteke. Am mongjem pongpü kahmükthüi am khüei yaongteke; am mü nükshung hük kü küpü küphüthüi am khüeitai heanteke, shejao ammi ha güh neyepaokhen.

JEREMIAH 20:10

‘Nyemhihan peü lemei nyüke! Büpa kü eshuohshah! Jeni büpa kü eshuohshah’ shei nümnümpü ngei dannyüke.” Ngelei mongkhen küphüthü peüi ngei huluh nyemshuohja shei dannyüke. “Üpai nyingpa, büpa kü lueilemhen aokpeih, hatü jeni büpa kü neütü bhüh yemhen aokpeih” shei enyüke.

JEREMIAH 12:6

Nüngei jeihinaü hatü shem ami nüng yuhahteke; Jomi nüng khüei ngeüwong anteke. Jomi nüng jung meishi eküjao nüngi hathü kü hingnelem.

KANDOK 30:17

Mük, mepai laophülei pa kü naamei veinya, hatü laophülei nyüven lenya, kahjilei nyupü ashathüi büpalei mük luklanghen, hatü alangthüi ha hahtükhen.

2 SAMUEL 16:11

Davidi Abishai hatü büpalei chongphobüthü peü kü, “Ngelei hapeü dangkao ngei jühen yemjü Benjamin ami neyemhen je? Büpa hei-üng nyemnyu, hatü büpai nyemthaüvaü; mehenangkü Shembüpai hapakei dükhen eshuohpü khih.

KAHBHAO 49:4

Yung keiha shing nelingi, nüng hajük kü shongnyü neleipih; mehenangkü nüngi ngelei shinshing dhüm neshiüi sheihtükpeih.

ISAIAH 9:19

Jeiyong Shembüpa mongshihpai kahdok hahtük, hatü nanglakthü awbhaong kübü pü kei leitük; üpaiyao haleipü neyangaokpih.

JEREMIAH 9:4

Nüngei küphü kü lituh, hatü nüngei jeihinaü üpa kao hingtelem; mehenangkü nüngei jeihinaüthü lueilempüthü mon, küphü anaü kemei lueilempü am kei shinei kamteinyüke.

ISAIAH 3:5

Shennyakthü hüki hük kü shüveiteihen, hashih-i behe kü dhüm neshuohhen, nyüten patenthüi hamhiman kü dheshing dhenaamhen.