MIKA 7:4 - DAÜLANGPÜ LAIHING (BSI)

⁴ Jom meiden dohpeyü daümnyak hüh kei nyüke, peü mü daülangshemshepeyü hühying kei nyüke. Kahvangi mi yombüthü hatü thibüthü homei epü keiha nanglakthü hanghihühen nyih ngoiteke. Shaang jomü üathamapü kü nyüke.

MIKA 7:4 Referans Kwoze

ISAIAH 22:5

Manghkhang Kahjilei shangponghen, vepai neühahhen hatü nyemhen nyih hük Shembüpa, Jeiyong Kahvangei lakei nyüke. Chingnyü bhamthü laamtükhen, hatü kahshangthülei sheühpü yiüei lenhen.

EZEKIEL 2:6

hatü nüng, Oh shennyak ha, nüngi jom kü tenyem, hatü jomei shah kü tehan. Hühchi hangchi kü hatü yiüjikaungkangthü mü nyulangmao, nüngi jomi epü shahthü kü tenyem hatü jomi nyem shaopü kü tehan; mehenangkü jomphongü khüei yaongpü jatli.

ISAIAH 10:3

Hanghi pongpü nyih ammi mehe linghen? Tailu leipü shanghah peipü nyih ammi mehe dükhen? Üpa touei sheühshih shei peijahen? ammei mop melei tuhphonghen?

HEBREW 6:8

Shejao hüh hatü thüng mon vamhüpü kahdokü yahlak neshiüi thaüvaütükhen mon nyüke. Dohpülei hapayü aw kü jaktükhen.

LUK SHAHSHA APPÜ 21:25

“Vanghe, lennyü hatü lithathü kü nyangeihepü nyuhen, hatü kahdoknyülei yungching yungmok ngüngpai jatthü pongnepaüi mongshang nyuhen.

NAHUM 1:10

Jomphongü hühhihang kü hühhen, hatü jomei yiüi chokhen; Jomphongü hahtang kei awi hahtükhen.

AMOS 8:2

Shembüpai ngei kü, “Amos, nüngi mehe eenyüke?” shei phe, hatü ngei, “Betjükshüm mühdow hük eenyüke” shei e. Hahepak kü Shembüpai ngei kü, “Ngelei nanglak Israel am shingvaishi dohpü ngoikünyüke; Hajük kü ngei jom neyangpih.

JEREMIAH 10:15

Hathüyü yahlak neshiüpü lueilempü dou mon; mechem jom kü shahphenhen ngoihenshang jom peü mahhen.

JEREMIAH 8:12

Jomi veüshi düknyüke, hatü jiühitnalai mang thahnyüke, shejao jom neveünyu, jom dhe haiyei leihen nenyingnyu. Ngei hanghi shuohshingkü dopüthü mü jomao dohen; ngei jom noei yaktükhen shei Shembüpai enyüke.

ISAIAH 55:13

Hühhihang nangjei awkaongpüthü kohkahen, hatü daümnyak hüh nangjei vong meipü myrtle püthü kohkahen. Hapayü Shembüpa kü nebepü dou hük, mechemao nemahhen denshing nyangeihepü hük nyukahen.

JEREMIAH 11:23

hatü jom hükao yemmü aoei netuhhen. Mehenangkü jom hanghihen bong kü ngei Anathoth shennyakthü kü shanghah shuohhen.

JEREMIAH 46:21

Jomi leihahpü kung am veshanthüyü mohoh cheha nitshüpü kei nyüke. Jomao dok lepei chemi nyaidaiteke, jom vepa düngei neyaongaok; mehenangkü jom shanghahhen nyih hük, hatü jom hanghihen hepak hük peikünyüke.

EZEKIEL 28:24

Israel nanglakthü shingvaishi hajük kü laipü, hühpü hühhihang keipü chingyowyüpi neheühen. Shejüang jomi ngeiyü Shembüpa Kahvang khih shei nyinghen.