MIKA 7:18 - DAÜLANGPÜ LAIHING (BSI)

¹⁸ Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

MIKA 7:18 Referans Kwoze

ISAIAH 43:25

Ngelei men kü ammei mang thitei yaktükpeyü Ngei, hapayü, Büpa hih, hatü ngei ammei mang hajük kü deih-ei nelepih.

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

JEREMIAH 50:20

Hathü nyih hatü hapa hepak kü Israel hatü Judah amei mang yemhen shejao hükao nedanghen; mehenangkü ngei yangpüthü kü ngei mang tükshuohhen.”

JEREMIAH 32:41

Ngei jom kü doumei dükpü kü mongonghen hatü ngelei mongdang hatü laangha kempai hapa kahdok kü jom hingmei sheiphonghen.”

JEREMIAH 3:12

Daituh, hatü hapa shah apshaphi kahmük kü baongtuh hatü etuh: Mong leptuh, Oh hingnelempü Israel, shei Shembüpai enyüke. Ngei nüng kü mongshih-ei neveipih; mehenangkü ngeiyü phahjinyeih, shei Shembüpai enyüke; ngei den kü mongshih-ei nenyupih.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

MENVIH KESHO 89:8

Oh Shembüpa, Jeiyong Kahvang, nüng kei wong kohpü üpa nyüpa, Oh Shembüpa? Nüng shinei shahhingi maei nyüke.

MENVIH KESHO 86:15

Shejao nüngü phahji yahyangpü Kahvang, Oh Shembüpa, mongshihhen youngmü, bampü hatü shahhing epü kü bhashahshi nyüke.

MENVIH KESHO 65:3

Mechem mang douthüi ham neülanghen, nüngi hamei mang tükshihma.

MENVIH KESHO 89:6

Vangsholei nüng mü shetteihen üpa nyüpa, Shembüpa? Vangsholei nyupüthü Shembüpa kei üpa nyüpa?

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

EZEKIEL 33:11

Ngeiyü vanyangyem Kahvang shei Shembüpa Kahvangi enyüke, ngei mang shennyak hük dipü kü mongneongnyih, shejao mang shennyak hük laophülei lem kübü mong lepei leiyei yangnyu yem dangei nyupü eehünyeih. Oh Israel phang, ammei mang lemthü kübü mong leptuh, mehekei am dihenang?

1 ONGPATHÜ 8:23

büpai, “Oh Shembüpa, Israel Kahvang, kahdok hatü vangsho kü nüng keipü Kahvang neshiü! Mechem nanglakthüi mong kempai nüngei ven danei kamhenshang, nüngi jom mü vangteishuwteipü jiüshi düknyüke hatü nüngi bampü hunyüke.

SHAHKÜP 33:26

Ammei Kahvang kei üpayao neshiü, Oh Jeshurun. Am kü sheühhen büpai vangshothü kü hatü büpalei wongi phumthü shingkü longteinyüke.

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

MIKA 7:14

Nüngei lenshuoh-i nüngei nanglak mithü, nüngei mükjüp mi khong haümtuh. Jom yingnyü yingmongei paüeiyonei lüdaijao, jom shonei phenha vunglak nyüke. Peihdaipü aivang nyih kü keiha, jomphong Bashan hatü Gilead phenni üh-ei haümtuh.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JOEL 2:32

Shejao üami Shembüpalei men kü nyükhenshang yemleihen. Shembüpai epü keiha Zion Kahshang hatü Jerusalem kü yangpüthü nyuhen, hatü yangpüthüyü Shembüpai nyükpüthü nyukahen.

ISAIAH 57:16

Ngei düngei nethaüvaühen nevaijü ngei düngei mongshih-ei nenyuhen, Hei nevaijema ngei lingpü hangkulei laangha mahdaihen, hatü hangkuli ngü kemdaihen.

MENVIH KESHO 86:5

Mehenangkü nüngü meipü, hatü mang tükpü, Oh Shembüpa, nüng kü nyükpüthü peükü bampü bhashahshi shuohnyüke.

DANIEL 9:9

Hami büpa khülangmao Shembüpa, hamei Kahvangü phahjipü hatü mang tükpü nyüke;

JEREMIAH 3:5

nüng düngei mongshihhen je? Nüngei mongshih den kü nyuhen je? shei nenyükangpü je? Ammi hapakei eteke, shejao ammi aokpü thahshi mang lemphü dükteke.”

ISAIAH 65:19

Ngei Jerusalem kü mongonghen, hatü nanglakthü kü mongmeihen. Hajük kü halei theppü hatü vaüpü eepü ngeü nedanhen.

ISAIAH 55:7

Nemeipüthüi laophülei lem, hatü mang shennyakthüi laophülei chudeih ten yakphongtuh. Jom peüi Shembüpa Kahvang touei mong lepeileituh, hatü büpai jom kü phahjihen hatü mang tükhen.

ISAIAH 1:18

‘Peikei shaang, jeni chemi deih-ei dangtü eteishah’ shei Shembüpai enyüke. ‘Ammei mang longi hakshinyulangmao shüdao kei shoshi leidaihen; Ammei mang iyshüm kei hakshi nyujao phümphah kei shoshi leidaihen.

MENVIH KESHO 130:4

Shejao nüng mü mang tükpü nyüke, hanangkü nüng kü dhüm shuohnyeih.

MENVIH KESHO 71:19

Nüngei ngan hatü daülangshemshepü vangshothü ngoinyüke, Oh Kahvang; nüngi longpü douthü longi dükteke, Oh Kahvang, nüng kei üpa nyüpa?

NEHEMIAH 9:17

jomi ven nedan, hatü jom touei yashanpü douthü dükpü peü betük, shejao jomei ngaümvang vaanei aa laphen kü Ijiplei nyokei leihen tem. Shejao nüngü mang tükpü, phahji yahyangpü, mongshih youngmü vampü, hatü bampü kü changshishashi nyupü Kahvang, hatü nüngi jom netuhphong.

MÜLANGPÜ 34:9

“Oh Shembüpa, nüngi ngei kü monghahjema, Shembüpa, nüng ham mü daikütuh shei khümnyüpeih. Hayü mong vaanpü nanglakthü vailangmao ham pungpü shaipü hatü hamei mang tükshih, hatü nüngei mükjüp yahhen nanglak leihüshih” shei büpai e.

ROM SHAHSHA APPÜ 11:4

Shejao Kahvangi büpa kü mehe shahnyok shuohpa? “Ngei laophü shing Baal kahvang kü aümei nekhümpü shennyak haja nyet tuh-ei nyüpeih.”

LUK SHAHSHA APPÜ 15:32

Shejao jeni mo hah-ei mongongshah; mehenangkü nüngei naüpeü didai-i nyuteke, hatü yem leiteke; büpa mahdai-i nyuteke, shejao dangteke” shei e.

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

AMOS 8:2

Shembüpai ngei kü, “Amos, nüngi mehe eenyüke?” shei phe, hatü ngei, “Betjükshüm mühdow hük eenyüke” shei e. Hahepak kü Shembüpai ngei kü, “Ngelei nanglak Israel am shingvaishi dohpü ngoikünyüke; Hajük kü ngei jom neyangpih.

AMOS 7:8

Büpai ngei kü, “Amos, nüngi mehe eenyüke?” shei pheteke. “Vü hük eenyüke” shei ngei jangei e. Hahepak kü Shembüpai eteke, “Veituh, ngei ngelei nanglak Israel am chi kü vü hük kangnyüpeih; ngei hajük kü jom kü mang netükpih.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

ISAIAH 57:10

Amphongi lebü kahvangthü yemei longteipai nyiudaijao, “Hajük khih, danghen mong nelemang” shei ne-enyu. Ammi wongja ngaitü ngaitü daipü nangkü nenyiunyu.

ISAIAH 40:25

Amphongi ngei üpa mü sheteiphenhen? nevaijü ngei mü hükkeipü üpa nyüpa? shei Daülangpü Hüki enyüke.

ISAIAH 40:18

Nüngi Kahvangü üpa mü shetteiaokhen? nevaijü büpayü mepa mü sheteiphenaokhen?

MENVIH KESHO 103:13

Pa-i hapeüthü kü kenpü keiha, Shembüpai büpa kü nyempüthü kü bamnyüpeih.

MENVIH KESHO 35:10

Ngelei büm kempai, “Oh Shembüpa, nüng keiha üpa nyüpa?” shei ehen. Nüngi jom mü nyeishi wong kohpüthü toueipü wong nekohpüthü, hatü wong nekoh hatü nehahneyingpüthü jom leipü gühlangpüthü leipü yangnyeih.

BHEI-IE 23:21

Jakob kü mehe shanghah nevaijü Israel kü mehe shangpong yakyingao ngei ne-eenyu. Shembüpa, jomei Kahvang jom mü nyüke; Büpayü jomei ongpa shei lennyüke.

JEREMIAH 38:8

Ebed-Melekh ongshem leipü vamei heih-ei ongpa kü,

ISAIAH 62:5

Nethe hüki nela hük mü shem yempü keiha, am Lingbüi am mü shem yemhen. Doidainyüi laophülei baha mü mongongpü keiha, ammei Kahvangi am mü mongonghen.

KAHBHAO 4:7

Nüngi jiüshi düklangmeyü nüngei moila neyahhen je? Nüngi jiüshi nedükpü nangkü mangi nüng kü yepei nyeanhen shadenei danei nyüke; hapai nüng shak kü vanglem lemhünyüke, shejao nüngi ha aokhen vongbong” shei e.

2 SHÜPPÜKENGPÜ 6:21

Hapa shing philei meetü nüngei chongphobü hatü Israel nanglakthüi yüpü danlangshih. Nüng nyushing vangsho leipü bangtuh hatü mechem danhenshang mang tükshih.

2 SHÜPPÜKENGPÜ 30:9

Ammi Shembüpa touei mong lepjema ammei vepathüi yah-ei lüdaipü ammei jeihinaü hatü hapeüthü kü phahji huhen hatü hapa kahdokei müei leikahen; mehenangkü Shembüpa, ammei Kahvangü phahji yahyangpü Kahvang nyüke. Am-üng büpa touei mong lepjema büpalei dhe am toueipü nelepdaipih” shei e.

ISAIAH 33:24

Zionlei nyupü üpaiyao, “Ngei tüngei hih” shei ne-ehen. Halei nyupü shennyakthü kü jomei mang tüktükhen.

ISAIAH 64:9

Nüng ahshi mongshih te-ankei, Oh Shembüpa, hatü denden kü hamei mang deih-ei tedangkei. Hamü nüngei nanglakthü, phahjishihma.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

JEREMIAH 31:20

“Ephraimü ngei bampü ha, ngei monghahpü hapeü nevaipü je? Ngei büpa khüei ejao shaang thahshi ngei büpa deihnyeih. Hanangkü büpa kü ngei mong kü nemei-i deihnyeih. Ngei hingmei büpa küphahji huhen” shei Shembüpai enyüke.

JEREMIAH 33:8

Ngei khüei pungpü jomei mang peü ngei daütükhen, hatü ngei khüei thahpü mang hatü khüei yaongpü mang peü ngei tükhen.

EZEKIEL 18:23

Mangthü dipü kü ngei mongmeinyu hiang? shei Shembüpa Kahvangi enyüke. Jom mang lemthü kübü mong lepei leiyei yemmü nyuküjü ngei mongneongnyu je?

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

AMOS 1:11

Shembüpai hapakei enyüke: Edom amei mang jem nangkü, hatü ali shingvaishi ngei hanghi neyahlangpih; mehenangkü büpai yanlu noshi chenaü changtük, hatü phahji neshiüi dükteke; büpalei mongshih neyeplangi düngei aw kei bah-ei angteke.

SHAHPHENBÜTHÜ 10:16

Hanangkü jomphong jom toueipü kung amei kahvangthü yaktüktü Shembüpa kü khüm, hatü büpai Israel am ponghahpü kü veishi nenyuaok.

MENVIH KESHO 65:4

Nüngei shemei nyuhen nüngi jetü müei peipüthü mongong. Nüngei shem meipai ham hüshemei nyuhen.

ISAIAH 38:17

Hingmei mü ngei nanglei danghen tata kü ngei shahyaki hanghipeih. Nüngi bampai ngei mahhen kahsha leipü yangpeih. Nüngi ngelei mangthü peü nüngei ngaümpheilei yaktükpeih.

EZEKIEL 33:16

Büpai thahpü mang hükao büpa khüei deih-ei nedanghen. Büpai mehe shahhing hatü jiüpa, ha dükteke; büpa hingmei yemmü nyuhen.

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.