MIKA 7:17 - DAÜLANGPÜ LAIHING (BSI)

¹⁷ Biü keiha jomi bhihla laiyei hahhen, jomi biü keiha lüei kamteihen. Jomi Shembüpa, jenei Kahvang kü nyemei leidaihen, hatü amphong kü nyemhen.

MIKA 7:17 Referans Kwoze

ISAIAH 49:23

Ongthüyü ammei pa kei nyukahen, hatü onglanyüthüyü ammei hümlungnyü kei nyukahen. Jomei dhe kahdokei aümei shatü ammei la leipü lamak lailangphahen. Shejüang ammi ngeiyü Shembüpa shei nyinghen; Üami ngei kü omdannya, mechemao veü neponghen.”

MENVIH KESHO 72:9

Jahpanei nyupü ami büpa kü aümei khümhen, hatü büpalei vepathüi kahdokei lemhen.

MENVIH KESHO 18:45

Jom mong mahdaitü nyemei kheüyaki penyüsha leipü peikünyüke.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

ZEKHARIAH 14:5

Judah am ongpa Uzziah hepak kü pedi jenpü kü nyaipükei kahshang handaitü Azel thahshi vampü kahji kü am nyaiyei daihen. Hahepak kü Shembüpa, ngelei Kahvang büpalei phongshanthü büpa mü yiükahen.

YOUNG LAI 3:29

Hapayü jiüpeih shei yah-ei maanpü leihen khih; Mehenangkü shao-üng monglem peikahen aok.

JEREMIAH 33:9

Kahdoknyü jatthü peü touei hapa chingnyü homei ngei kü mongongpü men, vihpülüpü hatü müknyinshekhang koei peihen hatü ngei jom kü dükshuohpü doumei jomi danhen; hatü ngei hapa kü dapüshepü chingmeivangmei shuohpü nangkü jom nyemei kheühen.

JEREMIAH 16:16

Shaang ngei nyah yepbüthü longi nyükhen shomnyüpeih, hatü jomü ha nanglakthü nyah kei yephen. Hapheikü ngei sikari shennyakthü nyükhen, hatü jomi hapa nanglakthü kahshang, shangching hatü yaongvak peü leipü jüei leihen.

ISAIAH 65:25

Shuw hatü mi cheha nyi chemi het hahhen, mailangiyao mohoh-i keiha hahtang hahhen; shejao biüei hahyingü bhihla nyuhen. Ngelei daülangpü Zion Kahshangei jom hüki hük kü neketteihen, nevaijü nejüteihen shei Shembüpai enyüke.

ISAIAH 64:2

Pü kü aw bah-ei yungdük laukpükei, nüngei men vepathü kü nyinghühen, hatü nüng touei jatthü kheühühen shingvaishi nüng yiükei!

ISAIAH 60:14

Am kü shüveipüthülei hühihathü peiyei am kü dhüm shuoh-ei aümei khümhen, hatü am kü, “Shembüpalei Chingnyü, Zionü daülangpü Israel Kahvangei chingnyü” shei nyükphahen.

ISAIAH 59:19

Heshü philei nyupüthüiyao büpalei men kü nyemhen, hatü heong philei nyupüthüi büpalei müknyinshekhangkü dhüm shuohhen; Mehenangkü büpayü yungchüm laipü keiha peikahen, hatü Shembüpalei ngü vanglük keiha peikahen.

ISAIAH 25:3

Hanangkü wong kohpü shennyakthüi nüng kü dhüm shuohhen, phai kü netüngpü jatthülei chingnyüthüi nüng kü nyemhen.

MENVIH KESHO 9:20

Jom kü nyempü peihütuh, Oh Shembüpa; jatthüi hamü hangku mon hih shei nyinghütuh.

1 SAMUEL 14:11

Hanangkü jijipheni Philistia amei baümtapei nyupüthü kü hushuohteke, hatü Philistia ami, “Veihümao, Hebrew am jom joshi nyupü kahsha leipü laokünyüke” shei etei.

JOSHUA 9:24

Jomi Joshua kü, “Hapa kahdok kü am shekü nyupü nanglakthü kemei thitei mahtüktü hapa kahdok am kü shuohhen shei Shembüpa, ammei Kahvangi büpa chongphobü Mosa homei epü hami ha danpeih. Hamao mahdaihen khih shei am kü nyempü nangkü hami ha dükpeih.

SHAHKÜP 32:24

Ngei jom kü shaühile, dinten, hatü chamhilem shomhen. Ngei jom khüei yemtenmakshai, leü nemeipü biüi kaokhen shomhen.

2 SAMUEL 22:46

Kung shennyakthüi mong mahdaitü, penyüsha kübü laoei ngei touei kheüyaki pei.

2 SHÜPPÜKENGPÜ 17:10

Judah kahdok kü ngeih-ei shonei nyupü ongchingthü peü Shembüpa kü nyempü pei, hanangkü üamiyao Jehoshaphat mü nehok.

MENVIH KESHO 72:11

Ongthü peü büpa touei aümei khümhen, jatthü peüi büpa chongphohen.

ISAIAH 7:19

Jom peü peiyei kahji peü kü, yaongsha peü kü hatü hüh kohpü phenha, hatü phenhavunglak peü kü bakhen.