MIKA 7:16 - DAÜLANGPÜ LAIHING (BSI)

¹⁶ Jatthüi ha eehen, hatü jomei wong laaiyei jom veühen, jomi jomei ju kü laki shümlanghen, hatü jomei dhaong kü dhühlanghen.

MIKA 7:16 Referans Kwoze

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 52:15

Shejao jatthü longi büpa kü thamahen, büpa eeyei ongthüi shah mahdaihen; Jom kü üpaiyao ne-eshuohpü dou jomi eehen, hatü jomi mehe mangdan, ha jomi nyinghen.

JOB SHAHSHA APPÜ 40:4

“Veituh, ngei kei maanpü hüki nüng kü jangei meheephaaokhen? Ngei ngelei ju kü laki shümlangnyeih.

SHAKEI VAMPÜ 11:18

Kahmükthü mongpuk vamteke, shejao nüngei mongshih peiteke, hatü dipüthü kü shahphenhen, nüng chongphopü thibüthü, daülangpüthü hatü nüngei men kü nyempü longpü maanpü peü kü thintho shuohhen, hatü kahdoknyü mangtükpüthü mahtükhen hepak ngoiteke.”

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

ZEKHARIAH 12:9

Hapa nyih, Jerusalem khüpü jatthü peü mahtükhen ngei layaongei daihen.

MIKA 5:8

Jakob nanglak aopüthüyü jatthü chi kü, nanglak longi chi kü, phaüyem chi kü mailang hük keiha; mithü khong kü mailang cheha kei jom kü laongei shükhen, hatü bhin mü bhin mü shaaktükhen, hatü üpaiyao jom neyanghen.

EZEKIEL 38:23

Hapa keiha ngelei wong hi ngan, daülangshemshepü huhen, hatü jatthü longi tou kü ngei nyinghühen. Shejüang jomi ngeiyü Shembüpa khih shei nyinghen.

ISAIAH 66:18

Shembüpai enyüke: “Ngei jomei douthü hatü jomi deihpü nyingnyeih, hatü ngei jatthü hatü shahlem laolao epüthü peü thaihen peihen, hatü jom peü peiyei ngelei müknyinshekhang eehen.

MENVIH KESHO 126:2

Hahepak kü hamei ju kü nyipai, hatü mongong kesho lokpai maei nyupeih. Hahepak kü lebü jatthüi, “Shembüpai jom kü dou longpü dükshuohpü khih” shei eteipü va-ai.

JOB SHAHSHA APPÜ 21:5

Ngei kü veitü nethamaang je? hatü nüngei laki ju kü dhühlangtuh.

KANDOK 30:32

Nüng nyingi vihhah-ei ngadounganang dükei nyujema, nevaijü douten dükhen temhah-ei nyujema, nüngei ju kü laki dhühlangtuh.

MIKA 3:7

Eeaokpü mükngan nyupüthü veü ponghen, hatü manghkhang kohpüthü hai danghen. Kahvang leipü jangpü lanshei neshiüpü nangkü jomei ju kümei dhe kü jümlanghen.

HAGGAI 2:22

hatü ongchingthü khaptükhen, hatü jatthülei ongching wong ngei mahtükhen; ngei koyei kharithü hatü ha müpüthü, koyeithü hatü ha kü uopüthü jomei yannah kü-üng mahkemhen” shei etuh.