MIKA 7:14 - DAÜLANGPÜ LAIHING (BSI)

¹⁴ Nüngei lenshuoh-i nüngei nanglak mithü, nüngei mükjüp mi khong haümtuh. Jom yingnyü yingmongei paüeiyonei lüdaijao, jom shonei phenha vunglak nyüke. Peihdaipü aivang nyih kü keiha, jomphong Bashan hatü Gilead phenni üh-ei haümtuh.

MIKA 7:14 Referans Kwoze

MIKA 5:4

Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

ISAIAH 49:10

Jom aeiyei leyei nenyuhen, nevaijü bhih kahdok shaampü, hatü vanghenyü nyahpai jom kü nekethen. Büpa üpai jom kü bamnya, büpai jom mühen, hatü yunglok meipü touei mülanghen.

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

ISAIAH 40:11

Mi yombü hük keiha büpai laophülei mi haümnyeih; büpai mi chehathü laophülei laki mongdang kukei deiyei paümnyeih; Büpai mi chenyüthü youngmü atei leinyüpeih.

ISAIAH 37:24

Nüngei phongmokbüthü homei nüngi Shembüpa kü yaüei eteke, hatü nüngi, ‘Ngei koyei khari mü Lebanon kahshang shaopü thahshi aongtepih. Haleipü shaopü cedar, hatü meipü cypress püthü agtepih; hapa shangching teppü hatü hapa yingnyü yingnyak thahshi shütepih.

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

MENVIH KESHO 95:7

Mehenangkü büpayü jenei Kahvang, jenü büpalei yemhah shingei haümpü nanglakthü, hatü büpalei laki jungpü mithü. Oh shinnyih nüngi büpalei ngeü bangtuh!

MENVIH KESHO 28:9

Oh nüngei nanglak yangtuh, hatü nüngei mükjüp moihimantuh. Nüng jomei mi yombü vaituh, hatü düngei jungeilangei angtuh.

JOHAN 17:16

Ngei kahdoknyülei nevaipü keiha jomphongü kahdoknyülei nevai.

MATHI 2:6

“Nüng, Judah kahdok kü nyupü Bethlehem, Judah am longhivang khongkü nüng mekei etao maanpü nevai; mehenangkü nüng kübü, ngelei Israel nanglak mi yomhen vanglem lembü hük vamhühen.”

MALAKI 3:4

Shejüang, Judah hatü Jerusalem amei moilayü shongpü nyihthü kei, hatü peihdaipü bongthü kei Shembüpa tou kü mongongbenüng nyukahen.

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

YOUNG LAI 5:21

Oh Shembüpa! Ham nüng touei müei leihahtuh, sheleipü hamei müknyinshekhang nyokei yahshih.

ISAIAH 65:10

Ngei yempü ngelei nanglakthü shingvaishi Sharonü jomei mithüi het hahshing, hatü Akhor kahjiyü jomei yemhathü lemeilehen shing vaihen.

ISAIAH 35:2

Kolap chü keiha hapa punghen; hapa longi mongonghen hatü mongongpai lenhen. Lebanon amei müknyinshekhang, Karmel hatü Sharon nethe meipü hapa kü shuohhen. Jomi Shembüpalei müknyinshekhang, hatü jenei Kahvang nethe meipü eehen.

MENVIH KESHO 143:5

Ngei aivang nyihthü deihnyüke, ngei nüngei douthü peü deihnyeih, ngei nüngei lakdouthü deih-ei dangnyeih.

SHAHKÜP 33:28

Hanangkü Jakobei hühihathü chingmei vangmei kü hahying, hatü yiü vampü kahdok kü vangsho nyieni yung shuoh-ei hüshemei nyuhen.

BHEI-IE 23:9

Yaongvak shangching kübü ngei-i jom eenyüke, shangtaothü leipü ngei-i jom kü chinyüpeih. Jomphongü jat lom jat nyüke, mih jat mü jomü nyeinya moihimanpü shei jomi nyingnyüke.

MÜLANGPÜ 33:16

Nüng ham mü omshi nedaipü thahshi ngei hatü nüngei nanglakthü kü nüngi monghahnyüke shei mekei nyinghen? Hapakei vaijü mon kahdok shak kübü hangkuli mü ngei hatü nüngei nanglakthüyü hayaoha khih shei nyingaokhen” shei eteke.

YOUNG LAI 1:7

Pinnyü shangpong yakyingpü nyih Jerusalemi pinnyülei aivang mebü mophimo deih-ei dangnyüke. Mechem pinnyü vepalei lak kü aongpa, pinnyü khüambakhen, young cheihen üpayao neshiü. Pinnyü lomohpü eeyei vepathüi “Hüha” shei nyinyüke.

LEVI 27:32

Haümyem shaanpü ankhongü Shembüpalei.

SOLOMONEI KESHO 4:1

Nüng mekei nela meipüang ngei bampünyü! Oh mekei meipüang! Shokuh phangei nüngei mükü athuba kei shüke. Nüngei sho-ü Gilead Kahshang leipü yumhathü mum dheüei leiküpükei shüke.

JEREMIAH 49:31

“Layaongtuh, hatü nyempü neshiüi nyiushem kü nyupü chingnyü hahtüktuh; Jomei ching kü penyüsha nevaijü bangpü meheyao neshiüi nanglak mon nyüke shei Shembüpai enyüke.

EZEKIEL 36:11

hatü ngei am kü hangku hatü yemhimak daphahen. Jom daeisheyei betjük jükhen, hatü meyangpü hepak kü keiha chingchingei nyuhühen, hatü sheleipü kao nyeishi daeishehen. Shejüang ngeiyü Shembüpa Kahvang khih shei amphongi nyinghen.

BHEI-IE 32:1

Reuben hatü Gad phang nyilei yemhimak longi nyuteke. Mechem jomi Jazer hatü Gilead amei kahdok kü yemhimak haümhen longi meihen khih shei veiaokpa,

BHEI-IE 32:4

Shembüpai Israel nanglakthü kü sheüh-ei yahhüpü kahdok, yemhimak haümhen shingvaishi meipü kahdok khih, hatü hamphongei yemhimak longi nyüpeih.

ISAIAH 27:13

hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.

OBADIAH 1:19

Negeb leipü shennyakthüi Esaulei kahshangthü khüamlanghen, hatü heshüphi kahshangla kübü shennyakthüi Philistia yahlanghen, jomi Ephraim hatü Samaria kaamlanghen, hatü Benjamin phangi Gilead yahlanghen.

ZEKHARIAH 10:10

Ngei jom Ijip leipü müei leihen, hatü Assyria leipü thailanghen. Ngei jom Gilead hatü Lebanon kahdokei müei leihen, hatü hapa kahdok kü jom mon maei nyuhen.

ZEKHARIAH 11:7

Üami mi bhei leihnya, jomi ngelei nang yepteke, hatü ngei jütükhen mithü yombü hük leiteke. Ngei lenshuoh nyi yahteke: hük kü ngei, “Bampü” shei nyük, hatü hükpa kü ngei, “Mongjempü” shei nyük, hatü ngei mi khong jungteke.