MIKA 6:9 - DAÜLANGPÜ LAIHING (BSI)

⁹ Bangtuh, Shembüpai chingnyü kü nyüknyüke, hatü Shembüpalei men kü nyemhenü kon kohpü nyüke. Bangtuh, Oh jat hatü chingnyü kü thaiyei nyupüthü!

MIKA 6:9 Referans Kwoze

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

ZEPHANIAH 3:2

Pinnyüi Shembüpalei ngeü nedan, yeanpü sha neyah, Shembüpa kü hingnelem; Kahvang yopailei neheih.

HOSEA 14:9

Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”

ISAIAH 30:27

Veituh, Shembüpalei men tailu leipü peikünyüke, mongshih wong kemei phumnyak keiha awshit vamei; büpalei ju kü mongshih maei, hatü büpalei yei-ü awlom kei nyüke.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

AMOS 2:5

Hanangkü ngei Judah am kü aw shomhen, hatü hapai Jerusalem penyüsha hahtükhen.

HOSEA 13:16

Samaria ami jomei mang kohen; Mehenangkü jomi Kahvang khüteke; jom yani mahkemhen, jomei hapeüthü khih mü shaaktükhen, hatü büm nekongpü nyühathülei vom shaaktükhen.

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

JEREMIAH 26:6

ngei hapa shemü Shiloh kei leitükhen, hatü hapa chingnyü-ü kahdok shak kübü jatthü khongkü thaüvaütükpü dou hük leitükhen.

ISAIAH 66:6

Chingnyülei mophicheüpü ngeü; Phopshem leipü ngeü! Shembüpai vepathü kü bhüh yempü ngeü kü bangtuh!

ISAIAH 27:10

Penyü showtükpü chingnyü-ü lavüngtoiyei chongkahen, hangku nyushingü yingnyü keiha vüngmaki leidaihen. Halei mohohthüi het hah-ei lemeileyei, haleipü phenha vunglak peü meeklanghen.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 9:13

Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

KANDOK 22:3

Kenhingpü shennyaki vongshüh eenyüpeih, hatü joshing yemnyüpeih, shejao ngapa hüki hei-üng daiyei vongshüh pongnyeih.

MENVIH KESHO 107:43

Kon kohpüthüi ha nyingei lituh, hatü Shembüpai bampü deih-ei dangtuh.

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

MENVIH KESHO 48:10

Nüng kü vihpü keiha, Oh Kahvang, nüngei men kahdoknyü peü lemei dainyüke. Nüngei lakdahphi daülangshemshepai maei nyüke.

MENVIH KESHO 9:16

Shembüpayü büpalei shahhingi nyingnyüpeih; hatü nemeipüthüyü laophülei laki linghahpü kü mannyüpeih.

JOB SHAHSHA APPÜ 10:2

Ngei Kahvang kü ngei tenyonghü; nüngi mehekei ngei khüei dokteinya shei eshuohhen.

JOB SHAHSHA APPÜ 5:17

“Kahvangi yeanhahpü shennyak moihimanpü; hanangkü Jeiyongpai yeanpü teyakphong.

2 SAMUEL 21:1

David vanglem lempü hepak kü nedoh-i bong jem thahshi münghishaü nyuteke, hatü Davidi Shembüpa kü ha nang phe. Shembüpai, “Saul hatü jomei shemong kü iy yenpü mang nyüke; mehenangkü büpai Gibeon am jütükpeih” shei e.

JEREMIAH 47:7

Shejao Shembüpai ngeükhüam shuohyaki mekei nenmü nyuhen, Büpai Ashkelon hatü yungkung hahtuh shei eyaki mekei nenmü nyuhen?”

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

MIKA 6:10

Mangthülei shem kü shahhing ne-epü mopthü thaiyei shüngpü, hatü jiühitshi dok güh-ei dok dokpü ngei be-aokhen je?

JOB SHAHSHA APPÜ 23:14

Ngei shing mehe küpjan tem, büpai hapa dükhen; hatü hapa keipü küpjanthü dükhen büpai longi temei nyüke.

EZEKIEL 7:9

Ngei am kü yahyangei nevaijü shinshangei neveipih; ngei ammei dükhiling hatü ammei jiühitnalai douthü am mü nyupü thahshi ngei ha shemhen. Shejüang am kü bheipeyü Shembüpa, ngei khih shei ammi nyinghen.