MIKA 6:8 - DAÜLANGPÜ LAIHING (BSI)

⁸ Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

MIKA 6:8 Referans Kwoze

KANDOK 21:3

Jakpü moila meyü mehe jiüpü, hatü shahhing nyüpa, ha dükhen-üng Shembüpa touei yahhübenüng nyüke.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

JEREMIAH 22:3

Shembüpai hapakei enyüke: Mehe shahhing hatü jiüpü nyüpa, ha düktuh. Shüveipüthülei lak leipü gühlangshuohpü shennyak yangtuh. Yenpa, hashihha nevaijü vaümnyü kü nejiüpü tedük nevaijü jom kü teshüvei, hatü hapa shing kü mang neshiüpü iy teyenhü.

HOSEA 6:6

Mehenangkü ngei moila nevai, bampü nanyeih; jakpü moila nevai, shejao Kahvang nyingpü nanyeih.

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

1 PETER 3:8

Dohpülei, am peü kü, laangha kü mongjempü, shinshangteipü, hüki hük mü bamteipü, bampü mongdang jükpü, hatü nenteiaokpü chudeih nyutuh.

LUK SHAHSHA APPÜ 6:36

Ammei Pa phahjipükei amao phahji hutuh.

LUK SHAHSHA APPÜ 11:42

Shejao am Pharisee am onyükei! Mehenangkü ammi chühüng hatü chünem hatü lebü phenlakthü peü yah-ei ankhong shuohnyüke, shejao ammi shahhing hatü Kahvang bampü yakphongnyüke. Ammi shongpü netuhphongi shompü dükhen vaipeih.

AMOS 5:24

Shejao shahhingpa yungyen kei yenhütuh; Daülangshemshepü mechemao nejeppü yunglok kei yenhütuh.

MATHI 5:7

Phahji hupüthü moihiman; mehenangkü jomphongi phahji danghen.

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

KAHBHAO 18:19

Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.

CHONGVENBÜ 12:13

Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

MATHI 5:3

Laangha kü taopü nyingpüthü moihiman; mehenangkü vangsho ongching jomphongei.

ZEPHANIAH 2:3

Kahdoknyü kü nenteiaokpü am peü, büpai epü dükpüthü peüi Shembüpa yemtuh. Daülangpü yemtuh, maanpü leihen yemtuh; Üpai nyingpa, Shembüpai mongshihpü nyih am hanghi kübü yanglanghen.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

MENVIH KESHO 37:26

Jom düngei nekaungi shuoh-ei lushuohteinyüke, hatü jomei hapeüthü moihimanpü leinyeih.

NEHEMIAH 9:13

Nüng vangsho leipü Sinai Kahshangei yiü, hatü vangsho leipü etei, hatü jom kü jiüpü shahkung hatü meipü vanglem shuoh;

MENVIH KESHO 112:4

Kangshangpüthü shingvaishi vangnyak kao vangngai kei vamnyeih. Büpayü phahjipü, shinshangpü, hatü daülangpü nyüke.

YOUNG LAI 3:26

Munenei Shembüpai yangphahen shei omdanei nyupü-üng meipüba.

MENVIH KESHO 112:9

Büpai taopathü kü angkü bhenyüke, büpa daülangshemshepü den kü nyunyeih; büpayü wong kohshi, hatü peüi dhüm shuohnyeih.

MENVIH KESHO 73:28

Shejao ngei shingvaishiyü Kahvang yopailei nyupü-üng meipeih; Nüngei douthü peü ehen nangkü ngei Shembüpa Kahvangü ngelei loishing vaihüpeih.

2 SHÜPPÜKENGPÜ 34:27

nüngi hapa shing hatü haleipü nanglakthü nangkü nüng mong lepei Kahvang touei maanpü leipü nangkü; nüngi maanpü leiyei nüngei ashakviha shaakei ngei touei theppü nangkü ngeiyao nüngi phoppü dantepih shei Shembüpai enyüke.

JAKOB 2:20

Ngapathü, dou neomi vaipeyü angsha shei huhahhüpü je?

ROM SHAHSHA APPÜ 7:16

Shaang ngei mehe dou nedükhü, ha dou ngei dükjema, shahkungnyü-ü meipü khih shei ngei enyeih.

2 SHÜPPÜKENGPÜ 32:26

Shomshi Hezekiah hatü Jerusalem nanglakthüi jom changmeipü nangkü maanpü lei; hanangkü Hezekiahlei nyih kü Shembüpa mongshihpü jom kü nepei.

1 SAMUEL 12:23

Nyeinya vaishi, ngei nangkeyü am shingvaishi nephoppü nangkü shei Shembüpa touei ngei mang nethahpih, hatü ngei am kü meipü, hatü jiüpü lem huphahen.

ROM SHAHSHA APPÜ 9:20

Shejao Kahvang mü shah dakteihen hangku nüng üpaang? Ashemi dük shükbü kü, “Mehekei nüngi ngei hapakei shükpa?” shei eaokhen je?

LUK SHAHSHA APPÜ 10:42

shejao dou hük mon nanyüke. Mary-i meipüba hean jehahteke, hatü ha pinnyü leipü neyahlanghen.”

EZEKIEL 16:63

Ammi dükpü mang kemei ngei am kü tükhen shejao ammi hathü deih-ei veüpai ju neka-aokhen” shei Shembüpa Kahvangi enyüke.

2 SHÜPPÜKENGPÜ 33:23

Shejao chepa Manasseh-i mong leppü keiha büpa Shembüpa touei mong lepei nelei; Amoni mang nyeinya thah.

2 THESALONIKA 2:16

Shaang jenei Shembüpa Jisu Khrista hatü jenei Pa Kahvang, üpai jen kü bam, hatü büpalei phahji homei jen kü nedohnetenpü nyiumei, hatü monglemhen meipü shuohpa,

KAHBHAO 5:22

Büpai Methuselah bühpheikü Kahvang mü bong 300 kam, hatü lebü yiükha yeshangthü büh.

LEVI 26:41

mepai ngei jomei vepathülei kahdokei deishihhen mü ngei khüei thahpü mang lahjema, hatü mechem jomei nejaptükpü thentoimongdang ineinyaiyei leihenshang, hatü jomei mang kübü yeiyahenshang,

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

1 KORINT 7:16

Shembünyü, nüngei baha nüngi yanghen hi neyanghen nüngi mekei nyingpa? Nevaijü shembüpa, nüngei nyüha nüngi yanghen hi neyanghen nüngi mekei nyingpa?

2 SHÜPPÜKENGPÜ 30:11

Shejao Asher, Manasseh hatü Zebulem shennyak hanei-i nenteiaokei leitü Jerusalemei pei.

LUK SHAHSHA APPÜ 12:14

Shejao büpai büpa kü, “Mongjem, am shak kü shahphenbü, nevaijü shahphen ehen ngei üpai jeyei tuhpa?” shei e.

SHAHKÜP 30:15

Veituh, shinnyih ngei ammi jehen shingvaishi ten nevaijü mei, hatü yangnyuyem nevaijü dipü tuhphünyeih.

ISAIAH 56:1

Shembüpai hapakei enyüke: Shahhing noteituh, jiüpü düktuh; Lomi ngelei yemleipü peikahen, hatü ngelei daülangshemshepü shakei vamkahen.

EZEKIEL 33:14

Shao, ngei mang shennyak hük kü “Hingmei nüng dihen” shei ejao büpai laophülei mang kübü mong lepei mehe shahhing, hatü jiüpa, ha dükjema;

MIKA 6:9

Bangtuh, Shembüpai chingnyü kü nyüknyüke, hatü Shembüpalei men kü nyemhenü kon kohpü nyüke. Bangtuh, Oh jat hatü chingnyü kü thaiyei nyupüthü!

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

SHAHKÜP 27:10

Shembüpa, ammei Kahvangei ven bangtuh hatü shinnyih ngei am kü shuohpü büpalei shahkungthü noteituh” shei eteke.

JOSHUA 24:14

“Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.

MENVIH KESHO 101:1

Ngei nüng kü bampü, hatü shahhing kesho lokhen, Oh Shembüpa, ngei ha lokhen.

JEREMIAH 9:23

Shembüpai hapakei enyüke: Kon kohpüthüi laophülei kon kü techangmeihü, wong kohpüthüi laophülei wong kü mongtelemhü, shemmeithüi laophülei mop kü techangmeihü;

JEREMIAH 22:16

Büpai taopa hatü nehahneyingpüthü kü jiüpü shahhing dükpeih, hanangkü büpa mü lemphüli meishi nyuhampeih. Ngei nyingtuh shei epeyü ha nevaipü je shei Shembüpai enyüke.