MIKA 6:6 - DAÜLANGPÜ LAIHING (BSI)

⁶ Shembüpa touei ngei mehe yah-ei peijahenang? hatü mekei vangsho Kahvang kü aümei khümhenang? Ngei büpa touei jakpü moila, bong hük lompü mohoh cheha müei peihen hiang?

MIKA 6:6 Referans Kwoze

PHONGSHANTHÜ DOU 2:37

Mechem nanglakthüi ha danpa, jomei mong kü nyah, hatü jomi Peter hatü lebü phongshanthü kü, “Jeihinaüthü, hami mehe dükhenang?” shei phe.

MARK 5:7

hatü büpai üng mahshi lenei, “Nüngi ngei kü mehe dükphanüngang, Jisu, Chaipüba Kahvang Ha? Ngei Kahvang men kü khümnyeih, ngei kü teshüveipha” shei e.

MATHI 19:16

Hapheikü shennyak hük büpa touei peiyei, “Nyuhbü, vanyangyem danghen shingvaishi ngei mehe doumei dükhenang?” shei phe.

DANIEL 3:26

Hahepak kü Nebukadnezzari awbhaong shadenei heih-ei, “Shadrakh, Meshakh hatü Abednego, Jaipüba Kahvang chongphopüthü, vamkei hatü heihkei!” shei nyük. Hahepak kü Shadrakh, Meshakh hatü Abednego awbhaong leipü vamteke.

PHONGSHANTHÜ DOU 16:30

Hapheikü büpai jiji shakei ngaitü, “Longpü am, ngei yemleihen shingvaishi mehe dükhenang?” shei phe.

PHONGSHANTHÜ DOU 16:17

Mechem pinnyüi Paul hatü hamphong phei müpa, pinnyüi hamphongü Kahvang chongphobüthü khih; jomi am kü yemleipü lem baongnyu khih shei lenei eteke.

JOHAN 6:26

Jisui jomphong kü, “Hingmei mü ngei am kü enyeih, ammi nyangeihepü eepü nangkü ngei yemnyu nevai, shejao moh-ei hahhen dangpü nangkü ngei yemnyu khih.

LUK SHAHSHA APPÜ 10:25

Shan hük shahkung nyingbü hük Jisu kü dokhen yaong. “Nyuhbü, vanyangyem danghen shingvaishi ngei mehe dükhenang?” shei büpai phe.

DANIEL 5:21

Büpa hangku noknyü khong kübü changtük, hatü büpa kü yemhimakei thentoimongdang shuoh; büpa phaü gaduthü mü nyu, hatü mohoh kei phenha hah, hatü büpalei büm vangsho nyien kü haaishi, Jaipüba Kahvangü hangku ongching kü Jeiyong hatü büpai jepüthü kü hapa ongching shuohnyeih shei nyingei mangpei thahshi hapakei nyuhampeih.

DANIEL 5:18

Oh Ongpa, Jaipüba Kahvangi ampa Nebukadnezzar kü ongching hean, longhiong leihen müknyinshekhang lemphü shuohpeih.

DANIEL 4:9

Ngei eteke, “Oh Belteshazzar, thihivamthü khongkü longpüba, daülangpü kahvangthülei laangha nüng kü nyüke, hatü nüng shingvaishi shahjo nyinghenü wongpü nevai shei ngei nyingnyüpeih. Ngei manghpü mangh-ü ha khih. Ngei kü ha mangh tetei eshih.

MENVIH KESHO 95:6

Oh peikei, jeni aümei khümshah, jeni Shembüpa, jen Lingbü kü lashüh-i shüngei aümei khümshah!

MENVIH KESHO 22:29

Changmeipüthü peüi büpa kü khümhen, hatü yemmü nenyui kahmongei shüei nyupüthüi büpa kü aümei khümhen.

2 SAMUEL 21:3

Davidi Gibeon am kü, “Ngei am kü mehe dükphahenang? Ammi Shembüpalei nanglakthü kü moihimanphahen shingvaishi ngei mekeipü jiüteipaiteihen dou dükphahen ang?” shei phe.

MÜLANGPÜ 12:5

Ammi mi nevaijü yum yahhen aok, shejao hapayü vangbong hük lompü kawhikang neshiüpü chebaongha jetuh.

EPHESIA 3:14

Ha tata kü ngei Pa touei aümei shanyeih;

MARK 12:33

hatü mongdang kempai, danaokpü kempai, hatü wong kempai büpa kü bamhen, hatü laophülei chingyowpa kü laophü kü kei bamhenü moila hatü jakpü moilathü mao nyeinya shongnyü hih” shei e.

HEBREW 10:11

Nyihjeih ngongpai büpalei dousho düknyeih; büpai leiyei leiyei aihük jakpü moila shuohnyeih; hapai mang yah-ei nelüdaiaoknyih.

BHEI-IE 7:51

ha mü mohoh chebaongha hük, hatü mi chebaongha hük, hatü vangbong hük lompü mi cheha hük jakpü moila shuohhen koei pei;

1 SAMUEL 15:22

Samueli jangei e: “Shembüpalei ven bangpü kü mongongpü keiha Shembüpai jakpü moilathü kü mongongnyu je? Moila shuohpü meyü ven bangpü-üng meipüba, hatü mi cheü leimeyü kenhingpü-üng meipeih.

MENVIH KESHO 95:2

Menvih shuoh-ei jeni büpa nyushingei peishah; jeni büpa kü menvih kesho mü mongongpü ngeü anshah!

ISAIAH 40:16

Lebanon püthü kemei agjao moidülei jakhen nechangpih, nevaijü haleipü phaüyemthü peü thaijao Shembüpa kü jakpü moila shuohhen nechangpih.

JEREMIAH 6:20

Sheba leipü leipü ayingshü ngei shingvaishi mehe nadang, nevaijü tailu kahdok leipüyaangü mehe vaihen? Nüngei jakpü moila yahbenüng nevai, nevaijü nüngei moilathüyü ngei mongongbenüng nevai.

EZEKIEL 46:9

Mechem mohitapthü kü kahmük kübü nanglakthüi Shembüpa kü khümnüng peihenshang, khümpü tempheikü apsha lemei shüpüthüi pehe shaden lemei vamei daihen, pehe shaden lemei shüpüthüi apsha shaden lemei vamei daihen; jom shüpü lemeiüng vamei nedaihen, shejao jiüshangi she lemei vamei daihen.

HOSEA 5:6

Mechem jomi mi hatü mohohthü müei Shembüpa kü moilahen dainya, jomi büpa nedangnyu; Mehenangkü büpa jom toueipü lüdaiteke.

AMOS 5:22

Ammi ngei kü jakpü moilathü, hatü hahying moila shuohlangmao ngei hathü neyahhen. Ammi ngei kü mongjempü moila shuohhen nitshüpü yem yah-ei peiküjao ngei hathü neyahpih.

MÜLANGPÜ 23:15

Ngei am kü epükei am Ijip tuhtü daipü Abib len kü daw neshihpü aan mo motuh; mehenangkü nyih nyet mongkü ammi daw neshihpü aan mo hahtuh. Ngei touei moila neshiüi üpaiyao lakkong tepeikei.

MENVIH KESHO 116:12

Shembüpai lemphü mei dükpü kü ngei büpa kü mehe shemshuohhen?

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

KANDOK 21:3

Jakpü moila meyü mehe jiüpü, hatü shahhing nyüpa, ha dükhen-üng Shembüpa touei yahhübenüng nyüke.