MIKA 6:16 - DAÜLANGPÜ LAIHING (BSI)

¹⁶ Mehenangkü amphongi Omri ongpa, hatü büpalei cheha Ahab ongpa nyi-i dükbenüng douten dükpü nangkü ha vamkahen, hatü ammi jomei vanglem kü kamteke. Hanangkü ngei am mahtükhen, hatü peüi am yaktükhen. Jatli nanglak peüi am kü ne-ienelemi noteihen.”

MIKA 6:16 Referans Kwoze

JEREMIAH 51:51

“Ham veü pongteke, ham kü yaüteke, hatü veüpongi hamei dhe kü jümteke; mehenangkü kung ami Shembüpalei shem kü daülangpü shingthülei shüteke.”

JEREMIAH 7:24

Shejao jomi ha nebang, hatü jomei dhaong neshaang, shejao jomei mang mong vaanei jomi deihhahpü lem kü kam, hatü sheshalei nevai, ngaümphei lemei veipeih.

JEREMIAH 19:8

Ngei hapa chingnyü mangtükhen, hatü mihnyi yangnyai dou leitükhen; hapa shing peih-ei daipüthü peüi ha lomohpü eeyei nyemei deihhen.

ISAIAH 25:8

Büpai dipü den shingvaishi lühtükhen. Hahepak kü Shembüpa Kahvangi peüei mük kübümükphi thittükhen, hatü büpai kahdoknyü peü kübü laophülei nanglakthü lomohpü peü yahlanghen shei Shembüpai eteke.

MENVIH KESHO 44:13

Nüngi hamei chingyowthüi ham kü yaühen mü leihütükpeih; ham shonei nyupüthüi ham kü ne-ienelemhen mü leitükpeih.

SHAKEI VAMPÜ 2:20

Shejao ngei am khüei ha nyüpeih: Ammi hapa nyüha Jezebel, üpa pinnyü nyingi thibüla shei etü ngelei chongphobüthü kü mükbongjuyunghen hatü lajeithü kü moila shuohtükpü hahying hahhen nyuh-ei lemnyong kü mülang, ammi pinnyü hei-üng veishi tuhnyüke.

HOSEA 5:11

Ephraim amü tok vainyüke, shahphenpai nyonghüteke; Mehenangkü jom angkong kü sheühpü yemei longteiteke.

DANIEL 9:16

Oh Shembüpa, peihdaipü hepak kü nüngi dükpü daülangpü douthü keiha, nüngi Jerusalem chingnyü kü, nüngei daülangpü kahshang kü hamei mang hatü bühipa ami pungpü nangkü nüng mongshihpü yahlangshihma. Mehenangkü hami mang thahpü nangkü chingyowyüpi jatthü touei ham hai dangteke.

EZEKIEL 39:26

Jom nyemhühen üpayao neshiüi mechem hapa kahdok kü nyiushemmei kü nyuhenshang, jomi ngei touei veü pongpü hatü hingnelempü peü betükhen.

YOUNG LAI 5:1

Oh Shembüpa, ham mehe ponghahpa, ha deih-ei dangtuh; Ham kü veishih hatü ham lomohpü eelangshih.

JEREMIAH 25:9

ngei apshaphi leipü jatthü Babylon ongpa Nebukadnezzar, ngelei chongphobü, hapa kahdok hatü halei nyupüthü hatü ha kü shinei nyupü jatthü khüei müei peihen; ngei chemjalak kü hathü mahtükhen hatü jomü nyemhübenüng dou, eelanyongnya hatü nedohnetenpü veüpong leihühen.

ISAIAH 9:16

Hapa nanglak müpüthüi jom lem pungei mü, hatü jomi müei daipüthü peü ai mah-ei tuh.

MENVIH KESHO 1:1

Üami nemeipü shennyakthüi shahnying epü lem kü nemü, nevaijü mangthülei lem kü nekam, nevaijü mih kü yaüpülungpü khongkü neom, jom moihimanpü.

2 SHÜPPÜKENGPÜ 34:25

Mehenangkü jomphongi ngei yakphong hatü lebü kahvangthü kü moila shuohpai jomi dükpü doui ngei mongshih vamhüteke; ngelei mongshih hapa shing kü khüphühen hatü hapa nedohhen.

2 ONGPATHÜ 21:3

Büpai chepa Hezekiah-i mangtükpü vaümchongthü ne leiyei ling; büpai Baal kahvang kü khümhen moidüthü hatü Asherah lajeithü Israel ongpa Ahabi lingpükei ling. Büpai lithathü peü kü khüm.

2 ONGPATHÜ 16:3

shejao büpai Israel ongthülei lem kü kam. Lebü jatthüi dükteipü jiühitnalai vanglem keiha büpai laophülei hapeü aw kü jakei lajei kü moila shuoh. Hanangkü Israel am shekü Shembüpai hapa kahdok kübü jom changtükpeih.

1 ONGPATHÜ 18:4

Mechem Jezebeli Shembüpalei thibüthü jütükpa, Obadiah-i thibüthü kho hük müei daiyei yaongsha nyi kü pinyipüan baong shüshihtü jotük, hatü hahying shuohteke.)

1 ONGPATHÜ 9:8

Hapa Phopshemü nyüphinya yakshing kei leihen, hatü peihpü leihpü peüi yashanei naamnyi nyiyei, “Shembüpai hapa kahdok hatü hapa Phopshem kü mehekei hapakei dükshuohpa yo?” shei ehen.

JEREMIAH 25:18

Jerusalem hatü Judah jilathü, haleipü ong hatü lakchongbüthü, jom shinnyih nyupükei lavüngtoiyei leihühen, peüi yaüpülungpü, mihnyi pü, eelanyongnya dou hatü thaüvaüthemthe leihühen;

JEREMIAH 29:18

Ngei jom kü yan, münghishaü, hatü chamhilemi changhen, hatü melei ngei jom shomhen hatouei jomü kahdoknyü ongchingthü peü touei jiühitbenüng, thaüvaütükpü dou, nyembenüng, eelanyongnya leihühen;

HOSEA 12:14

Shejao Ephraim ami Shembüpa shahyaki mongshihhüteke; Hanangkü jomei Shembüpai jom iy-aongmashateipü mang jom shak kü tuhphonghen, hatü jomi büpa kü ne-ienelempü nanglei nyokei danghen.

MIKA 2:6

“Teteivanei chongtevenkei” “hathü dou nang tetpüvanpü te-ekei, meheyao hanghi nepeiküpih shei jomei thibüthüi enyüke.”

MIKA 6:13

Hanangkü ammei mang nangkü ngei am mahtükhen, hatü mahtükhen chongpangtepih.

2 SHÜPPÜKENGPÜ 22:4

Ahab am shemi dükpükei büpai Shembüpa touei mehe mang, ha dük; mehenangkü büpa lomohhen mü chepa didaipheikü jomphongü büpalei shahnying venbüthü leiteke.

MENVIH KESHO 44:14

Nüngi hamü jatthü touei shahlemlak kü shihhen mü leitük, hatü mih nanglak touei mihnyi pü leitükpeih.