MIKA 5:8 - DAÜLANGPÜ LAIHING (BSI)

⁸ Jakob nanglak aopüthüyü jatthü chi kü, nanglak longi chi kü, phaüyem chi kü mailang hük keiha; mithü khong kü mailang cheha kei jom kü laongei shükhen, hatü bhin mü bhin mü shaaktükhen, hatü üpaiyao jom neyanghen.

MIKA 5:8 Referans Kwoze

ZEKHARIAH 10:5

Jomphongü vehok kü hampathü kei nyuhen. Chingyangshong nyaühut kü vepathü nyeütükhen; jomi hokei koyei veshanthü neütükhen; Mehenangkü Shembüpa jom mü nyüke, hatü jomi koyei kü uopüthü veühühen.

MIKA 4:13

“Paotuh hatü shouptuh, Oh Zion nela; mehenangkü ngei nüng kü nyiamvaung yahphahen. Ngei nüng kü melangnyiam ladok shuohhen, hatü nüngi jatthü longi khih mü mangtükhen.” Jomi iy-aongmashaei dangpü mopthü nüngi kahdoknyü peü shak kü Shembüpa kü shuohtükhen.

ZEKHARIAH 12:3

Hapa nyih, mechem kahdoknyü jatthü peü pinnyü khüei thaihen, ngei Jerusalemü jat peü shing nejenlenpü yaongnyü hük leihühen. Üami ha nohen kheteihenshang, jom nyingi mangshi ma yahhen.

ZEKHARIAH 9:15

Jeiyong Shembüpalei inyüshungi jom yanghen, jomi nyeilah kü shoupei mangtükhen; Jomi nükchokyiümok am kei thepju kü lenhen, hatü vepathü iy yenhühen. Chilimji leipü iy moila shuohpü moidü touei langpükei yenkahen.

HOSEA 5:14

Mehenangkü ngeiyü Ephraim am tou kü mailang hük keiha, hatü Judah am touei mailang longpü kei nyuhen. Ngei jom khih mü shaaktüktü lüdaihen, Mechem ngei jom shüei daihen, üpaiyao jom neyangaokhen.

MENVIH KESHO 50:22

Ha deihtuh, am Kahvang betükpüthü, hei nevaijema üpaiyao yanghen neshiüi ngei khihmü shaaktükhen.

HEBREW 12:25

Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?

PHONGSHANTHÜ DOU 18:6

Shejao mechem Jehoda ami Paul khüei yaongei büpa kü nemei-i eshuohpa, büpai jom khüei büpai ashak leipü mag dheüei jomphong kü, “Ammei iy am shak kü nyutuh! Ngei mang nevai. Shaang mü leitü ngei Kung am touei daihen” shei e.

MATHI 10:14

Shemong hanei-i nevaijü ching am hanei-i am mongongshi neyahjema nevaijü ammei shah nebangjema am leidaishingkü jom shem nevaijü jom ching am kü ammei la kübü bhihla kaongtüktü leidaituh.

KAHBHAO 49:9

Judah-ü mailang kei yemhimak jüei jepei leinyüke, ngelei hapeü. Mailangi keiha lakhila temei lemnyüke, Mailang chebi kü keiha üpai büpa kü baokhen?

HEBREW 2:3

hajük longpü yemleipü yaktükjema jen mekei etü yanghen? Hapayü shongpü kü Shembüpa homei baong, hatü hapayü büpa leipü danpüthüi jiüpeih shei ham kü lekhünyüke.

BHEI-IE 24:9

Mailang keiha jom lemeileyei nyunyüke; mailang chenyüi keiha üpai jom phukaokhen? Üpai am moihimannya, jom kao moihimanhen, hatü üami am kü thaüvaühen, jom kao thaüvaühen.”

MENVIH KESHO 44:5

Nüng homei hamei vepathü hungei leitüknyeih; nüngei men homei hamei vepathü shouptüknyeih.

MENVIH KESHO 104:20

Nüngi vangnyak ling, hatü nyak kü phaüyemthü kemei het yemhah dainyeih.

KANDOK 30:30

Yem khongkü wong kohpeyü mailang, mepa kao nyemei nyokei neleinyih;

ISAIAH 5:29

Jomei ngeü mailang keiha, mailang cheha keiha jomi ngeü annyüke; jomi ngüngtü yemhathü yepnyüke, üpaiyao neyangaokhen mü jomi yah-ei lüdainyüke.

EZEKIEL 39:10

Jomi kah leipü pü nenahen nevaijü phaü leipü aghen napü neshiü; mehenangkü jomi vehok phunglang kaakei aw kü jakshi nyuhen; üami jom kü aeteishetepa, jomiyao ha am kü aeteishehen shei Shembüpa Kahvangi enyüke.

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

ZEKHARIAH 11:6

“Mehenangkü ngei hajük kü kahdoknyü kü nyupüthü kü nephahjipih, shei Shembüpai enyüke. Ngei jom peü jomei ongthülei lak kü lanei shuohtükhen. Ha ongthüi kahdok kü shüveihen hatü ngei jomei lakmong kübü hathü neyangpih.”

MALAKI 4:3

Ngei hathü dou dükpü nyih ammi nemeipüthü ammei labha phangkü kübhih leishi shouptükhen shei Shembüpa Kahvangi enyüke.

ZEKHARIAH 14:18

Ijip nanglakthü halei aongei hean neyahjema, jom kü vang nekeihen.Ashakshem Mo nemopü jatthü kü shuohpükei Shembüpai jomao hapa chami dihühen.