MIKA 5:7 - DAÜLANGPÜ LAIHING (BSI)

⁷ Jakob nanglak aopüthüyü shennyak longi khongkü Shembüpai shompü nyien kei nyuhen, hatü shennyak hangku danei nenyupü phenha shang kübü vanglah kei nyuhen.

MIKA 5:7 Referans Kwoze

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

SHAHKÜP 32:2

Ngelei nyuhpü venpü vang keiha keikahen, hatü ngelei shahthü nyien keiha vükahen. Ngelei shah-ü phenni kü vanglah haipükei, hatü sheili bhao kü vang keipü keiha nyukahen.

HOSEA 14:5

Ngei Israel am kü nyien kei nyuhen; büpa yangkheihchü kei punghen, Lebanon leipü cedar pü keiha büpa tünglang yiühen.

MENVIH KESHO 72:6

Ongpayü kah kü vang keipü keiha, hatü kahdok kü vanglah haipü keiha nyuhen.

ROM SHAHSHA APPÜ 10:20

Isaiah-i monglongshi enyüke: “Ngei neyempüthüi ngei dangteke; Ngei jung nephepüthü kü ngei shakei vamei huteke.”

ZEKHARIAH 14:8

Hapa nyih, Jerusalem kübü vanyangyem yunglok bhaoei yenkahen; hükkei shing heongphi yungching kü hatü hükkei shing heshüphi yungching kü cheihen; ünyü hepak kü kei shaonyü hepak kao chongkahen.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

JEREMIAH 14:22

Nüng nevaipheikü Oh Shembüpa, hamei Kahvang, lebü jatthülei lajeithüi vang keihüaokhen je? Nevaijü vangshothüi vanglah haihüaokhen je? Hami nüng kü monglemnyeih, mehenangkü ha dükpeyü nüng mon.

MENVIH KESHO 110:3

Daülangpü kahshangei nüngi nüngei veshanthü thepjulei deishingkü jom nyingi lanei shuohhen. Nepnüng dhom kübü nyien keiha nüngei nethe wong nyokei leikahen.

1 KORINT 3:6

Ngei sheipeih, Apollos-i yung shihpeih, shejao Kahvangi longhüpeih.

ROM SHAHSHA APPÜ 11:12

Shejao jom huluh shuohpai kahdoknyü shingvaishi moihiman vaijema, hatü jom lomohpai Kung am shing moihiman vaijema, jom peü omjü meshük longpü moihiman vaihen!

ROM SHAHSHA APPÜ 9:30

Shejema jeni mehe ehen? Kung am üami daülangshemshepü yemei nedai, hathüi hinglempai daülangshemshepü dangteke;

PHONGSHANTHÜ DOU 16:9

Yanüng Pauli manghkhang hük ee: Macedonia am shennyak hük yaongtü büpa kü khümei, “Macedonialei peikütuh hatü ham kü sheühshih” shei e.

PHONGSHANTHÜ DOU 13:46

Hahepak kü Paul hi Barnabas nyiphen mong longei e, “Kahvangei shah am kü shong ehen nadang vaipeih. Shejao ammi ha yaktüktü yangnyuyem danghen ham nechang shei am nyingi shahphenpü nangkü shaangü hami Kung am touei lüdainyeih.

PHONGSHANTHÜ DOU 11:15

Ngei shah enüng pangjü chongpangpülei jen kü bakpükei Laangha Daülangpü yiüei jom kao bakteke.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

AMOS 5:15

Ten kü jiühittuh, mei kü bamtuh. Shahphen shingei shahhing etuh. Jeiyong Shembüpa Kahvangi Josephei hühiha yemmü nyupüthü kü phahjihen.

JOEL 2:32

Shejao üami Shembüpalei men kü nyükhenshang yemleihen. Shembüpai epü keiha Zion Kahshang hatü Jerusalem kü yangpüthü nyuhen, hatü yangpüthüyü Shembüpai nyükpüthü nyukahen.

EZEKIEL 47:1

Hahepak kü büpai ngei phopshem shadenei müei dei; hapa phopshem shaden touei yung vamei phopshem heongphi lemei sha (phopshemü heong lemei meeshi shiüteke), hatü moidü pehephi kübü yung vamei phopshem shatüng pehephi phang leipü yung yenei shateke.

ISAIAH 66:19

Ngei jomphong kü nyangeihepü hük shuohhen, hatü jomphong khongkü hanei yangei nyupüthü Tarshish, Libya, hatü Lydia (lahhan meishi kap-aokpüthü), Tubal hatü Greek hatü ngelei men mangdanpü hatü ngelei müknyinshekhang mang-eepü tailu kahdokthülei ngei jomphong shomhen. Jomphongi ngelei müknyinshekhang jung jatthü kü baonghen.

ISAIAH 55:10

Vang hatü shü vangsho leipü vünyüpeih, hatü kahdoknyü kü yung shuoh-ei, pübong pungei betjük jükei, sheili haipüthü kü sheili shuoh-ei hahying mangshuoh thahshi nyokei neleipü keiha,

ISAIAH 32:15

Shejao shangphi leipü laangha ham kü khüpphahen, hatü bhih kahdok kemei kahcheü kohpü kahdok leihen, hatü hapayü yinghilong kei nyuhen.

SHAHPHENBÜTHÜ 6:36

Hahepak kü Gideoni Kahvang kü, “Israel am yanghen shingvaishi nüngi ngei noteihen hih shei epeih.

PHONGSHANTHÜ DOU 9:15

Shejao Shembüpai büpa kü, “Heihtuh, mehenangkü ngei büpayü Kung am, ongthü hatü Israel nanglakthü touei ngelei men nyinghühen shingvaishi ngei büpayü hadir hük vaishi jetepih.

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.

MIKA 5:8

Jakob nanglak aopüthüyü jatthü chi kü, nanglak longi chi kü, phaüyem chi kü mailang hük keiha; mithü khong kü mailang cheha kei jom kü laongei shükhen, hatü bhin mü bhin mü shaaktükhen, hatü üpaiyao jom neyanghen.

EZEKIEL 14:22

Shejao haleipü yangpüthü yeshang hatü yiükhathü haleipü yangei ngaihen. Jom am touei peikahen hatü ammi jomei dükhiling hatü douthü eehen, ngei Jerusalem kü shanghah vongshüh shuohpeyü jiüpü khih shei deihkahen.

2 SAMUEL 17:12

Hahepak kü-ang büpa melemei danghenshang yemhen, hatü kahdok kü nyien shükpükei jeni büpa kü laongei shükhen; büpa hatü büpa mü nyupüthü üpayao neyangaokhen.

MENVIH KESHO 133:3

Hapayü Hermon Kahshang kübü nyien Zion shangjing kü vüpükei nyüke. Mehenangkü halei Shembüpai büpalei moihiman, nedohnetenpü yangnyu yem shuohnyeih.

KANDOK 19:12

Ongpa hük mongshihpeyü mailang hük mongshihpükei nyüke; shejao büpalei phahjiyü phenni shang kübü nyien kei nyüke.

DANIEL 11:32

Büpai yawh-eiyangei vangpüshuwpü nebangpüthü leipü sheühpü yahhen, shejao Kahvang kü wong kohshi vaipüthüi büpa mü hokhen.

MIKA 4:7

Ngei lakkholanothü aopü shennyak vaihühen, hatü changtükpü shennyakthüi wong kohpüjat hük linghen. Shembüpai jom shak kü hapa nyih kübü hüdenhalenshi vanglem lemhen.

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

EZEKIEL 5:5

Shembüpai hapakei enyüke: Jatthü peü jiam kü hatü kahmükthüi shonei yahtü ngei chonglingei tuhpeyü Jerusalem ha hih.

MIKA 4:13

“Paotuh hatü shouptuh, Oh Zion nela; mehenangkü ngei nüng kü nyiamvaung yahphahen. Ngei nüng kü melangnyiam ladok shuohhen, hatü nüngi jatthü longi khih mü mangtükhen.” Jomi iy-aongmashaei dangpü mopthü nüngi kahdoknyü peü shak kü Shembüpa kü shuohtükhen.

ZEKHARIAH 9:13

Ngei Judah am vunglah kei küpeih, hatü Ephraim am lahhan kei nopeih. Ngei Zion shennyakthü hampalei yanlu kei lingtü Greek am khüei hokhühen.