MIKA 5:4 - DAÜLANGPÜ LAIHING (BSI)

⁴ Mechem büpa peihenshang, Shembüpalei wong kü, hatü Shembüpa, büpalei Kahvang müknyinshekhang men kü büpai laophülei mithü haümhen, hatü jom yangei nyuhen; mehenangkü büpa kahdoknyü dohpü ngoishi longpü vaihen,

MIKA 5:4 Referans Kwoze

MIKA 7:14

Nüngei lenshuoh-i nüngei nanglak mithü, nüngei mükjüp mi khong haümtuh. Jom yingnyü yingmongei paüeiyonei lüdaijao, jom shonei phenha vunglak nyüke. Peihdaipü aivang nyih kü keiha, jomphong Bashan hatü Gilead phenni üh-ei haümtuh.

LUK SHAHSHA APPÜ 1:32

Büpayü longpü nyuhen hatü büpayü Chaipübalei Ha shei nyükhen, hatü Shembüpa Kahvangi büpa kü chebü Davidei ong uoshing shuohhen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

JUD SHAHSHA APPÜ 1:1

Jud, Jisu Khristalei chongphobü hatü Jakobei chenaü, Nyüklangpüthü, hatü Pa Kahvangi bampüthü hatü Jisu Khristai yangei tuhpüthü touei,

EPHESIA 1:3

Jen kü vangsho nyuichingei Khrista kü lemphü laangha moihiman shuohpü Kahvang hatü Shembüpa Jisu Khristalei Pa men longtuh.

JOHAN 20:17

Jisui pinnyü kü, “Nüngi ngei kü laki tedükpha; mehenangkü ngei Opa touei mangaongpih. Shejao ngelei jeihinaüthü touei daiyei jomphong kü, ‘Ngei ngelei Opa hatü ammei Pa, hatü ngelei Kahvang hatü ammei Kahvang touei aongdainyuja’ shei etuh” shei eteke.

JOHAN 10:38

Shejao ngei hathü dükjema, ammi ngei kü hingnelemjao dou kü hinglemtuh, shejüang Pa ngei kü nyüke, hatü ngei Pa kü nyüke shei ammi nyinghen hatü danaokhen” shei e.

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

MATHI 16:18

Hatü ngei nüng kü enyeih, nüngü Peter, hatü ha yaong shangkü ngei ngelei attoi linghen, hatü yimching peshadeni ha khüei neyaongaokpih.

MATHI 2:6

“Nüng, Judah kahdok kü nyupü Bethlehem, Judah am longhivang khongkü nüng mekei etao maanpü nevai; mehenangkü nüng kübü, ngelei Israel nanglak mi yomhen vanglem lembü hük vamhühen.”

ZEKHARIAH 9:10

Ngei Ephraim leipü koyei kharithü, hatü Jerusalem leipü vehok koyeithü yahlanghen, hatü vehok phunglang mangtükhen shei Shembüpai enyüke. Büpai jatlithü kü chingmeivangmei baonghen; Büpa vanglem lempü yungching kübü yungching ngoishi, hatü Euphrates yungyen kübü kahdok dohpü ngoishi nyuhen.

ISAIAH 52:13

Veituh, ngelei chongphobüi kon kohshi dükkahen; Büpayü longei shangei anshihhen, hatü dhüm longi shuohhen.

ISAIAH 49:5

Shaang Shembüpa, üpai ngei vom mongei nyushi büpa chongphohen, büpa touei Jakob am phang müei leihen, hatü Israel am thailanghen jepa, büpai enyüke. Mehenangkü Shembüpalei müki eeshi ngei kü dhüm shuoh, hatü ngelei Kahvangü ngelei wong nyüpeih.

MENVIH KESHO 145:12

shejüang shennyak peüi nüngei wong kohpü douthü, hatü nüngei ongching müknyinshekhang nethe meipü jung ehen.

MENVIH KESHO 98:3

Büpai Israel phangkü bampü, hatü shahhing epü deih-ei dangteke. Jenei Kahvangi aokpü dangpü kahdoknyü peüi eeteke.

MENVIH KESHO 93:1

Shembüpayü ongpa, büpayü müknyinshekhang, hatü wongi maei nyüke. Büpai kahdoknyü lingteke, hatü ha nechaidaihen.

MENVIH KESHO 72:19

Büpalei müknyinshekhang men den kü moihimantuh; büpalei müknyinshekhangi kahdoknyü peü mahütuh, Amen, Amen.

MENVIH KESHO 72:8

Büpa vanglem lempü yungching kübü yungching thahshi, hatü Euphrates yungyen kübü kahdok dohpü ngoishi nyuhen.

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

MÜLANGPÜ 23:21

Ammi kenhingei büpai epü kü bangtuh; ammi büpa khüei teyaong; mehenangkü “Ngelei Men” büpa kü nyupü nangkü büpai henüng keipü mang netükphahen.

ISAIAH 52:10

Shembüpai büpalei daülangpü lak jatthü peüei müki eeshi laiteke; hatü kahdoknyü dohpü peüei jenei Kahvang yemleipü eehen.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

MALAKI 1:5

Ammei müki lekei ha eehen, hatü ammi, ‘Shembüpayü Israel amei viong peih-eiyao ong khih’ ” shei ehen.

ISAIAH 8:7

Shembüpai jom khüei Euphrates yungnyü büng keiha Assyria ongpa mü büpalei veshanthü müei peihen; hapayü yunglemthü peü linei yungphaang küpei longhen;