MIKA 5:2 - DAÜLANGPÜ LAIHING (BSI)

² Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

MIKA 5:2 Referans Kwoze

MATHI 2:6

“Nüng, Judah kahdok kü nyupü Bethlehem, Judah am longhivang khongkü nüng mekei etao maanpü nevai; mehenangkü nüng kübü, ngelei Israel nanglak mi yomhen vanglem lembü hük vamhühen.”

JOHAN 7:42

Laihingi Messiahyü David am phang kübü, hatü David nyupü Bethlehem kübü vamhen shei eyei nenyupü je?

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

ISAIAH 11:1

Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

KOLOSI 1:17

Büpa laophü nying douthü peü shekü nyu, hatü büpa kü douthü peü chemi shoungei nyüke.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

1 SAMUEL 17:12

Shaang Davidü Judah kahdok Bethlehem leipü Ephrath am Jesselei cheha nyu. Büpa hapeü jom shet nyu. Hahepak kü Saul-ü ong nyu hatü longi viüdaitü nyu.

KAHBHAO 48:7

Ngei mechem Paddan leipü peipa, Rachelü Kanan kahdok lemei Ephrah ngoihen maani taishi nyushi mongkü tüngshi didaipeih, hatü ngei pinnyü Ephrathlei (hayü Bethlehem) aongpü lemei vüphongpeih” shei eteke.

1 JOHAN 1:1

Yangnyu shah nang mehe chongpangpülei nyu, mehe hami dan, mehe hamei müki ee, mehe kü hami vei, hatü mehe kü hamei laki dük, ha jung hami am kü baongnyeih.

HEBREW 13:8

Jisu Khristayü menyih, shinnyih hatü düngei hükkei khan.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

RUTH 4:11

Hahepak kü mübüthü hatü peshadenei uopüthüi, “Hami hapa kü denpü shuohnyeih. Nüngei shemei peiküpü nyühayü Israel kü nanglak longi dahüpü Rachel hatü Leah nyi kei Shembüpai nyemleihü. Nüngü Ephrathah kü moihiman kohpü hatü Bethlehem kü men-e nyemleima.

KAHBHAO 35:19

Hanangkü Rachel di, hatü pinnyü Ephrahlei (hapayü Bethlehem) aongpü lemei vüphong,

HEBREW 7:14

Mehenangkü jenei Shembüpayü Judah jat kübü pei, hatü ha jat nangkü Mosai ngongpathü nang meheyao eyei neshiü.

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

JEREMIAH 30:21

Jomei mübü jom khong kübü nyuhen, jomei vanglem lembü jom kübü vamhen. Ngei büpa yopailei heihhen, hatü büpa ngei ngoiyei heihhen, ngei nenyükpü kü ngei touei üpa heihaokhen? shei Shembüpai enyüke.

ISAIAH 53:2

Büpayü Shembüpa touei sheili pü hük keiha, hatü kahvan kü nyem phaatpükei longpeih. Jeni büpa kü mük shahhen mü, nevaijü jeni lümhen mü büpa kü meheyao dhemeilaüma, nevaijü bethünghangbong neshiü.

1 SAMUEL 10:19

Shejao shinnyih ammi am vongshühthü hatü shanghahthü peü kübü yangpü Kahvang yakphongtü, ‘Ham kü ong hük yahshih’ shei yiüteke. Hanangkü shaang amphong laophü laophü jat hatü mükhiphang aimü Shembüpa touei thaituh” shei e.

LUK SHAHSHA APPÜ 23:38

Büpa dok kü hapa shah nyangtü khaümteke: “Hapayü Jehoda amei Ongpa.”

LUK SHAHSHA APPÜ 23:2

Jomi büpa kü thaüvaüei, “Hapa shennyaki hamei jat nyongnyongi leitükteke. Büpai ongpa kü lat teshuoh, büpapa Messiah, ongpa hih shei ehahteke” shei e.

1 SHÜPPÜKENGPÜ 5:2

hatü Judah amao jeihinaüthü khongkü wong kohpüba hatü vanglem lempü jom kübü vamjao jeiyongpa heanü Joseph kü shuohtükpeih.”

1 SHÜPPÜKENGPÜ 4:4

Penuel-ü Gedorlei chepa, hatü Ezer-ü Hushahlei chepa nyu. Hathüyü Bethlehemei chepa Ephrathahlei hashongpa Hurlei hühihathü.

MÜLANGPÜ 18:21

Shejao nanglakthü khong kübü dou aokhen shennyak hanei Kahvang nyempü, monglemaokpü, shahshem nanglei kü jiühitpü shennyak jetuh, hatü hapa shennyakthüi haja shak kü, kho shak kü, pinyipüan shak kü, hatü an shak kü lakchongbü vaiyei tuhtuh.

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

SHAKEI VAMPÜ 2:8

Smyrna kübü attoi leipü phongshan kü nyangtuh: Hathüyü chongpangpü hatü dohpü, üpa di hatü yangei lei, büpalei shahthü:

MENVIH KESHO 132:6

Hami Ephrathahlei ha danpeih; hami ha Jaar kahthülei dangpeih.

1 SHÜPPÜKENGPÜ 2:54

Salmalei hühihathü: Bethlehem, Netophath, Atroth-beth-joab, hatü Manahath am mü sheishowpü Zor am phang nyu.

1 SAMUEL 23:23

Büpa joteipü shing meishi yemei nyingkei hatü hapa jung lekei shahjang koei peikei. Hapheiküang ngei nüng mü daihen, hatü büpa hapa moidoi mongei nyuküjema, Judah am haja nyupüthü khong kao büpa yemhen” shei e.

1 SAMUEL 17:18

hatü shao jomphongei mübü kü hapa amma cheüi lingpü aan deiyei shuohtuh. Anjeihijei am mekei nyuei dainya ha nyangeihepü lemhük jomphong leipü yah-ei leikei” shei e.

SHAHKÜP 1:15

Hanangkü ngei ammei jat kübü kon kohpü, nyingpü shennyak yah-ei am shak kü vanglem lemhen jepeih. Hanei-i haja shak kü, hanei-i kho shak kü, hanei-i pinyipüan shak kü, hatü hanei-i an shak kü mübü vaihen jepeih.

1 SAMUEL 8:12

Büpai jom hanei haja shak kü mübü, pinyipüan shak kü mübü, hatü lebüthüyü büpalei kah lingei, hatü hah vethen, hatü nedoh-i haneiyü büpalei vehok phunglang vaihühen hatü büpalei koyei khari kü hadir vaihen.

MÜLANGPÜ 18:25

Mosai Israel am khong kübü dou aokhen shennyakthü jeyei nanglak haja shak kü, kho shak kü, pinyipüan shak kü, hatü an shak kü mübü vaiyei tuh.

MATHI 2:1

Herod ong vaipü hepak kü Judea kahdok Bethlehemei Jisu bühphei kü heongphi leipü nahpülangpü shennyakthü Jerusalemei,

KAHBHAO 35:16

Hapheikü nedoh-i jomphong Bethel leipü dai, hatü jomphong Ephrah leipü maani yanei daiyei nyushingkü Rachelü hapeü anghen tüngei nyu.

SHAHPHENBÜTHÜ 17:7

Hahepak kü Judah kahdok Bethlehem kü Judah am phang nethe hük nyu. Büpayü halei nyupü Levi am nyuteke.

RUTH 1:1

Shahphenbüthüi vanglem lempü nyih kü kahmük kü münghishaü hük pei, hatü Judah kahdok Bethlehem leipü shennyak hük chenyüha hatü cheha yeshang nyi mütü kansho hük shing Moab kahdokei nyunüng dai.

ISAIAH 55:4

Veituh, ngei büpayü nanglakthü kü denbü hük, hatü nanglakthü shing mübü hük leihüpeih.

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

ZEKHARIAH 13:7

“Paotuh, Oh yanlu, ngelei dou dükpü mi yombüthü khüei” shei Jeiyong Shembüpai enyüke. Mi yombü kü bheituh, hatü mithü nyaidaiphahen; Ngei ngelei lak nanglakthü khüei nohen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

MIKA 4:10

Oh Zion nela, nyü hüki moi paishingkü tüngpü kü kei lepeilükei theptuh; Mehenangkü shaang nüng chingnyü tuhtü koshoya kü tapshaü shaüei nyunüng daihen. Nüng Babylonei daihen, halei Shembüpai nüng yangei tuhhen. Halei Shembüpai vepalei lak kübü nüng anglanghen.