MIKA 4:8 - DAÜLANGPÜ LAIHING (BSI)

⁸ Nüng shingvaishi, Oh Miyomdü, Oh Zion nela wong dangshing kahshang, Meyangpü vanglem lempü ongching hean nüng kü nyokei yahphahen; Jerusalem nela kü longvai ong vaihen hean peikahen.

MIKA 4:8 Referans Kwoze

ISAIAH 1:26

Sheleipü keiha ngei am kü shahphenbüthü, hatü chongpangpü nyihthü kü keiha shahnying venbüthü nyokei yahphahen. Hapheikü am kü Daülangshemshepü Chingnyü, Monglemaokpü Chingnyü shei nyükhen.

ZEKHARIAH 9:10

Ngei Ephraim leipü koyei kharithü, hatü Jerusalem leipü vehok koyeithü yahlanghen, hatü vehok phunglang mangtükhen shei Shembüpai enyüke. Büpai jatlithü kü chingmeivangmei baonghen; Büpa vanglem lempü yungching kübü yungching ngoishi, hatü Euphrates yungyen kübü kahdok dohpü ngoishi nyuhen.

SHAKEI VAMPÜ 22:5

Halei vangnyak lanshei neshiü; jomi awdük vangngai nevaijü vanghe vangngai napü neshiü; mehenangkü Shembüpa Kahvangü jomei vangngai, hatü jom den den kü vanglem lemhen.

ZEKHARIAH 9:12

Oh monglemlem shei wüpküpei yepei küpshi nyupüthü, am yangshing yemei leituh; Ngei shaang, am kü enyüpeih, ammi ponghahpü peü shingvaishi ngei shing nyi nyokei moihimanphahen.

OBADIAH 1:21

Yangpüthüi Edom kü vanglem lemhen shingvaishi Zion kahshangei aonghen, hatü ongchingü Shembüpalei nyukahen.

KAHBHAO 35:21

Israel nedoh-i dai, hatü Eder shangdü haolei ashakshem veteke.

EPHESIA 1:21

hapayü shahkung hatü vanglem lempü, ngan hatü ongching peü shak kü hatü men menpü lemphü shak kü hapa den kü mon nevai, shejao ngoikahen den kao ha shuohpeih.

MARK 12:1

Hapheikü büpai jomphong kü shahlap ehen chongpang. Shennyak hük nyalingngupai kah lingtü ha kü pe shinei show, hatü ngümhen kahsha sho, hatü shangdü hük dak; hapheikü büpai ha kah phuoei lingpü am kü phuophongtü lebü kahmükei lüdai.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

2 SAMUEL 5:7

Davidi Zion penyüsha omei yah, hatü hapa kü shaang David Chingnyü shei nyüknyüke.

BHEI-IE 24:19

Jakob kübü vanglem lembü hük vamkahen, hatü nemah-i aopüthüao li hümei mahtükhen.”

MATHI 21:33

Lebü shahlap hük bangtuh. Kah shembü hük nyalingngupai sheitü nyu. Ha shinei pe show, hatü yiü ngümshing lingtü halei shangdü vetüktü nyu. Hapheikü büpai ha kah phuoei shapü am kü phuoei shuohtü tailu kahmükei lüdai.

DANIEL 7:18

Shejao Jaipüba Kahvangei nanglakthüi hapa ongching yah-ei den dok kü den jom lompü vailanghen.”

ISAIAH 5:2

Büpai kahdok shotü yaongphaang peü yaktüktü peü mü meipü nyalingngupai sheiphong. Büpai hapa jiam kü shangdü hük dak, hatü nyalingngupai jiü bhithen shingao ling. Büpai halei nyalingngupai jükjahen shei ongyang, shejao phaü ngupai jükteke.

ISAIAH 10:32

Shinnyih jom Nob chingei paümhen, jomi Zion nelalei kahshang kü, hatü Jerusalem kahshangei jomi laklok huhen.

MENVIH KESHO 48:3

Kahvangü pinnyülei chingthülei nyüke, büpa laophü nyingi penyüsha kei nyüke.

MENVIH KESHO 61:3

Mehenangkü nüng ngelei loishing; vepathü khüei wong kohpü shangdü nyuhampeih.

MIKA 2:12

Shejao, Oh Israel, ngei hingmei am peü thailanghen, Ngei hingmei-üng Israel am aoei nyupüthü peü chemi thailanghen. Mi khaok kü mi thaiyei tuhpükei, ammei kahdok ngelei nanglaki maei nyuhen.

NEHEMIAH 3:25

hatü Uzailei cheha Palal-i ha kü dheanei bham nyokei leipü baong hatü veshanthülei shem yopai leipü dokpa ongshem toueipü shangdü thahshi ling. Büpa kü dheanei Paroshlei cheha Pedaiah,

MENVIH KESHO 24:7

Ngangei veituh, Oh penyüshathü, aivang mebü shadenthü aptükkemtuh, müknyinshekhangpü ongpa peikahen.

SOLOMONEI KESHO 4:4

Nüngei üngü nyülüki vepü Davidei shangdü kei shüke; Hapa kü veshanthülei ii haja haja ngennyüke.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.