MIKA 4:4 - DAÜLANGPÜ LAIHING (BSI)

⁴ Shejao shennyak peüi laophülei nyalingngupai, hatü laophülei adhapü dhüm phangkü uohen, hatü üpaiyao jom nenyemhühen; Mehenangkü Jeiyong Shembüpai lah-ei eteke.

MIKA 4:4 Referans Kwoze

ZEKHARIAH 3:10

Hapa nyih am peüi laophülei chingyow kü laophü laophülei nyalingngupai hatü adhapü phangkü uohen thongteihen shei Jeiyong Shembüpai enyüke.”

1 ONGPATHÜ 4:25

Solomonei den kemei kü Judah hatü Israel am kemei Dan kübü Beer-sheba thahshi peüi lakbowlayangei laophü laophülei nyalingngupai hatü adhapüthü phangkü nyu.

EZEKIEL 39:26

Jom nyemhühen üpayao neshiüi mechem hapa kahdok kü nyiushemmei kü nyuhenshang, jomi ngei touei veü pongpü hatü hingnelempü peü betükhen.

ISAIAH 1:20

Shejao amphongi ha yaktüktü ngei khüei yaongjema, amphong mih-ei yannah-i mahhen.’ Mehenangkü Shembüpalei jui ha eteke.

ISAIAH 54:14

Daülangshemshepü kü am chonglingei nyuhen; shüveidoidei am toueipü taishi lüdaihen, am nenyemhen, nehanhen, mehenangkü hapayü am yopailei nepeikahen.

EZEKIEL 34:28

Hajük kü lebü jatthüi jom kü aeteisheyei nedükhen, nevaijü meishih nyahmangi jom nehahhen; jomphong nenyemi hüshemei nyuhen, hatü üpaiyao jom nenyemhühen.

ISAIAH 58:14

Shembüpa kü ammi mongongpü danghen, hatü kahdoknyü peü shak kü am kü dhüm shuohhen, hatü ambü Jakob kü ngei shuohpü mükjüp monghamshi noteihen shei Shembüpalei ju kübü ha eteke.

ISAIAH 40:5

Hahepak kü Shembüpalei müknyinshekhang shakei vamkahen, hatü hangkuli peüi hapa eehen; mehenangkü Shembüpalei ju kübü ha vamei eteke.’ ”

EZEKIEL 38:11

“Ngei pe neshowpü chingthü hahhen; ngei chingmeivangmei kü pe neshow, penyüsha nelingi nyupü shennyakthü hahhen” shei ammi ehen,

EZEKIEL 34:25

Ngei jom mü chingmeivangmei vangpüshuwpü linghen, hatü meishih nyahmang peü changtükhen; shejüang jomphong bhih kahdokei nyuhen hatü hüshemei phaülei shiyeichonghen.

ISAIAH 26:16

Oh Shembüpa, shanghahpü nangkü jomi nüng yemteke; mechem nüngi jom kü lohshuohpa, jomi nümei dangkao phopnyüke.

LEVI 26:6

Ngei ammei kahdok kü chingmeivangmei shuohhen hatü am lakbowlayangei nyuhen; üpaiyao am nenyemhühen: Ngei kahdok kübü meishih nyahmang nüngtükhen hatü ammei kahdok kü vehok nevamhühen.

JOB SHAHSHA APPÜ 11:19

Nüng doeile-i lemhen, üpaiyao nüng nenyemhühen; hatü longshi shingi nüng khüambakei yaongkahen.

MENVIH KESHO 72:3

Kahdokei nanglakthü shing mophimo vamhühen, hatü daülangshemshepü nyingei peihen.

ISAIAH 17:2

Aroer chingnyü-ü den kü lavüngtoiyei tuhhen; Üpa kao nenyemi yemhimakthüi lemlemleyei het hahshing leidaihen.

ISAIAH 22:25

Shembüpa, Jeiyong Kahvangi, “Hapa nyih kü meipü shingkü phaak meipü haongpükei nyupeyü juwdaihen, hatü laamdaihen, hatü hapa kü sheüpü hanggovih hajük kü dohpü vaihen” shei eteke.

ISAIAH 36:16

Hezekiah-i epü kü tebang. Assyria ongpai hapakei enyüke: Ngei mü chingmei lingtuh, hatü ngei touei peikei, shejüang peüi laophülei nyalingngupai kah leipü nyalingngupai, hatü adhajük hahhen, hatü laophülei yungkuk leipü yung yingaokhen.

JEREMIAH 30:10

“Hanangkü nüng tenyem, Oh ngelei chongphobü Jakob; nüng tehan, Oh Israel shei Shembüpai enyüke. Mehenangkü ngei tailu leipü am yanghen, hatü jom wüpküpei nyupü kahdok leipü ammei hühihathü yanglanghen. Shao Jakobü chingmeivangmei nyiushemmei nyuhen, hatü üpaiyao jom nenyemhühen.

1 ONGPATHÜ 5:5

Shembüpai ngelei opa David kü, ‘Anha, üpai nüngei ong uoshing kü jeiyei uohen, büpai ngelei men kü Phopshem hük vehen shei epükei, ngei Shembüpa ngelei Kahvangei men kü Phopshem hük vehen shei deihnyüke.

KANDOK 3:25

Ngangahük kü nüng lomohhen khih shei tenyem, nevaijü nemeipüthü kü sheüpü vanglükten kü tehan;

ISAIAH 32:17

Daülangpülei betjükü chingmei, hatü hapa homei vampü nangleiyü chingmei hatü den kü monglemteipü nyuhen.

JEREMIAH 23:4

Ngei jom haümhen mi yombüthü tuhhen, hatü jom hajük kü nenyemhen nevaijü nehanhen, nevaijü nemahnechahhen” shei Shembüpai enyüke.

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

ZEPHANIAH 3:13

Aopü Israel ami nejiüpü nedükhen; jomi shahshem ne-ehen; nevaijü jomei ju kübü lueilemei ne-ehen. Jomphong hüshemshi hahyinghen, hatü üpaiyao jom nenyemhühen.