MIKA 4:3 - DAÜLANGPÜ LAIHING (BSI)

³ Büpai nanglak hi nanglak aa kü shahphenhen, hatü bahiyang kübü wong kohpü jatthülei mophicheü dohhühen. Jomei yanlu hanshong vaiyei shüklanghen, hatü jomei phungi thüng japteipü ajap shüklanghen. Jat hi jat khüei yan nenohen, nevaijü jomi hajük kü hokhen ve-ow netemhen.

MIKA 4:3 Referans Kwoze

ISAIAH 2:4

Büpai longpü jatthü aa kübü shah phenhen, hatü nanglakthü depülaopü dohhühen. Jomi jomei yanluthü hanshong vaiyei penglanghen, hatü jomei phungthü ajap vaiyei juplanghen. Jat hüki hük khüei nehokhen; hajük kü hokhen netemhen.

HOSEA 2:18

Hapa nyih kü ngei am shingvaishi phaüyemthü mü, shangouthü mü kahshak kahmongei nyupü yemhimakthü mü ngei vangeishuwhen. Am yangyangphangei hüshemei nyuhen shingvaishi ngei kahdok kübü vehok phunglang hatü vehok mahtükhen.

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

ISAIAH 65:25

Shuw hatü mi cheha nyi chemi het hahhen, mailangiyao mohoh-i keiha hahtang hahhen; shejao biüei hahyingü bhihla nyuhen. Ngelei daülangpü Zion Kahshangei jom hüki hük kü neketteihen, nevaijü nejüteihen shei Shembüpai enyüke.

MENVIH KESHO 98:9

Jomi Shembüpa touei kesho lokhütuh; mehenangkü büpai kahdoknyü kü shahphenhen peikünyüke. Büpa daülangshemshepai kahdoknyü, hatü shahhingi nanglakthülei shahphenhen.

MENVIH KESHO 96:13

Büpa peikünyüke, büpai kahdoknyü shahphenhen peikünyüke shei jomi Shembüpa kü lokhen. Büpa daülangshemshepai kahdoknyü hatü shahhingi nanglakthülei shahphenhen.

SHAKEI VAMPÜ 19:11

Hapheikü ngei vangsho aptüktü ee, hatü halei koyei shola hük nyuteke. Hapalei uopüba keyü Monglemaokpü hatü Hingshangpü shei nyük. Büpai shahhingi shahphennyeih hatü vehok hoknyeih.

ZEKHARIAH 14:3

Hahepak kü peihdaipü nyihthü kü kei Shembüpa daiyei hapa jatthü khüei hokhen.

ZEKHARIAH 9:10

Ngei Ephraim leipü koyei kharithü, hatü Jerusalem leipü vehok koyeithü yahlanghen, hatü vehok phunglang mangtükhen shei Shembüpai enyüke. Büpai jatlithü kü chingmeivangmei baonghen; Büpa vanglem lempü yungching kübü yungching ngoishi, hatü Euphrates yungyen kübü kahdok dohpü ngoishi nyuhen.

MIKA 5:15

Ngei mongshih anpai ngei epü venlepü jatlithü kü bhüh yemhen.”

JOEL 3:2

Ngei jatthü peü thaihen, hatü Shahphenpü Kahjilei müei deihen. Halei jomi ngelei nanglakthü khüei lemphü nemeipü dükpü nangkü ngei jom kü shahphenhen; Mehenangkü jomi ngelei nanglakthü jatthü touei haitükpeih, hatü ngelei kahdok hantükpeih.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

ISAIAH 60:12

Mepa jat nevaijü ongchingi am chongnephohenshang mahhen; hathü jatthüyü chemjalak kü mangtükhen.

ISAIAH 51:5

Ngelei yemleipü shülangi yopailei koei peikahen, ngelei yemleipü peikünyüke, hatü shahhingi ngelei laki jatthü kü shahhingi vanglem lemhen; Yungkungei nyupü kahmükthüi ngei om veihen, ngelei laki jom yangshuohhen shei monglemei dannyüke.

ISAIAH 25:3

Hanangkü wong kohpü shennyakthüi nüng kü dhüm shuohhen, phai kü netüngpü jatthülei chingnyüthüi nüng kü nyemhen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 82:8

Paotuh, Oh Kahvang, kahdoknyü kü shahphentuh; mehenangkü jatthü peü nüngei!

MENVIH KESHO 72:7

Büpalei den kü daülangshemshepü daei daihen, hatü lennyü vangngai mangmet thahshi chingmeivangmei bhashahshi nyuhen.

MENVIH KESHO 46:9

Büpai kahdoknyü dohpü thahshi vehok dohtükhünyeih; büpai lahhilaong bhagtüknyeih, phunghilang mangtüknyeih, hatü inyüshungthü aw kü jaktüknyeih.

1 SAMUEL 2:10

Üami Shembüpa khüei yaongnya lomohhen. Büpai jom khüei vangsho leipü vangmuk khunghen; Shembüpai kahdok junghijang ngoishi shahphenhen. Büpai laophülei ong kü wong shuohhen, hatü laophüi thiteiphuei jepü kü ngan shuohhen.

MENVIH KESHO 72:3

Kahdokei nanglakthü shing mophimo vamhühen, hatü daülangshemshepü nyingei peihen.

ZEKHARIAH 8:20

Jeiyong Shembüpai hapakei enyüke: “Shennyakthü longi hatü chingnyüthü kü nyupüthü longi peikahen;

MENVIH KESHO 46:10

Nenmü nyutuh, hatü ngeiyü Kahvang shei nyingtuh! Ngeiyü jatthü khongkü longei anshihhen, ngeiyü kahdoknyü kü longei anshihhen.

HOSEA 2:20

Ngei nüng monglempü kü ngelei nyüha vailanghen, hatü nüngi ngeiyü Shembüpa shei nyinghen.