MIKA 4:13 - DAÜLANGPÜ LAIHING (BSI)

¹³ “Paotuh hatü shouptuh, Oh Zion nela; mehenangkü ngei nüng kü nyiamvaung yahphahen. Ngei nüng kü melangnyiam ladok shuohhen, hatü nüngi jatthü longi khih mü mangtükhen.” Jomi iy-aongmashaei dangpü mopthü nüngi kahdoknyü peü shak kü Shembüpa kü shuohtükhen.

MIKA 4:13 Referans Kwoze

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

ISAIAH 23:18

Pinnyülei dounyünangba hatü latpü lop kemei Shembüpa kü lanei shuohhen; jomi hapa jaoei netuhhen, shejao Shembüpa chongphopüthü shingvaishi hahying hatü ashakviha shakhen nangkü hapa mop noteihen.

ISAIAH 18:7

Hahepak kü bümhishao meipü, hangbong meipü, kuhhishong peüi nyempü shennyakthü, wong kohpü hatü mih neüpü jat, hatü Jeiyong Shembüpalei men nyushing Zion Kahshang mü yungyenthüi mon aatü nyupü kahdok leipü thintho longi Jeiyong Shembüpa touei koei leihen.

1 KORINT 16:2

Hatyang kü shongpü nyih kü am peüi laophü kü peipü ittü lop yowei tuhtuh; shejüang ngei peishingkü lop nethaihen.

ZEKHARIAH 6:5

Hapa phongshani, “Hathüyü kahdoknyü peü shak kü Shembüpa touei nyupü vamei daiküpü vangsho laangha ali khih” shei ngei kü e.

ZEKHARIAH 4:14

Büpai, “Hapayü kahdoknyü peüei Shembüpa chongphohen shingvaishi shiteibanei jepü shennyak nyi hih” shei eteke.

JEREMIAH 51:33

Jeiyong Shembüpa, Israel Kahvangi hapakei enyüke: Babylon nelayü hah tenpü hepak kü hah tenshingei shouptükpü hah kei nyüke; Kansho hük angpheikü pinnyü vetlanghen peikahen.

MENVIH KESHO 68:29

Nüngei phopshem Jerusalemei nyupü nangkü ongthüi nüng kü thintho konyüke.

JOSHUA 6:19

Hon, melangnyiam hatü nyiam peü Shembüpalei vaihen; hatü kemei Shembüpalei mop tuhshingei leiyei tuhtuh” shei eteke.

ISAIAH 5:28

Jomei lahhanü nahshi, jomei pülah peü kütüktü nyüke; jomei koyeithülei ladokü yaongnah keiha, hatü jomei koyei kharithü alüngleple kei nyüke.

MENVIH KESHO 72:10

Tarshish ongthü, hatü shübaongei nyupüthüi büpa kü bom ühhen; Sheba hatü Seba ongthüi thinthothü koei peihen.

SHAHKÜP 33:25

Jomei penyüsha-ü nyiami lingtü nyuhen, hatü jom nyih meshük nyu, hapakei wong kohshi nyuhen.

ISAIAH 21:10

Oh hahten shingei shuoppükei, Oh ngelei nanglak Israel kü shuoptükteke. Shejao Jeiyong Shembüpa, Israel Kahvang leipü mehe shahjangmei danpa, ngei ha am kü ephünyeih.

JEREMIAH 51:20

Nüngü ngelei vehok phunglang, nüng mü ngei jatthü ngümtükpeih, nüng mü ngei ongchingthü mahtükpeih,

HOSEA 10:11

Israel amü hah tenhen nyuhtükpü mohoh cheha kei nyuteke; hatü ngei nethe meipü üng kü püdü nechanshuoh; Shejao ngei püdü chanhütü, Ephraim ami hanshong shühen; Judah ami han hokhen, hatü Jakobi kahdok shohen.

HABAKKUK 3:12

Nüng mongshihpai kahdoknyü nyeütük; nüng mongmangei jatthü shouptük.

MENVIH KESHO 24:1

Kahdok hatü halei nyupü lemphü Shembüpalei; kahdoknyü hatü halei nyupüthü peü;

MIKA 5:7

Jakob nanglak aopüthüyü shennyak longi khongkü Shembüpai shompü nyien kei nyuhen, hatü shennyak hangku danei nenyupü phenha shang kübü vanglah kei nyuhen.

ZEKHARIAH 12:3

Hapa nyih, mechem kahdoknyü jatthü peü pinnyü khüei thaihen, ngei Jerusalemü jat peü shing nejenlenpü yaongnyü hük leihühen. Üami ha nohen kheteihenshang, jom nyingi mangshi ma yahhen.

ZEKHARIAH 12:6

Hapa nyih kü, ngei Judah amü jahpandok kü aw daipükei nevaijü hah meanpü yimnyüdok awi shaampükei nyuhen; jomi ngeihpü shonpü jatthü peü laknyong lakdah shei mahtükhen, shejao Jerusalemü pinnyülei shing kü thaiyei chingchinghen.