MIKA 4:10 - DAÜLANGPÜ LAIHING (BSI)

¹⁰ Oh Zion nela, nyü hüki moi paishingkü tüngpü kü kei lepeilükei theptuh; Mehenangkü shaang nüng chingnyü tuhtü koshoya kü tapshaü shaüei nyunüng daihen. Nüng Babylonei daihen, halei Shembüpai nüng yangei tuhhen. Halei Shembüpai vepalei lak kübü nüng anglanghen.

MIKA 4:10 Referans Kwoze

ISAIAH 48:20

Babylon leipü leidaituh, haleipü nyaidaituh! Mongongpai hapa shahjang leneishuoh; peü lemei ha baongtuh. Kahdok dohpü ngoishi ha shomtuh; “Shembüpai büpalei chongphobü Jakob yangteke” shei etuh.

HOSEA 13:13

Nyü hüki hapeü bühshingkü tüngpükei büpa kao peiteke, shejao büpa neliha vaipü nangkü bühhen hepak ngoijajao büpa vangngailei nevamhünyu.

HOSEA 2:14

Hanangkü shaang ngei pinnyü yawh-ei yingmongei yah-ei daihen, hatü pinnyü kü bampai shah ehen.

ISAIAH 45:13

Ngei daülangshemshepü kü ngelei mükhong jiühühen, hatü douthü jiüshi linghen nangkü ngei Cyrus vamhüpeih. Ngei büpalei lemthü peü kangshangi linghen; büpai ngelei chingnyü Jerusalem ne-ei lingei leihen, hatü wüpküpei nyupü ngelei nanglakthü bümei leihühen. Üpaiyao büpai hapa dükhen nangkü lat neshuoh, nevaijü yawhdou neshuoh” shei Jeiyong Shembüpai enyüke.

ISAIAH 43:14

Shembüpa, am Yemleibü, Daülangpü Israel Kahvangi hapakei enyüke: “Amphongei men kü ngei Babylonei veshanthü shomei jomei penyüshathü bentükhen, hatü jom nyipüwapü peü theppü youngpü leitükhen.

2 ONGPATHÜ 20:18

Nüngi bühhahpü hapeüthü hanei müei deilanghen; jomphongü Babylon ongpalei ongshemei ban tüktüktü chongphoei nyuhen” shei e.

SHAKEI VAMPÜ 12:14

Shejao hapa nyüha kü hapa biü toueipü pinnyü kü bong jem mü hükkeishing jungpü jahpanei pidaihen shingvaishi alang longpülei yang nyi shuoh.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

JEREMIAH 15:21

Ngei nüng nemeipüthülei lak kübü yanghen, hatü shihmangpü ami shümlangpü kübü angei leihen.”

MENVIH KESHO 106:10

Hanangkü büpai jom vepalei lak kübü yangteke.

2 SHÜPPÜKENGPÜ 36:20

Yani mahtü aopüthü peü büpai Babylon wüpküpei shetei dai, hatü Persia ongching mangvam thahshi jomü büpa hatü chehathülei chongphopüthü vaiteke.

2 SHÜPPÜKENGPÜ 33:11

Hanangkü Shembüpai jom khüei Assyria ongpalei veshan mübüthü shomei Manasseh am khoklatei yepei küp, shong kü nyiamphaaki kentü melangnyiami shatü Babylonei müei dei.

2 ONGPATHÜ 25:4

Babylon am ching shinei nyulangmao ongpalei pe yopailei bham nyi kübü peshaden homei bham benei ongpa hatü veshanthü peü yanüng nyaidaikem. Jom Arabah lemei nyaiyei dai,

JEREMIAH 29:20

Hanangkü shaang Shembüpalei shah bangtuh, ngei Jerusalem kübü Babylon wüpküpei shomtükpü amphong peü.

JEREMIAH 48:41

Kerioth am hahtükhen, penyüsha shümlanghen. Hapa nyih Moab am hampathülei mongü nyüha hük hapeü bühshingkü maanpükei maandaihen.

JEREMIAH 52:27

Hamath kahdok Riblahlei ongpai hathü jütük. Hanangkü Judah am laophülei kahdok kübü yanei wüpküpei daiteke.

MIKA 5:3

Hanangkü nyüha üpa büm nekongi nyüpa, pinnyülei yeshang mangbüh thahshi, hatü büpalei aopü jeihinaüthü nyokei Israel am mü mangshep thahshi büpai Israel am yaktükhen.

2 SHÜPPÜKENGPÜ 36:23

Persia ongpa Cyrus-i hapakei enyüke: “Shembüpa, vangsho Kahvangi kahdoknyü ongching peü ngei kü shuohteke, hatü büpai Judah kahdok Jerusalemei laophü shing phopshem hük vehen ngei jeteke. Am mü büpalei nanglak üam nyüpa, jom leishihtuh; Shembüpa, jomei Kahvang jom mü nyemnyu!” shei e.

JEREMIAH 4:31

Nyüha hük aokvomi tüngjü vaüpükei, hatü hashongpa angshingkü theppükei, “Ngeiyü onyükei! vepa touei ngei mahdainyu khih!” shei lak haongshi, ngü duwshi Zion nela theppü dannyüke.

JEREMIAH 13:4

“Nüngi shakei ngeihshi nyupü shüng ashak yah-ei daiyei Euphrates yungyen yaongdung hükei ha jophongtuh.”

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.