MIKA 3:8 - DAÜLANGPÜ LAIHING (BSI)

⁸ Shejao ngei shingvaishi payü Jakob kü jom pungpü, hatü Israel am kü jomei mang eshuohhen, Ngei kü Shembüpalei laangha, hatü ngan hatü shahhingi maei nyüpeih.

MIKA 3:8 Referans Kwoze

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

1 KORINT 2:4

Ngei epüsheipü hatü venpü peü yawhpüyangpü kihikon shah nevai, shejao Laangha hatü ngan hupü kü nyupeih,

EZEKIEL 43:10

Shennyak ha, nüngi Israel phang kü phopshem nang eyeishuoh, hatü jomi hapalei düklem shetei yemei nyemvei, hatü jomei mang deih-ei nyemveü.

EZEKIEL 16:2

Shennyak ha, Jerusalem kü pinnyülei jiühitnalai jung nyinghütuh,

JOB SHAHSHA APPÜ 32:18

Mehenangkü ngeiyao ekahen longi nyüpeih; ngelei mongei nyupü laanghai ha ehen kangnyüke.

MATHI 7:29

mehenangkü büpai jomphong shahkung nyuhbüthü kei nevai, shejao ngan kohpü am kei eteke.

EZEKIEL 22:2

“Shennyak ha, nüngi hapa jüteishangteipai maei nyupü chingnyü kü shahphenhen hiang? Pinnyüi dükpü jiühitnalaipü douthü peü eyeishuoh.

EZEKIEL 20:4

Nüngi jomei shahphenhen je, Oh shennyak ha? Nüngi jomei shahphenhen je? Shejema jomei bühipai dükpü jiühitnalaipü douthü nyinghütuh,

EZEKIEL 3:14

Laanghai ngei shangei an hatü ngei müei dai, hatü Shembüpalei ngan ngei touei wongmü pei, hatü ngei shahyaki mongshih-ei deihteke.

JEREMIAH 20:9

“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

JEREMIAH 1:18

Shejao shinnyih ngei nüngü kahmük peü khüei, Judah ongthü, ngongpathü hatü kahmük kü nyupü nanglak khüei yaonghen penyü showtükpü chingnyü, nyiam shemnyü hatü melangnyiami lingpü bham kei leihütih.

JEREMIAH 6:11

Shejao ngeiyü Shembüpalei mongshih-i maei nyüpeih; ngei ha kopai nyiudaitü nyüpeih. Chingyangshongei hashihthü kü, hatü nethethü thaipüyupü kü ha khüpeishuoh; Nyühipa nyiphen yah-ei lüdaihen, viünyü viüpa kemei deilanghen.

MARK 3:17

Zebedeelei cheha Jakob hatü chenaü Johan (üpa kü Boanerges lappai, “Vangmukei Hapeüthü” sheiyao nyük);

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

ISAIAH 61:2

Shembüpai phahjipü bong, hatü jenei Kahvang bhüh yemhen nyih baonghen; mahng theppüthü nyiushem meihühen,

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

EZEKIEL 23:36

Shembüpai ngei kü eteke: “Shennyak ha, nüngi Oholah hatü Oholibah nyi kü shahphenhen hiang? Hapheikü jijinyi-i dükpü jiühitnalaipü dou jung eyeishuoh.