MIKA 3:5 - DAÜLANGPÜ LAIHING (BSI)

⁵ Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.

MIKA 3:5 Referans Kwoze

JEREMIAH 6:14

Jomi ngelei nanglakthülei makaw kü wongshi neshiüpükei deihshi shaphongnyüke; Meishi neshiüshiüi “meishi nyüke” shei enyüke.

JEREMIAH 23:32

Shahshem mangh tetei eteipüthü kü ngei khünyüpeih shei Shembüpai enyüke. Jomi ngelei nanglakthü kü shahshem eyei lemnyongei mülangnyüke, shejao ngei jom neshom nevaijü neje. Jomi maaniyao nanglakthü nanglei nedanghünyu shei Shembüpai enyüke.

ROM SHAHSHA APPÜ 16:18

Mehenangkü hapa keipü shennyakthüi jenei Shembüpa Khrista chongnephonyih, shejao jomei shünyü chongphonyeih, hatü inyainyemi epai hatü yawhshah-i lapja-i nyupüthü luhahnyeih.

MATHI 15:14

Jom hei-üng tuhphongtuh. Jomü mükphüngpü lem mübüthü. Mükphingpa hüki lebü mükphüngpa müjema jijiphen kahshalei vühen” shei e.

MATHI 7:15

Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

MALAKI 2:8

Shejao amphong jiüpü lem kübü biendai, hatü ammi nyuhpü venpai longi huluh shuohteke; ngei mü am Levi ami vangpüshuwpü mangtükteke shei Shembüpa Kahvangi enyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

JEREMIAH 23:27

Chebü chepai Baal kahvang kü khümei ngei betükpükei jom hüki hük mü eteipü mang homei ngelei nanglakthüi ngelei men betükhen shei deihnyüke.

ISAIAH 3:12

Hasho naü-eethüi ngelei nanglakthü kü shüveihen, nyühathüi jom shak kü vanglem lemhen. Oh ngelei nanglakthü, ammei mübüthüi am lemnyong kü münyüke; jomi am lembienei deilangnyüke.

JOEL 3:9

Jatthü kü hapa baongeishuoh: Vehok hokhen temtuh! Hampathü thongei nyüktuh! Ammei veshanthü thaituh, hatü thepju kü daituh!

KANDOK 28:21

Dhe veiyei dou dükpeyü nemei, shejao haneiyü nük omhük tata kü nejiüpü düknyeih.

JEREMIAH 6:4

“Pinnyü khüei hokhen temtuh; Aongshah, hatü haümhah mü jom hahshah! Pheidainyu khih, hepak lüdainyüke; yanüng nyakyang lushi chongkahen.

YOUNG LAI 2:14

Ammei thibüthüi am kü shahshem, hatü lueilemei manghkhang eeteke; Ammei mang ngaiyei ne-e-i chongvenpai am lueilemteke. Jomei shah-i am shahshem, hatü lempung kü müteke.

EZEKIEL 13:9

Ngelei lak nejiüpü manghkhang eepüthü hatü shahshemi tetpüvanpü epüthü khüei nyüpeih; henüng keipü shennyakthü ngelei nanglakthü mü shahdep kü ne-omhen. Israel amei bühü men nyangpü laitap kü neshüaokhen; hathüi Israel kahdokei nyokei neleiaokhen. Shejüang ammi ngeiyü Shembüpa Kahvang khih shei nyinghen.

HOSEA 4:5

Nyakhingai kemei kü am huluh shuohnyüke, hatü am mü chemi thibüthüiyao huluh shuohnyüke. Hanangkü ngei ammei nyü, Israel mahtükhen.